भजन संग्रह 1:5 - Sunuwar Bible

⁵ मिनु मेको निसाफ दुम नाक्‍ती जाम्‍शा लाइनीम। पापीपुकी ठीक पाइबपुकी नु बाक्‍चा मताइनीम।

भजन संग्रह 1:5 ပူးပေါင်းရင်းမြစ်များ

भजन संग्रह 24:3

सु परमप्रभु यावे आ डांडा ङोइक्‍चा ताइबा ङा? सु आ योव़शो बाक्‍तीकेम बाक्‍ने चाप्‍बा ङा? भजन संग्रह १५:-

भजन संग्रह 26:9

आं कली मरिम्‍शो पाइब नु हुश ख्राक्‍श पोक्‍ब नु मसाइय्‍यीनी।

भजन संग्रह 5:5

ठेयब लेश्‍शो मुरपुकी इन ङोंइती राप्‍ने मचाप्‍नीम। गे मरिम्‍शो पाइब आन कली मदाक्‍नीनी।

भजन संग्रह 9:16

परमप्रभु यावेमी मेको ठीक निसाफ पाइब बाक्‍ब, दे मुर नेल्‍ल कली तुइक्‍पाइश्‍शो बाक्‍ब। आ अरेशो मटीब मुर आंम आन पशोमीन खतम दुम्‍नीम। ताप्‍तीकेमी ठेयब सेंदा पा।

मलाकी 3:18

मेको नाक्‍त ठीक पाइब नु परमप्रभु आ अरेशो मटीब खाल का ङा मदुम्‍नीम। मेको ताइनीनी। परमप्रभु कली गेय पाइब नु गेय मपाइब खाल का ङा मदुम्‍नीम। मेको यो ताइनीनी” देंत।

मत्ती 13:49

निसाफ पची नाक्‍त मोदेंशोन दुम्‍ब। परमप्रभु यावे आ गेय पाइबपुकी जाक्‍शा, ठीक पाइब आन दाते रे पापी आन कली योव़शा ग्रुंइशा, मत्ती २५:३२

मत्ती 25:32

मिनु आ ङोंइती नेल्‍ल रागी ङा मुर खुम्‍सीनीम। गोठलामी भेडा नु क्‍यारश आन कली ग्‍युरा नु पेरा गे तिल्‍शो खोदेंशो पा रोमी १४:१०; मत्ती १३:४९

मत्ती 25:41

मिनु आ पेरा गे राप्‍शो आन कली हिरशा ‘सराप तशोपुकी, गो नु मबाक्‍कीने। सैतान नु आ गेय पाइब आन कली गेनायो मकाप्‍ब मी वोइश्‍शो बाक्‍ब। मेकेर लने। प्रकाश २०:१०,१५

मत्ती 25:46

मिनु मेकोपुकी गेना हना यो सजाइ ततीकेमी लाइनीम। परमप्रभु आ ङोंइती ठीक दुम्‍शोपुकी चहिं गेना हना यो परमप्रभु यावे नु बाक्‍चा ततीकेमी लाइनीम” दे शेंताक्‍मी। यूहन्‍ना ५:२९; याकूब २:१३

लूका 21:36

मोपतीके आं देंशो मिम्‍शा बाक्‍कीन। परमप्रभु यावे कली ‘श्‍येत नेल्‍ल फाल्‍शा, थमा सुइक्‍तीक सक्ति गेकी। मिनु रागीम जरमेशो जाक्‍मेनु, सासीशा ग्रुम्‍चा तकल’ दे पुंइना पुंइन बाक्‍कीन” दे अर्ती गेमी बाक्‍त।

यहूदा 1:15

परमप्रभु यावे कली मटीब नेल्‍ल आन कली आन थमा मसुइक्‍तीकेमी पशो मटितीके तपाइक्‍नीम। परमप्रभु यावे रे ङोन बाक्‍ब पापीपुकीम परमप्रभु यावे कली मार मार मरिम्‍शो लोव़ पामे, मेको आन कली निसाफ पशा, सजाइ गेचा, दे जाक्‍तेक्‍म” दे लोव़ पवा बाक्‍त।