हितोपदेस 8:13 - Sunuwar Bible

¹³ परमप्रभु यावे कली मान पा हिंचा, मरिम्‍शो पचा कली काइ मदाक्‍चा बाक्‍ब। फुरती कोंइचा, ठेयब लेश्‍शो दुम्‍चा, मरिम्‍शो थुं ङा गेय पचा नु दूली लोव़ पचा काइ मदाक्‍नुङ।

हितोपदेस 8:13 ပူးပေါင်းရင်းမြစ်များ

अय्‍युब 1:1

साइ नेसी ऊज रागीमी अय्‍युब नें पाइश्‍शो मुर का बाक्‍माक्‍‍त। मेको ब्रोंइम सम्‍म दोस मतथु नु रिम्‍शो थुं पाइश्‍शो दुम्‍शा बाक्‍चा माल्‍ब मुर बाक्‍माक्‍त। मेको परमप्रभु कली मान पा हिंशा मरिम्‍शो पतीक रे ङोन बाक्‍ब मुर बाक्‍माक्‍‍त। येरमीया २५:२०; बिलाप ४:२१; इजीकीएल १४:२४,२०; याकूब ५:११

अय्‍युब 28:28

मिनु मेकोमी मुर आन कली ‘परमप्रभु यावे कली मान पा हिंतीके तुइक्‍‍तीक बाक्‍ब। मरिम्‍शो पतीक रे ङोन बाक्‍चा रुप्‍तीके बाक्‍ब’ देंत” दे अय्‍युबमी देंमाक्‍त। भजन संग्रह १११:१०; हितोपदेस १:७

भजन संग्रह 101:3

गो मारेइ मरिम्‍शो मिम्‍शा कोव़चा मदाक्‍नुङ। नोले शोंइसीब आन पतीके काइ मदाक्‍नुङ। गो मोदेंशो मदुम्‍ङल। हितोपदेस २०:८,२८

भजन संग्रह 119:104

इन ब्रेक्‍शा अरेशो लोव़ रे रुप्‍ब दुम्‍ती। मोपतीके गो दूली पतीक नेल्‍ल काइ मदाक्‍नुङ। भजन संग्रह ११९:२९

भजन संग्रह 119:128

मोपतीके गो आं लां नेल्‍लेमी इन ब्रेक्‍शा अरेशो लोव़ मिम्‍नुङ। मिनु दूली लां नेल्‍ल काइ मदाक्‍नुङ। भजन संग्रह ११९:२९

भजन संग्रह 138:6

परमप्रभु यावे नेल्‍ल क्‍येङा ठेयब बाक्‍त हना यो, मेकोमी आइक्‍च मुर आन कली कोव़ब। तन्‍न ठेयब लेश्‍शो मुर आन क्‍येङा ङोन बाक्‍ब।

भजन संग्रह 97:10

परमप्रभु यावेमी मरिम्‍शो पतीक कली काइ मदाक्‍ब मुर आन कली दाक्‍ब। आ कली थमा सुइक्‍ब आन कली कोव़ब। मेको आन कली आ अरेशो मटीब आन गुइ रे प्रोंइब।

प्रस्‍थान 1:17

तन्‍न मेको मीश मुर आन कली वारच पाइब नेल्‍लेमी परमप्रभु कली मान पा हिंशा, इजीप्‍त ङा पिपमी देंशो मपथु, वोंइश आल आन कली यो मसदमे बाक्‍त।

हितोपदेस 10:31

ठीक पाइब मुरुमी तुइक्‍तीक लोव़ पाइब। तन्‍न दूली लोव़ पाइब मुर आ लें फेत्‍चा पुंइसीब। भजन संग्रह ३७:३०

हितोपदेस 15:9

परमप्रभु यावे आ अरेशो मटीब मुर आन लां परमप्रभु यावे कली ग्रांग्रा बाक्‍ब। तन्‍न सुमी ठीक पाइ‍बा, मेको कली दाक्‍ब।

हितोपदेस 16:18

मुर खतम दुम्‍चा क्‍येङा ङोंइती ठेयब लेत्‍नीम। नुप्‍चा क्‍येङा ङोंइती मुर बोरनीम। हितोपदेस १८:१२

हितोपदेस 16:5

परमप्रभु यावे ठेयब लेश्‍शो आन कली तशा ग्रांग्रा दी‍ब। मेकोपुकी सजाइ मतथु मब्रोंइनीम।

हितोपदेस 16:6

दाक्‍शा गेनायो मप्रोंइतीकेमी मरिम्‍शो पतीक क्‍याम्‍सीब। मिनु सु परमप्रभु यावे कली मान पा हिंबा, मेको मरिम्‍शो रे ङोन लाइब।

