भजन संग्रह 102:8 - Sunuwar Bible

⁸ नेल्‍ल नाक्‍त आं जोरी सत्रुमी आं कली शुक्‍शी पा बाक्‍नीम। आं कली शुक्‍शी पाइबपुकीमी आं नें थिशा साराप पाइनीम।

भजन संग्रह 102:8 ပူးပေါင်းရင်းမြစ်များ

भजन संग्रह 2:1

मारदे रागी रागी ङा मुर नेल्‍ल गारशा, परमप्रभु यावे आ पर्बम गाइक्‍नीमी? मारदे जात जात ङा मुर जाम्‍शा लाइब मरिम्‍शो ला मिम्‍नीमी? प्रेरित ४:२५-२६; प्रकाश ११:१८

भजन संग्रह 41:5

आं जोरी सत्रुमी “मेको गेना बेक्‍बा ङा, आ नें क्‍याम्‍सीबा?” देंनीम।

भजन संग्रह 55:3

गो आं जोरी सत्रु आन लोव़ नेंशा, इन अरेशो मटीबपुकीम श्‍येत गेतीके रोंका पा गाक्‍ती। मारदे हना मेकोपुकी गाइश्‍शा आं जोरी सत्रु दुम्‍शा, श्‍येत गेतीमी।

भजन संग्रह 69:20

आं कली रिश्‍शा कोव़शो आ पर्बम आं थुं जिक्‍शो बाक्‍ब। मिनु गो मारेइ पने मचाप्‍ब दुम्‍शो बाक्‍ती। आं कली शिशी पाइब ‘सुइ बाक्‍मा कों’ दे कोव़ता, तन्‍न सुइ मबाक्‍म। लेम्‍ब यो सुइ मबाक्‍म।

भजन संग्रह 77:5

गो ङोंइती ङा नाक्‍त नु साइ ङा बर्सपुकी मिम्‍ताक्‍ङ। भजन संग्रह १४३:५

भजन संग्रह 89:51

परमप्रभु यावे, मारदे इन जोरी सत्रुमी आं कली शुक्‍शी पाइय्‍यीमी? मेकोपुकीमी मारदे इन तेल लुक्‍शो, आं कली ते ते थेक्‍तु, मेक मेक शुक्‍शी पाइय्‍यीमी?

यसैया 65:15

आं योव़शोपुकीमी सराप पची ना इन नें थीनीम। मिनु नोले गो परमप्रभु, परमप्रभु यावेमी इन कली साइक्‍नन्‍नी। तन्‍न आं गेय पाइब आन कली नक नें वोइक्‍नुङमी। यसैया ६२:२

येरमीया 29:22

मेको आस पतीकेन यहूदा रे बेबीलोनम ग्‍याइश्‍शा लाइक्‍चा पुंइसीशो आन दातेमी सराप पाइनीम। परमप्रभु यावेम इ कली सिदकीयाह नु आहाब आस कली खोदेंशो सेलल। बेबीलोन ङा पिप नेबुकदनेसरमी मेको आस कली मीम हुम्‍शो बाक्‍त’ देंनीम।

लूका 6:11

मिनु योव़की पाइबपुकी चुरशा “मेको कली मार पय?” दे लोव़ पमुमा बाक्‍त।

प्रेरित 26:11

थमा सुइक्‍ब आन कली आंइ ग्रुम्‍तीक खिं खिंमी कीशा चाक्‍शा तुप्‍शा, येसु आ नें मरिम्‍शो सेल्‍पाइश्‍शा, मुल ङा मेरे मेको लां मखोइक्‍नीकी देंपाइक्‍तामी। नेल्‍ल आन कली साइक्‍पाइक्‍नुङमी, दे जोंब बोक्‍शा गाक्‍ती। यरूसलेममी ला ममाइ, ङोन ङोन रागी लशा, खेदा पा श्‍येत गेतामी।

प्रेरित 7:54

स्‍तीफानसमी मोदें हुइक्‍तीमीनु, नेल्‍ल गाइश्‍शा, लल गोंगों जिशा, ख्रुइ शेप्‍शा प्रेक्‍मा बाक्‍त।

रोमी 15:3

ख्रीस्‍तमी यो आंमा दाक्‍शो मपव “इन कली पशो शुक्‍शी, आं तार मोंइसाक्‍व” दे ब्रेक्‍शो बाक्‍ब। भजन संग्रह ६९:९