हितोपदेस 7:26 - Sunuwar Bible

²⁶ मेकोमी शुश मुर आन कली खतम सेल्‍तु। आ साइश्‍शो शुश बाक्‍नीम।

हितोपदेस 7:26 ပူးပေါင်းရင်းမြစ်များ

२ सामुएल 3:27

मोपा आब्‍नेर हेब्रोनम लेश्‍शा जाक्‍मेनु, योआबमी लोव़ पचा, दे सुइ मबाक्‍तीकेम लदा बाक्‍त। मिनु आ कोव़जम थोक्‍गा बाक्‍त। मोपा मेको आसाहेल साइश्‍शो आ पर्बम बेक्‍माक्‍त। १राजा २:५; २सामुएल २:२३

नेहेम्‍याह 13:26

मिनु “इस्राएल ङा पिप सोलोमनमी मोदेंशो मीश चाक्‍शा पाप पवा, ममाइ? शुश रागी आन दातेमी मेको खोदेंशो पिप सुइ मबाक्‍म। मिनु परमप्रभुमी मेको कली दाक्‍शा, इस्राएली नेल्‍ल आन पिप सेल्‍शो बाक्‍त। मोदेंशो बाक्‍त हना यो, अर्को रागी ङा मीश मुरपुकीमी मेको कली पाप पपाइश्‍शो बाक्‍तेक्‍म। १राजा ११:३-८

हितोपदेस 2:18

मेको आ खिं ओव़ब नेल्‍ल बेक्‍तीक लां लाइनीम। मेको आ खिं ङा लां बेक्‍शो मुर आन बाक्‍तीक लतीक लां बाक्‍ब।

हितोपदेस 23:28

मेको खुइ खोदेंशो पा लांमी बाप्‍शा बाक्‍ब। मिनु हेंथे गाक्‍ब वोंइश मुर शुश सेल्‍ब।

हितोपदेस 6:33

मेको तुप्‍चा नु मुने तोक्‍चा पुंइसी‍ब। मेको आ मुने गेनायो मक्‍याम्‍सीब।

हितोपदेस 7:27

मेको आ खिं बेक्‍शो मुर आन बाक्‍तीक लतीक लां खोदेंशो बाक्‍ब। मेको लां बेक्‍तीक कोठा जाक्‍दीप्‍ब।

हितोपदेस 9:18

मिनु मेको लां गाक्‍ब मुरपुकीमी “मेको आ खिं बेक्‍शो मुर आन बाक्‍तीके बाक्‍ब” दे मतुइक्‍नीम। मिनु मेको आ पौनामी आन कली बेक्‍शो मुर आन बाक्‍तीकेमी ब्रेश्‍शो बाक्‍नीम, दे मतुइक्‍नीम।

१ कोरिन्‍थी 10:8

गोपुकीम तेल्‍लेम पचा मदुम्‍ब। मेको आन दाते ङा का निक्‍शीमी ग्रांग्रा दिचा ङा गेय पामे बाक्‍त। मिनु नाक्‍त कामीन २३ हजार मुर साइक्‍चा पुंइसाक्‍मा बाक्‍त। गन्‍ती २५:१९

२ कोरिन्‍थी 12:21

गो लेश्‍शा जाक्‍ङानु, परमप्रभु यावेमी आं कली आइक्‍च सेल्‍बा कों, दे हिंनुङ। मिनु ङोंइती पाप पाइब नु परमप्रभु यावे गे मलेप्‍ब आन पर्बम सुर्ता पचा माल्‍नुङा कों? ङोंइती मेकोपुकीमी ग्रांग्रा दिचा ङा, तेल्‍लेम नु हेंथे गेय पाम्‍तेक्‍म। २कोरिन्‍थी १३:२

१ पत्रुस 2:11

आं दाक्‍शो लोक्‍बपुकी, गो इन कली इन थुं बारपाइक्‍तीक लोव़ पाइनुङ। गो रागीम बाक्‍यानु, रागी ङा पौना खोदेंशो बाक्‍नय। मोपतीके इन दला दाक्‍स पा रागी ङा मुर खोदेंशो मपने। ग्रांग्रा दिचा ङा गेय रे ङोन बाक्‍कीन। मारदे हना मोदेंशो गेय इन थमा सुइक्‍तीक थुं नु जीब। भजन संग्रह ३९:१३

न्‍यायाधीस 16:21

मिनु पलिस्‍तीपुकीमी मेको कली ग्‍याइश्‍शा, आ मिक्‍च पुक्‍तमे बाक्‍त। मिनु गाजा सहरम चाक्‍गमे बाक्‍त। मिनु कांसा के साङलोमी पाइश्‍शा जेल्‍खानमी यात हिल्‍पदमे बाक्‍त।