भजन संग्रह 1:2 - Sunuwar Bible

² मेको मुरुमी परमप्रभु यावे आ अरेशो लोव़ दाक्‍शा, नाक्‍दो नाक्‍ती मेको कली मिम्‍ना मिम्‍न बाक्‍ब। भजन संग्रह ११९:१४८; यहोसु १:८

भजन संग्रह 1:2 ပူးပေါင်းရင်းမြစ်များ

उत्पत्ती 24:63

मिनु नाक्‍नाक्‍दो रूमी हिरथ लमाक्‍त। मिनु कोव़ङानु, ङोन रे दलओंठपुकी पिशो तवा बाक्‍त।

एज्रा 7:10

एज्रामी परमप्रभु यावे आ अरेशो लोव़ रुप्‍चा नु पचा कली आ थुं फ्रेंशो बाक्‍त। मिनु परमप्रभु आ फुल्‍लुम मुशा ब्रेक्‍शो नु आ ठीक पतीक लोव़ इस्राएलम शेंचा कली मिम्‍शो बाक्‍त।

अय्‍युब 23:12

गो मेको आ शेंशो पाता। मेको आ लोव़ नाक्‍त किंत किंत ङा आं जचा थोव़क क्‍येङा यो शुश मिम्‍ताक्‍ङ।

भजन संग्रह 104:34

मेकोमी आं मिम्‍शो दाक्‍तल। मारदे हना गो परमप्रभु यावे कली मिम्‍शा ग्‍येरसीनुङ।

भजन संग्रह 112:1

परमप्रभु यावे कली ठेयब सेलीन। सु परमप्रभु यावे कली मान पा हिंबा, मेको ग्‍येरसीशो मुर बाक्‍ब। मेकोमी परमप्रभु आ शेंशो शुश दाक्‍ब। भजन संग्रह १:२; हितोपदेस २०:७

भजन संग्रह 119:1

सु सु रिम्‍शो पाइनीमी नु दोस मताइब बाक्‍नीमी, मेको ग्‍येरसीशो मुर बाक्‍नीम। मारदे हना मेकोपुकीमी परमप्रभु यावे आ अरेशो टिशो बाक्‍नीम। भजन संग्रह ११२:१-२

भजन संग्रह 119:11

गो मरिम्‍शो मपङल, दे इन लोव़ आं थुंम वोइश्‍शो बाक्‍नुङ।

भजन संग्रह 119:35

इन शेंतीके लांम गाक्‍पाइय्‍यीनी। मारदे हना गो मेको कली दाक्‍नुङ।

भजन संग्रह 119:72

मिनु हजार हजार टुक्रा सुन चांदी क्‍येङा इन अरेशो लोव़ आं कली रिम्‍शो बाक्‍ब।

भजन संग्रह 119:92

इन अरेशो लोव़म आं कली मग्‍येरपाइश्‍शो हना, गो आं श्‍येतम बेक्‍ङ वा। येरमीया १५:१६

भजन संग्रह 40:8

परमप्रभु, गो इन दाक्‍शो पशोमी आं कली ग्‍येरपाइक्‍ब। इन अरेशो लोव़ आं थुंम बाक्‍ब।

भजन संग्रह 88:1

परमप्रभु यावे, आं परमप्रभु, गे आं कली श्‍येत रे प्रोंइब बाक्‍नीनी। नाक्‍दो नाक्‍त गो इन ङोंइती पुंइशो बाक्‍नुङ।

येरमीया 15:16

इन लोव़ बाक्‍त हना, गो नोफा दाइश्‍शा नेंता। मेको आं कली ग्‍येरतीक नु आं थुं कली नाइक्‍पाइक्‍ब दुम्‍त। मारदे हना परमप्रभु यावे, मुर नेल्‍ल आन परमप्रभु, गो इन के नङ। ब्‍यवस्‍था ८:३; ब्‍यवस्‍था ३२:४६-४७; इजीकीएल ३:१-३; प्रकाश १०:८-९

लूका 18:7

मारदे हना निसाफ पाइब आ पशो खोदेंशो पा परमप्रभु यावेमी आ योव़शो आन कली आन पुंइशो मगेबा ङा? मेकोपुकीमी नाक्‍त किंत किंत पुंइचा मप्रोंइथु बाक्‍नीम। मुल मगेप्‍तु हना, काबु ङा काबु गेब। मिनु ग्रापाइक्‍ब।

लूका 2:37

मिनु आ वोंइश बेक्‍म नोले शुश बर्स ब्रोंइशा, ८४ बर्स दुम्‍माक्‍त। मेकोमी परमप्रभु यावे आ खिं मप्रोंइथु, नाक्‍दो नाक्‍ती मेकेर माइजा बाक्‍शा प्रार्थना पा, परमप्रभु यावे कली ठेयब सेल्‍ना सेल्‍न बाक्‍बाक्‍माक्‍त। १तिमोथी ५:५

रोमी 7:22

गो आं थुंमी परमप्रभु यावे आ अरेशो लोव़ दाक्‍शा ग्‍येरसीनुङ।

१ थिस्‍सलोनिकी 2:9

आंइ लोक्‍बपुकी, गे नु बाक्‍शा, शुश गेय पाइतक, दे तुइक्‍नीनी। गोपुकीमी परमप्रभु यावे आ ग्‍येरपाइक्‍ब लोव़ शेंदकानु, इन कली श्‍येत मगेचा, दे नाक्‍दो नाक्‍त गेय पाइतक। प्रेरित १८:३; प्रेरित २०:३३-३४; १कोरिन्‍थी ४:१२; २थिस्‍सलोनिकी ३:८

१ तिमोथी 4:15

मोपा बाक्‍को। मेको इ पशो तशा, नेल्‍लेमी इ थमा सुइक्‍तीके बारशो तामेक्‍ल।

२ तिमोथी 1:3

गो परमप्रभु यावे कली “गे रिम्‍शो पाइब बाक्‍नीनी” दे गेय पाइनुङ। आं के किकी पिपी यो मोदेंशो पशो बाक्‍तेक्‍म। आं प्रार्थनामी इ कली गेना हना यो मिम्‍नुङ। फिलिप्‍पी ३:५; प्रेरित २३:१; प्रेरित २४:१६

यहोसु 1:8

एको आं अरेशो लोव़ ङा किताब इ थुं रे ङोन मवोतो। मेको कली नाक्‍दो नाक्‍ती मिम्‍तो। मेकेर ब्रेक्‍सीशो नेल्‍ल होस पा टिवो। मो पाप्‍तीवी हना, गे ग्राना ग्रान गाक्‍नेवे। मिनु इ पतीक नेल्‍ल थम रिम्‍शो दुम्‍ब। भजन संग्रह १:२-३

१ यूहन्‍ना 5:3

गोपुकीमी “परमप्रभु यावे कली दाक्‍नय” देंतय हना, आ अरेशो लोव़ टिशा पाइनय। आ देंशो लोव़ टिशा पचा श्‍येत ममाइ। यूहन्‍ना१४:१५,२३,२४; मत्ती११:३०