भजन संग्रह 103:21 - Sunuwar Bible

²¹ गे स्‍वर्ग ङा गेय पाइबपुकी परमप्रभु यावे कली ठेयब सेलीन। आ गेय पाइब नेल्‍ल परमप्रभु यावे आ दाक्‍शो पने।

भजन संग्रह 103:21 ပူးပေါင်းရင်းမြစ်များ

उत्पत्ती 32:2

मिनु याकूबमी मेको आन कली तशा “एकेर परमप्रभु आ लडाइ पाइब आन बाक्‍तीके बाक्‍ब” देंमाक्‍त। मोपतीके मेको ग्रुम्‍तीक रागी आ नें महा-नाइम वोदा बाक्‍त। महा-नाइम आ अर्थ चहिं “बाक्‍तीक निक्‍शी” बाक्‍ब।

१ राजा 22:19

मिनु मीकायामी लोव़ तेम्‍शा “एको परमप्रभु यावे आ लोव़ नेनीन। गो परमप्रभु यावे आ स्‍वर्ग ङा गेय पाइब नेल्‍ल आन कली आ ग्‍युरा गे नु आ पेरा गे राप्‍पाइश्‍शा, परमप्रभु यावे आ नित्‍तीकेम बाक्‍शो ताता। २इतिहास १८:१८; अय्‍युब १:६; यसैया ६:१

२ इतिहास 18:18

मिनु मीकायाम “मुल परमप्रभु यावे आ लोव़ नेनीन। गो परमप्रभु यावे कली आ ठेयब नित्‍तीकेम निश्‍शो ताता। मिनु आ स्‍वर्ग ङा गेय पाइब नेल्‍ले आ ग्‍युरा गे नु आ पेरा गे राप्‍शो बाक्‍तेक्‍म। यसैया ६:१

नेहेम्‍याह 9:6

मिनु एज्रामी “गे का ला परमप्रभु यावे बाक्‍नीनी। गे सरीङ सेल्‍तीनी। स्‍वर्ग नु मेकेर बाक्‍ब नेल्‍ल सेल्‍तीनी। गे रागी नु मेकेर ङा मारेइ मारेइ, समुन्‍द्र नु मेकेर ङा मारेइ मारेइ आन कली सेल्‍तीनी। मिनु मेको नेल्‍ल कली ब्रोंइचा गेतीनी। मिनु स्‍वर्ग ङा गेय पाइबपुकीमी इन कली ठेयब सेल्‍नीम।

भजन संग्रह 104:4

मिनु गे फश कली इन लोव़ चोव़ब नु मी कली इन गेय पाइब सेल्‍शो बाक्‍नीनी। हिब्रू १:७

भजन संग्रह 33:6

परमप्रभु यावेमी लोव़ पशा, सरीङ सेल्‍तु। आ मुइश्‍शोमी सोरुल नेल्‍ल दुम्‍तेक्‍म। उत्‍पत्ती १:६,१४

भजन संग्रह 68:17

परमप्रभु आ बग्‍गी हजार हजार क्‍येङा शुश बाक्‍नीम। मिनु परमप्रभु सीनै रे आ बाक्‍तीकेम जाक्‍शो बाक्‍ब।

मत्ती 13:41

रागीम जरमेशोमी परमप्रभु यावे आ गेय पाइब आन कली सोइक्‍ब। मिनु मेकोपुकीमी आ राज्‍य रे पाप पपाइक्‍ब नु पाप पाइब नेल्‍ल आन कली खुप्‍शा, मत्ती २४:३१

लूका 2:13

मिनु सरीङ रे परमप्रभु यावे आ स्‍वर्ग ङा गेय पाइब शुश फो फु ग्रूशा, परमप्रभु यावे कली ठेयब सेल्‍शा भजन संग्रह १०३:२०-२१

हिब्रू 1:14

मेको गेय पाइब सोक्‍त मनमी ङा? मिनु आन पाप क्‍याम्‍चा पुंइसीब आन कली वारच पथ सोइश्‍शो मनमी ङा?” देंत। भजन संग्रह ३४:८; भजन संग्रह ९१:११-१२

यहोसु 5:14

मिनु मेकोमी “ममाइ, गो परमप्रभु यावे आ फौज आन कली चलेब नङ। मोपतीके जाक्‍ती” देंत। मिनु यहोसुमी गु बाप्‍शा सेउ पशा “आं प्रभु, गो इन गेय पाइब नङ। आं कली मार लोव़ पाइनीनी?” दे हिल्‍लो पाप्‍तु।