भजन संग्रह 10:4 - Sunuwar Bible

⁴ मिनु ठेयब लेश्‍शा, आन थुंमी “परमप्रभुमी आंइ कली मरिम्‍शो मसुइक्‍ब। मारदे हना मेको मबाक्‍ब” दे मिम्‍नीम।

भजन संग्रह 10:4 ပူးပေါင်းရင်းမြစ်များ

उत्पत्ती 6:5

मिनु परमप्रभु यावेमी “रागीम बाक्‍शो मुर आं अरेशो मटीब नु मरिम्‍शो पाइब ला बाक्‍नीम। मार मिम्‍ताक्‍म हना यो, मरिम्‍शो बाक्‍त” दे मिम्‍ता बाक्‍त। उत्‍पत्ती ८:२१

अय्‍युब 22:17

मेको मुरपुकीम परमप्रभु कली ‘आंइ रे पा ङोन लन। नेल्‍ल क्‍येङा सक्ति पाइश्‍शोमी आंइ कली मार पने चाप्‍बा ङा?’ देंतेक्‍म। अय्‍युब २१:१४

भजन संग्रह 101:5

सु आ नेक्‍था ङा मुर आन पर्बम मरिम्‍शो लोव़ पाइबा, गो मेको कली खतम सेल्‍नुङ। ठेयब लेश्‍शो नु बोरशो थुं पाइश्‍शो मुर आन कली आं नेक्‍था बाक्‍चा मगेनुङ।

भजन संग्रह 18:27

गे दिप्‍चा पुंइसीशो मुर आन कली श्‍येत रे प्रोंइनीनी। मिनु ठेयब लेश्‍शो मुर आन कली आइक्‍च सेल्‍नीनी। अय्‍युब २२:२९

भजन संग्रह 27:8

परमप्रभु यावे, इन लोव़मी ‘आं कली मालीन’ दे ब्रेक्‍शो खोदेंशो पा, आं थुंमी इन कली माल्‍नुङ। ब्‍यवस्‍था ४:२९

भजन संग्रह 36:1

परमप्रभु आ अरेशो मटीब आन थुंमी हेंथे पतीक लोव़ बाक्‍ब। मार लोव़ बाक्‍ब देंशा हना “मेकोपुकीम परमप्रभु कली मान पा महिंनीम” देंशो लोव़ बाक्‍ब। रोमी ३:१८

भजन संग्रह 53:1

मूर्खपुकीमी आन थुंमी “परमप्रभु मबाक्‍ब” देंनीम। मेकोपुकी काइ मरिम्‍शो दुम्‍शा ग्रांग्रा दिचा ङा गेय पाइनीम। रिम्‍शो पाइब का यो मबाक्‍नीम।

भजन संग्रह 73:11

मिनु मेकोपुकीमी “परमप्रभुमी दोपा तुइक्‍बा ङा? मार मेको नेल्‍ल क्‍येङा ठेयब तुइक्‍ब बाक्‍बा ङा?” देंनीम। भजन संग्रह १०:११

प्रस्‍थान 5:2

मिनु फाराओमी “परमप्रभु यावे सु बाक्‍म, गो मतुइक्‍नुङ। मार, आ देंशो लोव़ टिचा माल्‍नुङा? गो इस्राएली आन कली मारदे लचा गेनुङा? गो परमप्रभु यावे कली मतुइक्‍नुङ। मोपतीके इस्राएल ङा मुर, इन कली लचा मगेनन्‍नी” दें‍त।

हितोपदेस 21:4

ठेयब लेश्‍शो नु बोरशो मुर दुम्‍चा, परमप्रभु यावे आ अरेशो मटीब आन छेङछेङ बाक्‍ब। मेको पाप बाक्‍ब।

हितोपदेस 30:13

का निक्‍शी मुर ठेयब लेश्‍शो बाक्‍नीम। मेको शुश बोरशो बाक्‍नीम।

हितोपदेस 30:9

मारदे हना गो नु मारेइ मारेइ बाक्‍त हना, गो इन कली प्रेंनुङ। मिनु ‘परमप्रभु यावे सु बाक्‍बा?’ देंनुङा कों? मिनु गो प्रुङग दुम्‍ती हना, खुइ पा आं परमप्रभु आ नें आइक्‍च सेल्‍शा मुने तोक्‍नुङा कों?” देंती। प्रस्‍थान ५:२

हितोपदेस 6:17

मेको मार बाक्‍नीम देंशा हना, ठेयब लेत्‍तीके, जोल पतीके, दोस मताइब मुर आन कली हुश ख्राक्‍श पोक्‍तीके,

उपदेसक 8:11

मुरुमी मरिम्‍शो पाप्‍तु हना, रीब पा सजाइ मताप्‍तु हना, मेकोमी मरिम्‍शो पना पन बाक्‍ब। अय्‍युब ३५:१५-१६; मलाकी ३:१४-१५

यसैया 2:11

मुर नेल्‍ल आन ठेयब लेश्‍शो आइक्‍च सेल्‍चा पुंइसीनीम। बोरशो मुर नेल्‍ल ब्रेम्‍शो सेल्‍चा पुंइसीनीम। मेको नाक्‍ती परमप्रभु यावे ला ठेयब दुम्‍ब। यसैया २:११

