हितोपदेस 7:3 - Sunuwar Bible

³ मेको कली इ ब्रेप्‍चोम फ्रेंदो। इ थुंमी ब्रेक्‍शा वोतो।

हितोपदेस 7:3 ပူးပေါင်းရင်းမြစ်များ

हितोपदेस 3:3

गेना हना यो दाक्‍शा गेनायो मप्रोंइथु, बाक्‍को। मेको निक्‍शी कली माला खोदेंशो पा रेल्‍शा, इ थुंम ब्रेक्‍शो खोदेंशो पा वोतो। ब्‍यवस्‍था ६:८; येरमीया ३१:३३

हितोपदेस 4:21

आं लोव़ कली गेना हना यो मिम्‍तो। मिनु मेको कली इ थुंमी वोतो।

हितोपदेस 6:21

मेको गेना हना यो इ थुंम वोतो। मेको कली माला खोदेंशो पा रेल्‍सो।

हितोपदेस 7:4

गे तुइक्‍‍तीक कली “आं समी ननी” देनो। मिनु जोक्‍तीक तुइक्‍तीके कली “आं नेल्‍ल क्‍येङा गारब वारच बाक्‍नीनी” दे लोव़ पावो।

यसैया 30:8

मिनु परमप्रभु यावेमी यसैया कली “मुल गे लावो, मेको मुर आन ङोंइती आं लोव़ फुल्‍लु तार ब्रेक्‍तो। मिनु किताबम ब्रेक्‍तो। नोले सम्‍म लील, दे नु गेना हना यो सांकछी दुम्‍पाइक्‍चा कली ब्रेक्‍तो।

यसैया 59:21

“गो नु पशो कबल मार बाक्‍त देंशा हना, आं सोक्‍त इन तार बाक्‍ब। गो आं लोव़ इन शोव़म कुर पाता। मेकेर गेना हना यो बाक्‍शा इन आलपुकीम मेको लोव़ पना पन बाक्‍नीमी। मेको लोव़ गेना हना यो इन चच युइम यो पना पन बाक्‍नीम” दे परमप्रभु यावेमी देंत। येरमीया १:९

येरमीया 17:1

परमप्रभु यावेमी “यहूदा आ पाप फलाम के मुतीकेम मुशा ब्रेक्‍शो बाक्‍ब। मेको हीरा पाइश्‍शो मुतीकेमी आन थुं नु आन चढ़ेतीक ङा ग्रोव़पुकीम मुशा ब्रेक्‍शो बाक्‍ब। २राजा २३:४-१८

येरमीया 31:33

तन्‍न इस्राएल आ खिं ङा मुर नोले ङा नाक्‍ती ङा कबल मार बाक्‍त देंशा हना, गो आं अरेशो मेको आन थुंम वोइक्‍नुङ। मिनु आन थुंम मेको ब्रेक्‍शा गेनुङमी। मिनु गो मेको आन परमप्रभु दुम्‍नुङ। मिनु मेकोपुकी आं मुर दुम्‍नीम। इजीकीएल ११:१९; हिब्रू १०:१६-१७; येरमीया ७:२३

२ कोरिन्‍थी 3:3

गे ख्रीस्‍तमी ब्रेक्‍शो चिठी दुम्‍तीनी। कागज मसीमी ब्रेक्‍शो ममाइ। फुल्‍लु मुशा ब्रेक्‍शो यो ममाइ। ब्रोंइचा गेब परमप्रभु यावे आ सोक्‍तीमी इन थुंमी ब्रेक्‍शो बाक्‍ब। प्रस्‍थान २४:१२