भजन संग्रह 103:4 - Sunuwar Bible

⁴ मेकोमी इ कली खतम दुम्‍तीक रे प्रोंइब। इ कली आ गेना हना यो दाक्‍तीके नु शिशी पतीकेमी कोव़ब।

भजन संग्रह 103:4 ပူးပေါင်းရင်းမြစ်များ

उत्पत्ती 48:16

आं कली श्‍येत रे प्रोंइब परमप्रभु यावे आ स्‍वर्ग ङा गेय पाइबम एको वोंइश आल आस कली आसीक गेवल। मिनु एको आस पतीके आं नें नु आं किकी पिपी अब्राहाम नु इसहाक आस नें मप्रेंसेक्‍ल। एको निक्‍शी रे पा रागीमी शुश दुम्‍मल” दे आसीक गेम्‍सी बाक्‍त। उत्‍पत्ती ३२:२५-३०; यसैया ४१:१४

भजन संग्रह 103:12

नां दाप्‍तीक रे नां पेरतीक दोशो ङोन बाक्‍बा, मोशोन आंइ मरिम्‍शो पशो नेल्‍ल ङोन तिल्‍शो बाक्‍ब।

भजन संग्रह 21:3

गे मेको कली आसीक गेशा, रिम्‍शो पाइक्‍तीनी। मिनु आ पियाम क्‍येख सुन के सिरपेच गुप्‍ताक्‍नी।

भजन संग्रह 34:22

परमप्रभु यावेमी आ गेय पाइब आन कली श्‍येत रे प्रोंइब। मेको कली जिम्‍मा गेंसीबपुकी दोस मतथु, काइ सजाइ मताइनीम।

भजन संग्रह 5:12

मिनु परमप्रभु यावे, गे मेको ठीक पाइब आन कली आसीक गेनीनी। इन दाक्‍तीके मेको आन कली एर ओंथ वोइश्‍शो तेक्‍तीक खोदेंशो बाक्‍ब।

भजन संग्रह 56:13

मारदे हना गे आं कली बेक्‍चा रे प्रोंइतीनी। मिनु आं कली गोल्‍चा रे प्रोंइतीनी। परमप्रभु, गो ब्रोंइशो आन छेङछेङम गाक्‍चा तङल। अय्‍युब ३३:३०

भजन संग्रह 65:11

गे इन गेना हना यो दाक्‍तीकेमी शुश अन्‍न ग्रेल्‍ब सेल्‍नीनी। इन बग्‍गी मारेइ मारेइम ब्रीशो बाक्‍नीम।

भजन संग्रह 71:23

गे आं कली श्‍येत रे प्रोंइब बाक्‍तीनी। मोपतीके गो ग्‍येरशा सोम्‍शा इन कली कुम्‍सो पा ठेयब सेल्‍नुङ।

भजन संग्रह 8:5

गे मुर आन कली इन स्‍वर्ग ङा गेय पाइब आन क्‍येङा इच्‍का ला आइक्‍च सेल्‍तीनी। मुर आन कली मान नु छेङछेङमी सिरपेच गुप्‍शो खोदेंशो पा ग्‍योम्‍ताक्‍नी। हिब्रू २:६-८

यसैया 38:17

एको श्‍येत थमा पा आं कली ब्रोंइचा कली बाक्‍त। गे आं कली दाक्‍शा, श्‍येत रे ग्रुंइताक्‍यीनी। मारदे हना गे आं पाप नेल्‍ल क्‍याम्‍ताक्‍नी। भजन संग्रह ३२:५; मीका ७:१८-१९

यसैया 54:8

गो शुश गाइश्‍शा, याम का आं कुल इ ङोंइती रे ख्रुइक्‍ताक्‍ङ। तन्‍न आं गेना हना यो दाक्‍तीकेमी इ कली शिशी पाइनन” दे इ कली पाप रे प्रोंइब परमप्रभु यावेमी देंत। यसैया ६०:१०; बिलाप ३:३१-३२

याकूब 1:12

सु इन दातेमी आ थमा सुइक्‍तीके ठीक बाक्‍म कों, मबाक्‍म देय थुं थाम्‍चा पुंइसीशा फाल्‍ने चाप्‍बा, मेको मुर ग्‍येरसेक्‍ल। मेको थुं थाम्‍तीके ठीक दुम्‍त हना, मेको मुरुमी ब्रोंइतीक सिरपेच ताइब। परमप्रभु यावेमी “सुम आं कली दाक्‍बा, मेकोमी ब्रोंइतीक सिरपेच ताइब” दे लोव़ पशो बाक्‍ब। २तिमोथी ४:८

१ पत्रुस 5:4

नेल्‍ल क्‍येङा ठेयब गोठला जाक्‍मेनु, गे गेना हना यो लीब परमप्रभु यावे आ छेङछेङ ङा सिरपेच ताइनीनी। हिब्रू १३:२०; १कोरिन्‍थी ९:२५; २तिमोथी ४:८

प्रकाश 5:9

मिनु मेकोपुकीमी पाठा कली नक कुम्‍सो का पाम्‍तेक्‍म। मार नक कुम्‍सो पाम्‍तेक्‍म देंशा हना “मेको कागज ताक्‍ने नु प्राक्‍ने चाप्‍ब, गे का ला ननी। मारदे हना गे मुर आन कली परमप्रभु यावे आ नेक्‍था बाक्‍पाइक्‍चा कली ग्‍याप्‍तीनी। दोपा ग्‍याप्‍तीनी देंशा हना, साइक्‍चा पुंइसीशा, इन हुश शाइश्‍शा ग्‍याप्‍तीनी। मिनु गे मार मुर ग्‍याप्‍तीनी देंशा हना, नेल्‍ल थर रे, नेल्‍ले लोव़ रे, नेल्‍ल जात रे नु नेल्‍ल रागी रे मुरपुकी ग्‍याप्‍तीनी। भजन संग्रह ३३:३