भजन संग्रह 10:5 - Sunuwar Bible

⁵ मोपा यो मारेइ मारेइम गाप्‍शा श्‍येत मजाइनीम। मारदे मेकोपुकीमी इन निसाफ पशो मताइनीमी? मेकोपुकीमी आन जोरी सत्रु आन क्‍येङा महिंथु मेको आन कली ग्रानीम। आमोस ६:३

भजन संग्रह 10:5 ပူးပေါင်းရင်းမြစ်များ

उत्पत्ती 6:12

मिनु परमप्रभुमी रागीम बाक्‍ब मुर आन कली कोव़ङानु, शुश मरिम्‍शो बाक्‍मा बाक्‍त। मुर नेल्‍लेमी आन द‍ला दाक्‍स पामे बाक्‍त। भजन संग्रह १४:२-३

२ सामुएल 5:6

नोले पिप दाऊद नु आ मुरपुकी, यरूसलेम सहरम बाक्‍ब यबुसी नु लडाइ पचा कली यरूसलेम लमा बाक्‍त। मिनु यबुसीपुकीम दाऊद कली “गे एक जाक्‍ने मचाप्‍नीनी। मिक्‍च मताइब नु खोइल मदुक्‍बम यो इन कली प्रोक्‍पाइक्‍नीम” देंमा बाक्‍त। मोपा दाऊद जाक्‍ने मचाप्‍ब, दे मिम्‍तमे बाक्‍त। यहोसु १५:६३; न्‍यायाधीस १:२१; न्‍यायाधीस १९:१०-१२

१ राजा 20:13

मेना परमप्रभु यावे आ लोव़ पाइब का इस्राएल ङा पिप आहाब आ बाक्‍तीक जाक्‍शा, मेको कली “परमप्रभु यावेमी ‘मार, गे एको ठेयब हुल लडाइ पाइब आन कली तवी? कोव़ङो, गो मुलाक्‍तीन मेको आन कली इ गुइमी गेनुङ। मिनु गोन परमप्रभु यावे नङ, दे तुइक्‍नेवे’ देंत” दें‍माक्‍त।

अय्‍युब 24:23

परमप्रभुम मेको आन कली प्रोंइतु हना यो, मेकोमी मेको आन कली गेना हना यो कोव़शो बाक्‍ब।

भजन संग्रह 12:5

परमप्रभु यावेमी “गो प्रुङग आन कली दिप्‍शो ताता। श्‍येत जाइब आन ङाक्‍शो नेंता। मोपतीके गो मुल बोक्‍नुङ, मेको आन कली श्‍येत मजतीकेम वोइक्‍नुङ” देंब।

भजन संग्रह 73:3

मारदे हना गो परमप्रभु आ अरेशो मटीब आन रिम्‍शो दुम्‍शो तशा नु मेको आन ठेयब लेश्‍शो तशा, गेहे पाता।

हितोपदेस 1:19

मुर आन मार मार रोइश्‍शा, तेल्‍सीबपुकी मोदेंशो पा साइक्‍चा पुंइसीनीम।

हितोपदेस 15:24

जोक्‍ब तुइक्‍ब मुर ब्रोंइचा गेब ग्‍येत्‍थ लां लाइब बाक्‍नीम। मोपा बेक्‍शो मुर आन बाक्‍तीक लतीक लुक्‍च लां मलाइनीम।

हितोपदेस 2:13

मेकोपुकी रिम्‍शो थुं पाइश्‍शो मुर आन लांम गाक्‍चा प्रोंइ‍शा, छिङछिङ ङा लांम गाक्‍नीमी,

हितोपदेस 2:15

मेको आन पतीक काइ मरिम्‍शो बाक्‍ब। हेंथे लां गाक्‍ब बाक्‍नीम।

हितोपदेस 24:1

मरिम्‍शो पाइब मुर आन मार मार तशा, गेहे मपने। मिनु मेको नु मबाक्‍कीन।

यसैया 10:1

आबी, सु सुमी ठीक मदुम्‍शो ऐन कानुन सेल्‍नीमी, मुर आन कली दिप्‍चा ङा अरेशो लोव़ ब्रेक्‍नीमी, यसैया ५:८-२३

