भजन संग्रह 104:5 - Sunuwar Bible

⁵ रागी गेना यो महिम्‍सेक्‍ल, दे आ जग वोइक्‍तीनी। मत्ती २४:३५; प्रकाश २१:१

भजन संग्रह 104:5 ပူးပေါင်းရင်းမြစ်များ

अय्‍युब 26:7

मेकोम श्‍येत्‍थ बाक्‍तीकेमी उत्तर ङा सरीङ प्राक्‍ब। मिनु रागी कली मारेइ मबाक्‍तीकेम क्‍युक्‍ब।

भजन संग्रह 24:2

मारदे हना परमप्रभुमी मेको नेल्‍ल आन कली ब्‍वाक्‍कु तारी सेल्‍शा, शुश ब्‍वाक्‍कु तारी लीमल, दे सेल्‍शो बाक्‍त।

भजन संग्रह 33:9

मारदे हना परमप्रभुमी लोव़ पा मारेइ मारेइ दुम्‍शो बाक्‍त। मेकोमी अरेवानु, दुम्‍शो बाक्‍तेक्‍म। भजन संग्रह १४८:५

भजन संग्रह 96:10

गे रागी रागी ङा मुर आन दातेमी “परमप्रभु यावे पिप बाक्‍ब” दे शेंदीन। रागी महिम्‍सीचा ङा पा सेल्‍शो बाक्‍ब। मेको मयाक्‍‍सीब। मेकोमी जात जात ङा मुर आन कली कुल मकोव़थु निसाफ पाइब। भजन संग्रह ९३:१

प्रकाश 20:11

मिनु नोले गो ठेयब बुश नित्‍तीके का नु मेकेर निप्‍ब कली ताता। रागी नु स्‍वर्ग मेको कली तशा प्रोक्‍ताक्‍स। मिनु मेको आस कली बाक्‍तीके मबा। मत्ती २५:३१-४६; २पत्रुस ३:७,१०,१२

२ पत्रुस 3:10

प्रभु जाक्‍मेनु, खुइ जाक्‍शो खोदेंशो पा जाक्‍ब। मेना सरीङ ठेयब रेयके पा जाम्‍ब। मारेइ मारेइ ग्रोइश्‍शा नुप्‍नीम। रागी नु रागीम बाक्‍शो मारेइ मारेइ मीम खतम दुम्‍नीम। १थिस्‍सलोनिकी ५:२-३; मत्ती २४:२९; प्रकाश २०:११; यसैया २४:१९

भजन संग्रह 136:6

मेकोमी ब्‍वाक्‍कु तार रागी सेल्‍तु। मारदे हना मेको आ दाक्‍तीके गेना हना यो लीब।

भजन संग्रह 93:1

परमप्रभु यावेमी सासन पाइब। मेको पिप आ वाम ग्‍योम्‍सीशो बाक्‍ब। परमप्रभु यावेमी आ सक्ति किम्‍सीशो बाक्‍ब। रागी आ जग बोल्‍यो बाक्‍ब, मेको गेनायो महिम्‍सीब। भजन संग्रह ४७:८; भजन संग्रह ९६:१०; भजन संग्रह ९७:१; भजन संग्रह ९८:६; भजन संग्रह ९९:१; भजन संग्रह १४६:१०; प्रस्‍थान १५:१८

प्रकाश 6:14

मिनु सरीङ ओल्‍शो कागज खोदेंशो पा लाक्‍तु। डांडा, टापु नेल्‍ल याक्‍साक्‍म। यसैया ३४:४

उपदेसक 1:4

पाला का लाइब। मिनु अर्को पाला जाक्‍ब। तन्‍न रागी गेना हना यो लीब। भजन संग्रह ९०:३

१ सामुएल 2:8

मेकोमी मारेइ मथीब आन कली फुरक रे पोक्‍ब। प्रुङग आन कली घुरेन रे पोक्‍ब। मिनु मेको आन कली पिप आन तौ नु निप्‍पाइक्‍ब। मेको ठेयब मुर आन दातेम बाक्‍चा नु मान पाइक्‍तीक ताइनीम। मारदे हना रागी आ थाम परमप्रभु यावे केन बाक्‍नीम। मेकोम मेको तार रागी वोइक्‍तु। भजन संग्रह ११३:७-८

भजन संग्रह 119:90

इन मुर आन कली दाक्‍शा मप्रोंइतीके पाला पाला सम्‍म लीब। गे रागी सेल्‍शा वोइक्‍तीनी। मिनु मेको महिम्‍सीब।

हितोपदेस 8:29

ठेयब समुन्‍द्र आ शुंइच वोइक्‍ची ना नु रागी आ जग वोइक्‍ची ना गो नङ। भजन संग्रह १०४:९