हितोपदेस 3:7

गे “गो जोक्‍ब तुइक्‍ब मुर नङ” दे ममिम्‍तो। तन्‍न परमप्रभु यावे कली मान पा हिनो। मरिम्‍शो पतीके रे ङोन बाक्‍को। यसैया ५:२१

हितोपदेस 4:24

इ शोव़ कली मरिम्‍शो लोव़ पचा मगेवो। हेंथे लोव़ इ क्‍येङा ङोन वोतो।

हितोपदेस 6:12

हिंचा ङा मरिम्‍शो पाइब नु शोर गाक्‍शो मुर हेंथे लोव़ पा गाक्‍नीम। हितोपदेस १०:३१-३२

यसैया 13:11

परमप्रभुमी “गो रागी कली आ मरिम्‍शो पशो आ पर्बम सजाइ गेनुङ। आं अरेशो लोव़ मटिथु, मरिम्‍शो पाइब आन कली सजाइ गेनुङमी। मिनु ठेयब लेश्‍शो आन ठेयब लेत्‍तीके साम्‍पाइक्‍नुङमी। ठेयब श्‍येत गेशा हुकुम पाइब आन कली ब्रेम्‍पाइक्‍नुङमी।

आमोस 5:15

मरिम्‍शो पतीक कली काइ मदाक्‍तीन। रिम्‍शो पतीक कली दाक्‍तीन। ठेयब लाप्‍चोमी ठीक निसाफ पने। मिनु मुर नेल्‍ल आन परमप्रभु यावेमी योसेफ आ लीशो मुर आन कली शिशी पाइ‍बा कों?” दे परमप्रभु यावेमी देंत। भजन संग्रह ३४:१५; रोमी १२:९

आमोस 6:8

परमप्रभु यावेमी आ नेंमी कसम जशो बाक्‍ब। मिनु मुर नेल्‍ल आन परमप्रभु यावेमी “गो याकूब आ ठेयब लेश्‍शो तशा ग्रांग्रा दीनुङ। मेको आ बोल्‍यो दरवार आन कली काइ मदाक्‍नुङ। गो एको सहर नु आ मार मार नेल्‍ल आन जोरी सत्रु आन गुइमी गेनुङमी” देंशो बाक्‍ब।

जकरिया 8:17

इन दातेमी थुंम मिम्‍शा, मरिम्‍शो मपमुने। जोल पा कसम मजने। मारदे हना मेको नेल्‍ल गो ग्रांग्रा दी‍नुङ” दे परमप्रभु यावेमी देंत। जकरिया ७:१०

रोमी 12:9

थमा पा दाक्‍मुशा बाक्‍कीन। मरिम्‍शो गेय रे ङोन बाक्‍कीन। रिम्‍शो पने। १तिमोथी १:५; आमोस ५:१५

१ थिस्‍सलोनिकी 5:22

नेल्‍ल ग्रांग्रा दिचा ङा गेय क्‍येङा ङोन बाक्‍कीन।

२ तिमोथी 2:19

तन्‍न परमप्रभु यावे आ थमा शेंतीके मब्रेत्‍चा ङा जग खोदेंशो बाक्‍ब। प्रभुमी आ मुर आन कली तुइक्‍ब। मिनु प्रभु कली तुइक्‍ब मुरपुकी मरिम्‍शो पचा रे ङोन बाक्‍चा माल्‍नीम। मेको थोव़शो छाप खोदेंशो बाक्‍ब। गन्‍ती १६:५; मत्ती ७:२२-२३; यूहन्‍ना १०:१४,२७

१ पत्रुस 5:5

मिनु गे ठिटापुकी, शेंब खाल्‍पा आन देंशो लोव़ टिने। गे नेल्‍ल ब्रेम्‍शो थुं पाइश्‍शो दुम्‍शा, गेय पमुने। मारदे हना परमप्रभु यावेमी ठेयब लेश्‍शो मुर आन कली मकोव़ब, ब्रेम्‍शो थुं पाइश्‍शो मुर आन कली ला शिशी पाइब। एफिसी ५:२१; अय्‍युब २२:२९; हितोपदेस ३:३४; मत्ती २३:१२; याकूब ४:६

१ सामुएल 2:3

ठेयब लेश्‍शो लोव़ नु मरिम्‍शो लोव़ पचा प्रोनीन। मारदे हना परमप्रभु यावे नेल्‍ल जोक्‍ब तुइक्‍ब बाक्‍ब। मेकोमी मुर आन पतीके नु लोव़ नेल्‍ले नाक्‍ब।