यसैया 26:11

परमप्रभु यावे, इन गुइ मेको आन पर्बम क्‍युक्‍शो बाक्‍तीनी हना यो, मेकोपुकीमी मतुइक्‍नीम। गे इन मुर आन कली दाक्‍शो तशा, मेकोपुकी मुने दोक्‍मल। इन जोरी सत्रु आन कली नेक्‍ब मीमी मेको आन कली यो नेक्गल। यसैया ३७:३२

यसैया 28:15

मिनु गेपुकीमी “गोपुकीमी बेक्‍पाइक्‍ब नु कबल पमुशो बाक्‍नीकी। बेक्‍शो मुर आन बाक्‍तीके नु सल्‍ला पाइतक। ठेयब श्‍येत जाक्‍त हना यो, आंइ कली मारेइ मदुम्‍ब। मारदे हना जोल पतीके नु गारशा ख्रुइश्‍शो बाक्‍नीकी। दूली पतीकेमी फाम्‍सीशो बाक्‍नीकी” देंतीनी।

यसैया 42:25

मोपतीके परमप्रभु यावे मेको आन पर्बम शुश गाइक्‍ताक्‍व। मेको आन कली लडाइ ङा श्‍येत दुम्‍पाइक्‍तु। मेको आन एर ओंथ नेल्‍ल मी जेत्‍ताक्‍व। मो हना यो मेकोपुकीमी काइ मरुबेम। मी जेश्‍‍शा यो आन थुं परमप्रभु यावे गे मलेत्‍तेम।

यसैया 5:12

बीना, तार पाइश्‍शो ठेयब ताप्‍तीके, खैजडी नु बांसुरी नेंशा, शांबु दुक्‍नीनी। तन्‍न परमप्रभु यावे आ पशो प्रेंशा ममिम्‍नीनी। आ गुइ ङा गेय मताइनीनी। आमोस ६:५-६; भजन संग्रह ४४:२

होसे 14:9

सु जोक्‍ब तुइक्‍ब बाक्‍बा, मेकोमी एको लोव़ तुइक्‍तल। सु के रुप्‍ब थुं बाक्‍मे, मेकोमी एको लोव़ रुबल। परमप्रभु यावे आ लां ठीक बाक्‍नीम। मिनु ठीक पाइबपुकी मेको आ लांमी गाक्‍नीम। तन्‍न आ देंशो मटीबपुकी मेको आ लांमी दाइल पाइसीनीम” दे परमप्रभुम देंत।

होसे 9:9

गिबा ङा नाक्‍त खोदेंशो पा मेकोपुकी काइ मरिम्‍शो गेय पाम्‍तेक्‍‍म। परमप्रभु यावेमी मेको आन मरिम्‍शो पशो मिम्‍शा सजाइ गेब। होसे १०:९; न्‍यायाधीस १९:२२-३०; न्‍यायाधीस २०:१३

रोमी 3:16

ते ते गाक्‍मा, मेक मेक मारेइ महेंथु खतम पाइनीम।

न्‍यायाधीस 9:27

शेकेम ङा मुर आन अङगुर रूमी लशा, अङगुर सेक्‍शा कोलमी ख्राक्‍गमे बाक्‍त। मिनु आन देवता आ मन्‍दीरमी चाड मानेचा कली लमा बाक्‍त। मिनु मेकेर जशा तूशा अबीमेलेक आ पर्बम शुक्‍शी लोव़ पामे बाक्‍त।

न्‍यायाधीस 9:38

मिनु जेबुलमी “इ ङोंइती ङा ठेयब लेश्‍शो लोव़, ते लाक्‍गा? गे ‘अबीमेलेक सु बाक्‍बा? गो मारदे मेको कली गेय पाइनीकी?’ देंशो नवे। इ मदाक्‍शो मुर मेको मनमी ङा? मुल लावो। मेकोपुकी नु लडाइ पावो” देंमाक्‍त।