भजन संग्रह 100:1 - Sunuwar Bible

¹ रागी रागी ङा मुर नेल्‍ल परमप्रभु यावे कली ग्‍येरसीशा कुम्‍सो पने।

भजन संग्रह 100:1 ပူးပေါင်းရင်းမြစ်များ

भजन संग्रह 145:1

आं परमप्रभु, गे आं पिप बाक्‍नीनी। गो इन कली मान पाइनुङ। इन नें गेना हना यो ठेयब सेल्‍नुङ।

भजन संग्रह 32:11

गे ठीक पाइबपुकी, परमप्रभु यावे कली मिम्‍शा ग्‍येरसीने। रिम्‍शो थुं पाइश्‍शोपुकी ग्‍येरशा, कुम्‍सो पने।

भजन संग्रह 47:1

जात जात ङा मुर नेल्‍लेमी इन गुइ फ्रोक्‍तीन। गे ग्‍येरशा, परमप्रभु कली कुम्‍सो पने।

भजन संग्रह 47:5

मुरपुकी शुश ग्‍येरसमानु, परमप्रभु आ नित्‍तीकेम लाइब। परमप्रभु यावे तुराही ताप्‍शो नेंशा लाइब।

भजन संग्रह 66:1

ए रागी ङा मुर नेल्‍ले, ग्‍येरशा परमप्रभु कली कुम्‍सो पने।

भजन संग्रह 66:4

रागी ङा मुर नेल्‍ल इन ङोंइती बाप्‍नीम। मेकोपुकीमी इन कली ठेयब सेल्‍शा, कुम्‍सो पाइनीम। मिनु इन नें कली ठेयब सेल्‍शा, कुम्‍सो पाइनीम। ठेयब सेंदा पा।

भजन संग्रह 67:4

रागी रागी ङा मुरपुकी ग्‍येरशा सोम्‍शा, कुम्‍सो पामेक्‍ल। मारदे हना गे जात जात ङा मुर आन कली कुल मकोव़थु निसाफ पाइनीनी। मिनु रागी रागी ङा मुर आन कली इन लां कोंइनीनी। ठेयब सेंदा पा।

भजन संग्रह 68:32

ए रागी ङा राज्‍यपुकी, परमप्रभु कली कुम्‍सो पने। परमप्रभु यावे कली ठेयब सेल्‍तीक कुम्‍सो पने। ठेयब सेंदा पा।

भजन संग्रह 98:4

रागी रागी ङा मुर नेल्‍ल परमप्रभु यावे कली ग्‍येरसीशा कुम्‍सो पने। साप्‍पा ग्‍येरसीशा मेको कली ठेयब सेलीन।

सेफन्‍याह 3:14

सियोन आ तमी, ठेयब सेंदा पा कुम्‍सो पावो। इस्राएल, ठेयब सेंदा पा ग्रीङो। यरूसलेम आ तमी इ थुं नेल्‍लेम ग्‍येरशा सोम्‍शा बाक्‍को।

जकरिया 14:9

परमप्रभु यावे रागी नेल्‍ल ङा पिप दुम्‍ब। मेको नाक्‍त परमप्रभु यावे का ला बाक्‍ब। आ नें यो का ला बाक्‍ब। भजन संग्रह ९७:१; प्रकाश ११:१५

लूका 19:37

मेको जैतून डांडा लाक्‍शा ब्रुम्‍मा बाक्‍त। येसुमी शुश छक लाक्‍चा ङा गेय पतीके मुर नेल्‍ल थाम्‍पा ग्‍येरशा, कुम्‍सो पा परमप्रभु यावे कली ठेयब सेल्‍ना सेल्‍न,

रोमी 15:10

मिनु लेंशा “अर्को रागी ङा मुर आं योव़शो मुरपुकी नु थुं का दुम्‍शा, ग्‍येरसीन” दे ब्रेक्‍शो बाक्‍ब। ब्‍यवस्‍था ३२:४३

ब्‍यवस्‍था 32:43

गे रागी रागी ङा मुरपुकी, ग्येरसीशो मेको आ मुर बाक्‍नीनी। मिनु नेल्‍लेमी परमप्रभु कली मान पने। मारदे हना मेकोमी आ गेय पाइब आन हुश आ क्‍येक्‍क लेप्‍ब। आ मुर आन कली मरिम्‍शो पाइब आन कली क्‍येक्‍क लेप्‍ब। मिनु मेको आन कली काइ मदाक्‍ब आन कली क्‍येक्‍क लेप्‍ब। मिनु मेकोमी आ मुर आन रागी कली लेंशा रिम्‍शो सेल्‍ब” दे मोसामी कुम्‍सो पाप्‍तु। रोमी १५:१०; ब्यवस्‍था २१:८; गन्‍ती ३५:३३-३४