हितोपदेस 8:9 - Sunuwar Bible

⁹ मिनु मेको आं लोव़ रुप्‍ब आन कली मख्रुइश्‍शो लोव़ बाक्‍ब। जोक्‍ब आन कली ठीक लोव़ बाक्‍ब।

हितोपदेस 8:9 ပူးပေါင်းရင်းမြစ်များ

हितोपदेस 14:6

शुक्‍शी पाइबमी तुइक्‍तीके माल्‍ना माल्‍न बाक्‍त हना यो, मथिप्‍ब। रुप्‍ब मुर मोशा जोक्‍ब दुम्‍नीम।

हितोपदेस 15:14

रुप्‍ब थुं पाइश्‍शो मुरुमी जोक्‍तीके माल्‍ब। तन्‍न मूर्खमी मूर्खे पचा ला दाक्‍नीम।

हितोपदेस 15:24

जोक्‍ब तुइक्‍ब मुर ब्रोंइचा गेब ग्‍येत्‍थ लां लाइब बाक्‍नीम। मोपा बेक्‍शो मुर आन बाक्‍तीक लतीक लुक्‍च लां मलाइनीम।

हितोपदेस 17:24

रुप्‍ब मुरुम आ तुइक्‍तीके माल्‍‍ब। तन्‍न मूर्खमी रागी आ सुर सम्‍म कोव़शो बाक्‍ब। हितोपदेस ४:२५

हितोपदेस 18:15

निप्‍स पाइश्‍शो मुर आ जोक्‍तीके बारना बारन लाइब। जोक्‍ब तुइक्‍ब मुरुमी मेको क्‍येङा जोक्‍चा कली नोफा दाइक्‍ब।

हितोपदेस 3:13

तुइक्‍तीके ताइब नु रुप्‍ब‍पुकी ग्‍येरसीशो मुर बाक्‍नीम।

यसैया 35:8

मेकेर ठेयब लां का दुम्‍ब। मेको लां कली “परमप्रभु यावे आ लां बाक्‍ब” दे नें वोइक्‍नीम। ग्रांग्रा दिशो मुर मेको लां लचा मताइनीम। परमप्रभु आ मुर ला मेको लां लचा ताइनीम। सु सु मेको लां लाइनीमी, मेकोपुकी मूर्ख बाक्‍तेक्‍म हना यो, मजाम्‍नीम। यसैया ५६:३-८; येरमीया ३१:८

मीका 2:7

याकूब आ खिं ङा मुरपुकी, मोदेंशो देंचा दुम्‍बा? मार, परमप्रभु यावे आ फाल्‍तीक सक्ति नुम्‍मे ङा? मेकोमी मोदेंशो पाइबा ङा? परमप्रभु यावेमी रिम्‍शो पाइब आन कली रिम्‍शो लोव़ मपाइबा ङा? आमोस ६:३

यूहन्‍ना 6:45

मिनु परमप्रभु यावे आ लोव़ पाइब आन किताबमी ‘परमप्रभु यावेमी नेल्‍ल आन कली शेंब’ दे ब्रेक्‍शो बाक्‍त। तेकोमी आं आफ आ लोव़ नेंशा शेंसीबा, मेको आं गे पीब। यसैया ५४:१३

यूहन्‍ना 7:17

सु मुरुमी परमप्रभु यावे आ दाक्‍शो पाइबा, मेकोमी आं शेंतीके लोव़ परमप्रभु यावे के बाक्‍बा कों, आंम के बाक्‍बा, दे तुइक्‍ब।

याकूब 1:5

तुइक्‍‍ब थुं माल्‍तीनी हना, गेपुकीमी परमप्रभु यावे कली “गो तुइक्‍ब थुं माल्‍नुङ” दे पुनीन। परमप्रभु यावेमी मगाइक्‍थु, शुश तुइक्‍ब थुं गेब। याकूब ३:१५; हितोपदेस २:३-६