भजन संग्रह 102:2 - Sunuwar Bible

² गो श्‍येत जङा नाक्‍ती इन कुल मख्रुइक्‍तीन। गो ब्रेङङा नाक्‍ती आं लोव़ फ्रा लेत्‍तीनी।

भजन संग्रह 102:2 ပူးပေါင်းရင်းမြစ်များ

अय्‍युब 34:29

तन्‍न मेको सिक्‍सी पा बाक्‍‍त हना, सुम मेको कली दोस गेने चाप्‍बा ङा? मेकोम आ कुल ख्रुइक्‍ताक्‍व हना, सुम मेको कली तने चाप्‍बा ङा? रागी ङा मुर नेल्‍ल कली नु मुर का कली मेको कान बाक्‍ब।

अय्‍युब 7:21

गे मारदे आं हेंथे पशो माफ मगेयीनी? मारदे आं मरिम्‍शो पशो मक्‍याम्‍नीनी? मुल गो बेक्‍नुङ। मिनु गे आं कली माल्‍तीनी हना यो, मथित्‍नीनी” दे अय्‍युबमी परमप्रभु यावे कली देंमाक्‍त।

भजन संग्रह 104:29

मिनु इन कुल ख्रुइक्‍तीनीनु, मेकोपुकी श्‍येत जाइनीम। मेको आन सोक्‍त लाइक्‍नीनु, मेकोपुकी बेक्‍नीम। मिनु लेंशा फुरक दुम्‍नीम। उत्‍पत्ती ३:१९

भजन संग्रह 13:1

परमप्रभु यावे, आं कली गेना सम्‍म प्रेंनीनी? गेना सम्‍म इन कुल ख्रुइक्‍नीनी? भजन संग्रह ७७:८; हाबाकुक १:२

भजन संग्रह 143:7

परमप्रभु यावे, गे आं कली रीब पा लोव़ लेत्‍तीनी। आं थुं लुक्‍च लशो बाक्‍ब। इन कुल आं क्‍येङा मख्रुइक्‍तीन। मो दुम्‍त हना, गो बेक्‍शो मुर आन बाक्‍तीक लाइब मुर खोदेंशो दुम्‍नुङ।

भजन संग्रह 17:1

“परमप्रभु यावे, गे ठीक पशो आ पर्बम आं लोव़ नेनीन। आं ब्रेश्‍शो नेनीन। आं जोल मपथु पुंइशो लोव़ इन नोफा दाइश्‍शा नेनीन।

भजन संग्रह 22:19

परमप्रभु यावे, गे आं क्‍येङा ङोन मबाक्‍कीन। गे आं कली सक्ति गेब बाक्‍नीनी। गे रीब पा आं कली वारच पाइय्‍यीनी।

भजन संग्रह 27:9

इन कुल आं क्‍येङा मख्रुइक्‍तीन। इन गाइक्‍तीकेमी इन गेय पाइब, आं कली, मतिल्‍यीनी। गे आं कली वारच पाइब बाक्‍नीनी। गो नु बाक्‍शा, मप्रोंइयीनी। गे आं कली श्‍येत रे प्रोंइब बाक्‍नीनी।

भजन संग्रह 31:2

इन नोफा दाइक्‍तीने, आं कली रीब पा प्रोंइयीनी। गे आं ख्रुइक्‍तीक सेरथे फुल्‍लु नु आं कली प्रोंइब बोल्‍यो दरवार दुमीन। भजन संग्रह ७१:३

भजन संग्रह 40:13

परमप्रभु यावे, श्‍येत रे प्रोंइयीनी। परमप्रभु यावे, आं कली वारच पाइक्‍चा कली रीब पा जाक्‍कीन। भजन संग्रह ७०:-

भजन संग्रह 69:17

इन कुल इन गेय पाइब रे मख्रुइक्‍तीन। गो श्‍येत जशो बाक्‍नुङ। आं कली रीब पा लोव़ लेत्‍तीनी।

भजन संग्रह 70:1

“परमप्रभु, आं कली राइक्‍चा कली रीब पा जाक्‍कीन। परमप्रभु यावे आं कली वारच पचा कली रीब पा जाक्‍कीन।

भजन संग्रह 71:2

इन ठीक पतीकेम आं कली राइश्‍शा प्रोंइयीनी। आं लोव़ नेंशा, आं कली प्रोंइयीनी।

प्रस्‍थान 2:23

मिनु शुश बर्स नोले इजीप्‍त रागी ङा पिप बेक्‍माक्‍त। इस्राएल जात ङा मुर इजीप्‍त रागीम वाइलीम वाइल खोदेंशो दुम्‍शा, शुश श्‍येत जशा, परमप्रभु कली “वारच पाइय्‍यीकी” दे पुंइशा ङाक्‍मा बाक्‍त। मिनु परमप्रभुमी मेको आन ङाक्‍शो नेना बाक्‍त।

प्रस्‍थान 2:24

मिनु परमप्रभुमी अब्राहाम, इसहाक नु याकूब नु कबल पशो मिम्‍ता बाक्‍त। उत्‍पत्ती १५:१८; उत्‍पत्ती २६:३; उत्‍पत्ती २८:१३-१४

यसैया 43:2

गे ब्‍वाक्‍कु शोक्‍शा, गाक्‍चा माल्‍ते हना यो, गो गे नु बाक्‍नुङ। खोला शोक्‍साक्‍वे हना यो, मेकोम इ कली मयोल्‍ब। मीम गाक्‍शा लवेनु, मेकोम इ कली मजेप्‍ब। मेको मीम इ कली मदाक्‍ब। प्रस्‍थान १४:२१; भजन संग्रह ६६:१२; दानीएल ३:२५-२७

यसैया 65:24

मिनु गो मेको आन पुंइचा क्‍येङा ङोंइती, लोव़ लेत्‍नुङमी। आन लोव़ पन पना नेंनुङ। यसैया ३०:१९; यसैया ५८:९

यसैया 8:17

मिनु गो याकूब आ खिं ङा मुर आन क्‍येङा आ कुल ख्रुइक्‍ब परमप्रभु यावे आ लां कोव़शा, रिम्‍शा बाक्‍नुङ।

१ कोरिन्‍थी 10:13

मुल सम्‍म गे फाल्‍ने मचाप्‍चा ङा पा थुं नाक्‍‍चा मपुंइसीनी। परमप्रभु यावे थमा सुइक्‍चा माल्‍शो बाक्‍ब। इन फाल्‍ने चाप्‍तीक सक्ति कोव़शा, इन फाल्‍ने मचाप्‍चा ङा पा थुं थाम्‍चा मगेब। तन्‍न गेप्‍तु हना यो, इन फाल्‍ने चाप्‍तीक सक्ति बारपाइक्‍ब दे तुइक्‍तीने। भजन संग्रह ६८:२०; २पत्रुस २:९