12 गो तुइक्तीके नङ। गो होस पतीक नु बाक्नुङ। गो जोक्ब नु मिम्ब दुम्नुङ।
मेको आ ममा नाप्ताली आ खिं ङा आ वोंइश बेक्शो मीश मुर का बाक्माक्त। मेको आ आफ टायर ङा थाम्पा कांसा के गेय पस जोक्ब मुर बाक्माक्त। मोपतीके हुराम यो थाम्पा कांसा के गेय पस जोक्ब बाक्माक्त। मिनु मेको पिप सोलोमन आ बाक्तीक जाक्माक्त। मिनु आ कली गेशो गेय नेल्ल पवा बाक्त।
दाऊद आ मिम्शो नेल्ल मेको ब्रेक्सम बाक्शो बाक्त। मेकोमी परमप्रभु यावे आ खिं ङा लाङगा, आ एर ओंथ नेल्ल ङा कोठापुकी, परमप्रभु आ खिं ङा मार मार वोइक्तीक कोठा नु नेल्ल गेशो थोव़क कली वोइक्तीक कोठा आ तौ कली गेवा बाक्त।
मिनु दाऊदमी “एको नेल्ल परमप्रभु यावेमी मार पचा, दोपा सेल्चा आं कली शेंताक्यी। मोपा गो मेको नेल्ल गेय ङा ब्रेक्स ब्रेक्ताक्ङ” दे दाऊदमी देंमाक्त।
मिनु यहूदा ङा मुरपुकीम लेश्शा कोव़ङमेनु, लडाइ आन ङोंइती नु नोले यो बाक्माक्त, दे तुइक्तमे बाक्त। मिनु मेकोपुकीम “वारच पाइक्की” दे परमप्रभु यावे कली वाइ ब्रेश्शा थोव़मे बाक्त। मिनु चढ़ेबपुकीम आन तुराही ताप्मे बाक्त।
परमप्रभु यावे, इन गेय ठेयब नु शुश बाक्नीम। गे जोक्ब तुइक्ब दुम्शा, नेल्ल सेल्तीनी। रागी नेल्ल इन सेल्शो मारेइ मारेइम ब्रीशो बाक्ब। उत्पत्ती १:३१
मिनु मोसामी इस्राएली आन कली “नेनीन, परमप्रभु यावेमी यहूदा आ थर ङा हुर आ चच, ऊरी आ तौ बेचालेल कली आ नें थिशा, आ गेय पचा कली योव़तु।
मारेइ मजोक्ब आन कली निप्स खाप्शा गेय पचा शेंब। ठिटा आन कली जोक्ब नु होस पाइब सेल्ब।
मारेइ मजोक्बपुकी होस पतीके शेंसीन। निप्स मपाइश्शो बाक्तीनी हना, निप्स पाइश्शो दुमीन।
मारदे हना आन परमप्रभुमी मेको आन कली रिम्शो पा शेंताक्व।
परमप्रभु यावेमी नेल्ल तुइक्ब। परमप्रभु यावे सक्ति पाइश्शो नेल्ल क्येङा ठेयब बाक्ब। मुरपुकीमी परमप्रभु यावे आ निसाफ पशो, मुर आन कली पाइश्शो, सुइमी रुम्ने मचाप्नीम। यसैया ४५:१५; यसैया ५५:८-९
परमप्रभु यावेमी ख्रीस्त रे पा आ आल सेल्शा, इं कली योव़तु। मारदे हना ङोंइती रे योव़नुङमी, दे मिम्शो बाक्माक्त। मेकोन पाप्तु। कलस्सी १:१२
मिनु मेको आ जोक्तीक तुइक्तीक नेल्लेमी आ शिशी इं तारी मोइश्शो बाक्त। एफिसी ३:३-६,९; रोमी १६:२५; कलस्सी १:२६-२७
मारदे आं कली मोदेंशो सेल्ती देंशा हना, येसु ख्रीस्त कली थमा सुइक्बपुकीमी परमप्रभु यावे आ मिम्शो मार बाक्बा, मेको स्वर्गम बाक्ब हुकुम नु अधिकार पाइब आन कली तुइक्पदमेक्ल, दे आं कली कोंइब सेल्ती। १पत्रुस १:१२
रुप्तीके तुइक्तीके नेल्ल ख्रीस्त आगाम ख्रुइश्शो बाक्नीम। १कोरिन्थी १:२४,३०