भजन संग्रह 103:17 - Sunuwar Bible

¹⁷ तन्‍न परमप्रभु यावे आ गेना हना यो दाक्‍तीक आ कली मान पा हिंब नु गेना हना यो लीब। मिनु आ ठीक पतीके आन तौ चच आन पाला सम्‍म लीब। लूका १:५०

भजन संग्रह 103:17 ပူးပေါင်းရင်းမြစ်များ

भजन संग्रह 100:5

मारदे हना परमप्रभु यावे रिम्‍शो पाइब बाक्‍ब। मिनु आ गेना हना यो दाक्‍तीके लीब। मिनु आ दाक्‍शा मप्रोंइतीके नेल्‍ल पाला सम्‍म बाक्‍ब।

भजन संग्रह 111:3

मेको आ गेय ठेयब नु मान पाइक्‍चा पुंइसीब बाक्‍नीम। मिनु परमप्रभु आ ठीक पतीके गेना हना यो लीब।

भजन संग्रह 118:1

परमप्रभु यावे कली “गे रिम्‍शो पाइब बाक्‍नीनी” देनीन। मारदे हना मेको रिम्‍शो पाइब बाक्‍ब। मिनु आ दाक्‍तीके गेना हना यो लीब। भजन संग्रह १०६:१

भजन संग्रह 22:31

मेकोपुकीम नोले जरमेशो मुर आन कली परमप्रभु आ ठीक पतीके आ पर्बम शेंनीम। मेकोमी प्रोंइतु, दे नेल्‍ल आन कली तुइक्‍पाइक्‍नीम।

भजन संग्रह 25:6

परमप्रभु यावे, इन शिशी नु गेना हना यो दाक्‍तीके कली मिम्‍तीन। मारदे हना मेको साइ ङोंइती रेन बाक्‍त।

भजन संग्रह 90:16

इन गेय पाइबपुकीमी इन गेय तुइक्‍तमेक्‍ल। मिनु मेको आन आल आन कली इन छेङछेङ ङा सक्ति कोंइदीन। यसैया ५:१२

प्रस्‍थान 20:6

तन्‍न सु सुमी आं कली दाक्‍नीमी, आं शेंशो लोव़ टीनीमी, मेको आन आल, चच युइ नु युइ आन युइ आन पाला सम्‍म कली ला ममाइ, हजार हजार पाला सम्‍म गेना हना यो शिशी पाइक्‍नुङमी। प्रस्‍थान ३४:७; ब्‍यवस्‍था ७:९

यसैया 41:8

मिनु परमप्रभु यावेमी “आं गेय पाइब इस्राएल, आं योव़शो याकूब, आं वारच अब्राहाम आ चच युइ बाक्‍ब। यसैया ४२:१९; यसैया ४३:१०; यसैया ४४:१,२१; यसैया ४५:४; भजन संग्रह १३५:४; याकूब २:२३

यसैया 46:13

आं पाप रे प्रोंइतीक चाक्‍नुङ, मेको ङोन मबाक्‍ब। गो इन कली रीब पा पाप रे प्रोंइनुङ। गो आं पाप रे प्रोंइतीक सियोनम वोइक्‍नुङ। इस्राएल कली आं छेङछेङ गेनुङ” देंत।

यसैया 51:6

मिनु सरीङ गे कोव़ङीन। खप गे कोव़ङीन। मारदे हना सरीङ कुन खोदेंशो पा जाम्‍ब। रागी वा खोदेंशो पा जेक्‍ब। रागीम बाक्‍ब मुर नेल्‍ल भुस्‍ना खोदेंशो पा बेक्‍नीम। आं पाप रे प्रोंइतीके चहिं गेना हना यो लीशा बाक्‍ब। आं ग्रातीके गेनायो मनुप्‍‍ब। भजन संग्रह १०२:२६-२७; मत्ती २४:३५

येरमीया 31:3

परमप्रभु यावे ङोन आ बाक्‍तीके रे जाक्‍ब। मिनु मेकोमी ‘गो इ कली गेना हना यो लीब दाक्‍तीकेम दाक्‍ताक्‍‍न। मोपतीके गो इ कली दाक्‍चा मप्रोंइनु‍ङ।

दानीएल 9:24

इ मुर नु परमप्रभु आ सहर ७० हप्‍ता सम्‍म श्‍येत जचा माल्‍नीम। मिनु मे नोले मरिम्‍शो नु पाप पतीके नुप्‍ब। मेना अरेशो मटितीके क्‍याम्‍तीके गेय पशो बाक्‍ब। मिनु ठीक पतीके गेना हना यो लीब। मिनु मेको कोंइतीक नु परमप्रभु यावे आ लोव़ पाइब कली छाप थोक्‍शा नोले परमप्रभु आ बाक्‍तीक लेंशा सेल्‍शा तेल ख्रेक्‍नीम।

मीका 6:5

आं मुरपुकी, मोआब ङा पिप बालाकम मार सल्‍ला पशो बाक्‍मे, मेको मिम्‍तीन। बेओर आ तौ बालाममी मेको कली मार लोव़ लेत्‍ता, मेको मिम्‍तीन। शित्तीम रे गिल्‍गाल सम्‍म ङा लांमी गाक्‍शोनु, मार मार दुम्‍मे, मेको मिम्‍तीन। मिनु परमप्रभु यावेमी इन कली दोपा प्रोंइशो बाक्‍मे, मेको तुइक्‍नीनी” देंत। गन्‍ती २२:-२४:-; यहोसु २:१; यहोसु ४:१९

रोमी 1:17

परमप्रभु यावेमी मुर आन कली दोपा ठीक दुम्‍पाइक्‍बा, मेको आ लोव़ रे पा तुंइ‍सीब। मिनु “ठीक पाइब आं कली थमा सुइश्‍शा ब्रोंइब” दे ब्रेक्‍शो बाक्‍ब। हबकुक २:४; रोमी ३:२१-२२; गलाती ३:११

रोमी 15:8

इं किकी पिपी आन कली गेशो लोव़ खाप्‍चा कली ख्रीस्‍त यहूदी आन कली पाप रे प्रोंइब दुम्‍त। मोपा परमप्रभु यावे आ देंशो थमा बाक्‍ब, दे कोंइचा कली मोदेंशो दुम्‍त। मत्ती १५:२४; प्रेरित ३:२५

ब्‍यवस्‍था 10:15

मो हना यो परमप्रभु यावेमी इन किकी पिपी आन कली तशा, दाक्‍ताक्‍व। मिनु मेको आन चच युइ, इन कली जात जात ङा मुर नेल्‍ल आन दाते रे योव़तु। मोदेंशो पा मुलाक्‍ती बाक्‍ब, दे तुइक्‍नीनी। ब्‍यवस्‍था ७६

२ तिमोथी 1:9

परमप्रभु यावेमी सैतान रे प्रोंइशा “आं मुर नम” दे ब्रेत्‍ताक्‍व। इं रिम्‍शो पतीके कोव़शा ममाइ, आ माल्‍शो नु शुश ङोंइती रे ख्रीस्‍त येसुमी इं कली गेशो दाक्‍तीके आ पर्बम ब्रेत्‍ताक्‍व। तीतस ३:५

२ पत्रुस 1:1

गो येसु ख्रीस्‍त आ वाइल नु आ सोइश्‍शो, सिमोन पत्रुस नङ। इं परमप्रभु यावे नु पाप रे प्रोंइब येसु ख्रीस्‍त रे पा ठीक दुम्‍तय, दे थमा सुइश्‍शा, थुं का दुम्‍तय। मोपतीके इन कली एको चिठी ब्रेक्‍ताक्‍ङ।