भजन संग्रह 10:8 - Sunuwar Bible

⁸ मेकोपुकीमी गाउं मेर ख्रुइश्‍शा बाक्‍शा, दोस मताइब आन कली साइक्‍नीम। श्‍येत जाइब आन कली यो बाप्‍शा बाक्‍नीम।

भजन संग्रह 10:8 ပူးပေါင်းရင်းမြစ်များ

२ राजा 21:16

मेको क्‍येङा लाक्‍शा यो मनस्‍सेम दोस मताइब शुश मुर आन हुश शाइक्‍पाइश्‍शा, यरूसलेम आ सुर का रे अर्को सुर सम्‍म प्रिंदा बाक्‍त। मिनु मेकोम यहूदा कली पाप पपदा बाक्‍त। मिनु मेकोपुकीम परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। २राजा २४:४; भजन संग्रह १०६:३८

अय्‍युब 24:14

मुर साइक्‍ब मुर नां रिक्‍म नोले बोक्‍शा प्रुङग नु मारेइ मथीब आन कली साइक्‍ब। मिनु नाक्‍दो मेको खुइ खोदेंशो दुम्‍ब।

भजन संग्रह 17:11

गो ते लती हना यो, मेकोपुकीमी आं कली पुम्‍नीम। आं कली साइक्‍चा माल्‍नीम।

भजन संग्रह 94:6

मेकोपुकीमी आन वोंइश बेक्‍शो मीश मुर नु अर्को रागी ङा मुर आन कली साइश्‍शो बाक्‍नीम। मिनु रोम रोइक्‍च आन कली यो साइश्‍शो बाक्‍नीम।

हितोपदेस 24:15

गे परमप्रभु यावे आ अरेशो मटीब ठीक पाइब आन खिं खतम पोक्‍चा कली बाप्‍शा मबाक्‍को। मेको ठीक पाइब आ बाक्‍तीकेमी हुश ख्राक्‍श मपोक्‍को।

येरमीया 22:17

तन्‍न इ मिक्‍च नु इ थुंम ठीक पा मचेम्‍शो क्‍येट ला बाक्‍ब। गे दोस मताइब आन हुश शाइक्‍पाइक्‍नेवे। गे मुर आन कली दिप्‍शा हुश ख्राक्‍श पोक्‍नेवे। मरिम्‍शो पचा नु रोइक्‍चा ला दाक्‍नेवे।

हबकुक 3:14

मिनु गे मेको आ लडाइ पाइब आन ब्राम आन पिया ख्रित्‍तीनी। मेकोपुकी ख्रुइश्‍शा बाक्‍ब प्रुङग मुर आन कली साइक्‍चा थुं पा फश गिवार खोदेंशो पा जाक्‍शो बाक्‍‍तेक्‍म।

लूका 10:1

मिनु नोले प्रभुमी ७० जना अरु शेंसीब आन कली योव़शा, ङोंइती आ लशो सहर गाउंमी निक्‍‍निक्‍शी पा सोइक्‍तीमी बाक्‍त। का नि‍क्‍शी किताबम ७२ देंनीम। लूका ६:१३-१६; लूका ९:१; मर्कूस ६:७

लूका 8:1

मिनु नाक्‍त का निक्‍शी नोले येसु सहर सहर, गाउं गाउं हिरशा, परमप्रभु यावे आ राज्‍य ङा ग्‍येरपाइक्‍ब लोव़ शेंना शेंन गाक्‍माक्‍त। मेको नु आ १२ जना शेंसीब यो बाक्‍मा बाक्‍त।

न्‍यायाधीस 9:25

मिनु शेकेम ङा ठेयब मुरपुकीमी अबीमेलेक कली काइ मदाक्‍थु, साइक्चा, दे डांडाम बाप्‍चा कली मुर सोइक्‍तमे बाक्‍त। मेकोपुकीमी लांम गाक्‍ब आन मारेइ मारेइ रोइक्‍तमे बाक्‍त। मिनु लांम बाप्‍शो बाक्‍नीम, दे अबीमेलेक कली तुइक्‍पदमे बाक्‍त।

१ सामुएल 22:18

मोपतीके पिपम एदोम ङा दोएग कली “ए दोएग लशा चढ़ेब आन कली सतो” देंमाक्‍त। मिनु दोएग लशा, चढ़ेब आन कली सदा बाक्‍त। मिनु मेकोमी मेको नाक्‍ती ८५ जना निसाफ पतीक ऊरीम नु थुम्‍मीम बाक्‍शो झोला फेक्‍शो मुर आन कली साइक्‍मी बाक्‍त।

१ सामुएल 23:23

मेको तेको ख्रुइक्‍तीकेम बाक्‍मे, रिम्‍शो पा रु‍पीन। मिनु आं बाक्‍तीक जाक्‍शा शेंदीनी। मिनु गो गेपुकी नु लाइ‍नुङ। मेको एको रागीम बाक्‍त हना, गो यहूदा आ खिं खिं ङा मुर आन दाते रे माल्‍शा ग्रुंइनुङ” देंमाक्‍त।