भजन संग्रह 101:4 - Sunuwar Bible

⁴ दूली पतीक थुं आं क्‍येङा ङोन बाक्‍चा माल्‍ब। मिनु गो मरिम्‍शो पतीके यो तुइक्‍चा मदाक्‍नुङ।

भजन संग्रह 101:4 ပူးပေါင်းရင်းမြစ်များ

भजन संग्रह 119:115

गो आं परमप्रभु आ शेंतीके पने चबुल, गे मरिम्‍शो पाइबपुकी, आं क्‍येङा ङोन लने।।

भजन संग्रह 26:4

गो दूली पाइब मुरपुकी नु मबाक्‍ङ। मिनु जोल पाइबपुकी नु गारशा गेय मपङ। भजन संग्रह १:३

भजन संग्रह 26:5

मरिम्‍शो पाइब आन देल्‍तीके ग्रांग्रा दीनुङ। मिनु इन अरेशो मटीब नु मबाक्‍नुङ।

भजन संग्रह 6:8

गे मरिम्‍शो पाइबपुकी, आं क्‍येङा ङोन लने। मारदे हना परमप्रभु यावेमी आं ङाक्‍शो नेंतु।

हितोपदेस 11:20

मरिम्‍शो थुं परमप्रभु यावे कली ग्रांग्रा बाक्‍ब। तन्‍न दोस मताइब रिम्‍शो थुं पाइश्‍शो मुर आन लां गाक्शो तशा ग्‍येरसीब।

हितोपदेस 22:24

गाइक्‍ब मुर नु वारच मदुमो। मिनु शुश चुरब नु मगाक्‍को। हितोपदेस १५:१८

हितोपदेस 29:27

ठीक पाइबपुकीमी मरिम्‍शो पाइब तशा ग्रांग्रा दीनीम। तन्‍न परमप्रभु यावे आ अरेशो मटीबपुकीमी ठीक पाइब आन कली तशा ग्रांग्रा दीनीम।

हितोपदेस 3:32

मरिम्‍शो दूली पाइब तशा, परमप्रभु यावे ग्रांग्रा दी‍ब। रिम्‍शो थुं पाइश्‍शोपुकी चहिं मेको नु बाक्‍चा ताइनीम। भजन संग्रह २५:१४

हितोपदेस 8:13

परमप्रभु यावे कली मान पा हिंचा, मरिम्‍शो पचा कली काइ मदाक्‍चा बाक्‍ब। फुरती कोंइचा, ठेयब लेश्‍शो दुम्‍चा, मरिम्‍शो थुं ङा गेय पचा नु दूली लोव़ पचा काइ मदाक्‍नुङ।

हितोपदेस 9:6

क्‍येख मुर आन लां गाक्‍चा प्रोनीन। मिनु जोक्‍ब तुइक्‍ब आन लां गाक्‍शा, ब्रोंइ‍शा बाक्‍कीन।

मत्ती 7:23

मोदेंब आन कली ‘गो इन कली गेनायो मतुइक्‍तन्‍नी। ए मरिम्‍शो पाइबपुकी, ङोन लने’ दे हुइक्‍नुङमी। मत्ती २५:१२; २तिमोथी २:१९

२ कोरिन्‍थी 11:33

तन्‍न थमा सुइक्‍बपुकीमी आं कली डोकोम कुरपा गारो ङा झेल रे ओंखां पा तोक्‍शा प्रोक्‍पाइक्‍तीमी। मोपा जोरी सत्रु आन गुइ रे ब्रोंइती। प्रेरित ९:२४-२५

२ तिमोथी 2:19

तन्‍न परमप्रभु यावे आ थमा शेंतीके मब्रेत्‍चा ङा जग खोदेंशो बाक्‍ब। प्रभुमी आ मुर आन कली तुइक्‍ब। मिनु प्रभु कली तुइक्‍ब मुरपुकी मरिम्‍शो पचा रे ङोन बाक्‍चा माल्‍नीम। मेको थोव़शो छाप खोदेंशो बाक्‍ब। गन्‍ती १६:५; मत्ती ७:२२-२३; यूहन्‍ना १०:१४,२७