यसैया 3:9

मेको आन कुलमी आन मरिम्‍शो पशो तुइक्‍पाइक्‍ब। सोदोम ङा मुर खोदेंशो पा मेकोपुकीम आन पाप मख्रुइक्‍थु शोव़नीम। आबी, मेकोपुकीमी आंम कली ग्‍याइश्‍शा लाइक्‍चा पुंइसीब सेल्‍सीनीम। उत्‍पत्ती १९:५-९

यसैया 59:7

मेकोपुकी मरिम्‍शो पचा कली ला दोरनीम। दोस मताइब आन कली साइक्‍चा कली चुइक्‍नीम। मेको आन मिम्‍शो मरिम्‍शो बाक्‍ब। आन लांमी बिग्रेतीक नु खतम पोक्‍तीक बाक्‍ब। रोमी ३:१५-१७; हितोपदेस १:१६; येरमीया २:३४

यसैया 65:2

गो काइ मटीब मुर आन कली नाक्‍त रे आं गुइ हाम्‍शा वारच पाइक्‍चा माल्‍ता। मेकोपुकी आंम आन दला दाक्‍स पा मरिम्‍शो लां ला खोइक्‍तेक्‍म। रोमी १०:२१

येरमीया 2:31

मिनु गे, मुल ङा पाला ङा मुरपुकी, परमप्रभु यावे आ लोव़ मिम्‍तीन। मार, गो इस्राएली आन कली मुर मबाक्‍शो रागी नु थम छिङछिङ ङा रागी दुम्‍ङा ङा? मारदे आं मुरपुकीम ‘गो आंइ कली हिरचा कली सुइम तेक्‍ने मचाप्‍ब। गो इन ङोंइती गेनायो लेंशा मजाक्‍नीकी’ देंमा?

येरमीया 4:14

मिनु परमप्रभु यावेम “ए यरूसलेम, गे पाप रे ब्रोंइचा तचा कली इ थुं इ परमप्रभु यावे कली मटितीके रे चिक्‍सो। गेना सम्‍म इ मरिम्‍शो मिम्‍तीक इ थुंम बाक्‍चा गेनेवे? येरमीया ६:८; यसैया १:१४

सेफन्‍याह 1:12

मेना गो यरूसलेममी बत्ती दाशा मुर आन कली माल्‍शा, सजाइ गेनुङ। मारदे हना मेकोपुकीमी अल्‍सी पा आन थुंमी ‘परमप्रभु यावेमी रिम्‍शो नु मरिम्‍शो मारेइ यो मपाइब’ दे मिम्‍नीम।

सेफन्‍याह 2:3

गे रागी ङा परमप्रभु यावे आ ङोंइती ठीक पाइब नु ब्रेम्‍शो मुरपुकी परमप्रभु यावे कली मालीन। गे ठीक पाइब नु ब्रेम्‍शो थुं पाइश्‍शो दुम्‍चा मालीन। मिनु परमप्रभु यावेमी आ गाइश्‍शो नाक्‍त इन कली ख्रुइक्‍बा कों? आमोस ५:१५

मर्कूस 7:21

मुर आ थुं रे दोदेंशो ग्रांग्रा दितीके ग्रूब देंशा हना, तेल्‍लेम पचा, खुइ पचा, साइक्‍चा,

प्रेरित 8:22

गे ओदेंशो मरिम्‍शो थुं पचा प्रोंइशा, इ थुं परमप्रभु यावे गे लेत्‍तो। मिनु परमप्रभुमी इ पाप क्‍याम्‍शा गेबा कों? दे पुनो।

रोमी 1:21

परमप्रभु यावे नेल्‍ल क्‍येङा ठेयब बाक्‍ब, दे तुइश्‍शा यो ठेयब मसेलेम। परमप्रभु यावे कली “गे रिम्‍शो पाइतीनी” दे यो मदेंम। तन्‍न आन मिम्‍तीकेमी दूली पना पन बाक्‍तेक्‍म। मिनु आन मरुप्‍ब थुं क्‍येङा मरुप्‍ब दुम्‍त। एफिसी ४:१८

रोमी 1:28

आन थुंमी “परमप्रभु यावे कली तुइक्‍चा ममाल्‍ब” दे मिम्‍ताक्‍म। मोपतीके परमप्रभु यावेमी मेको आन कली आन मरिम्‍शो मिम्‍शो पचा गेशा, प्रोंइतु।

एफिसी 2:12

मेना गेपुकी ख्रीस्‍त रे ङोन बाक्‍तीनी। इस्राएल ङा मुरपुकी रे यो ङोन बाक्‍तीनी। मोपा परमप्रभु यावेमी पशो कबल मतुइक्‍थु, आस मपाइश्‍शो नु परमप्रभु यावे कली मतुइक्‍ब मुर बाक्‍तीनी। रोमी ९:४; १थिस्‍सलोनिकी ४:१३

ब्‍यवस्‍था 8:14

गेपुकी ठेयब लेश्‍शा, वाइलीम वाइल दुम्‍तीक इजीप्‍त रे ग्रुंइब परमप्रभु यावे, इन परमप्रभु कली मप्रेंचा, दे होस पा बाक्‍कीन।