हितोपदेस 7:2 - Sunuwar Bible

² गे आं अरेशो मप्रेंताक्‍वी हना, गे ब्रोंइनेवे। आं शेंशो इ मिक्‍च खोदेंशो पा होस पा वोतो।

हितोपदेस 7:2 ပူးပေါင်းရင်းမြစ်များ

भजन संग्रह 119:144

इन देंशो गेना हना यो ठीक बाक्‍नीम। आं कली रुप्‍तीक थुं गेतीनी हना, गो ब्रोंइनुङ।

भजन संग्रह 17:8

मिक्‍च दोदेंशो रिम्‍शो पा वोइश्‍शो बाक्‍बा, मोदेंशो पा आं कली यो रिम्‍शो पा वोतीन। इन फ्रां आगाम पुप्‍तीनी। ब्‍यवस्‍था ३२:१०; भजन संग्रह ६१:५; भजन संग्रह ६३:८; प्रस्‍थान ३७:७-९

हितोपदेस 4:13

अर्ती कली मिम्‍शा, मेको कली मप्रेंदो। मेको कली टिवो। मारदे हना मेको इ ब्रोंइतीक बाक्‍ब।

हितोपदेस 4:21

आं लोव़ कली गेना हना यो मिम्‍तो। मिनु मेको कली इ थुंमी वोतो।

हितोपदेस 4:4

मिनु आं आफोमी आं कली “आं लोव़ इ थुंमी वोतो। मिनु आं शेंशो टिशा ब्रोनो। लेवी १८:५

यसैया 55:3

इन नोफा दाइश्‍शा, आं गे जाक्‍कीन। नेंशा, ब्रोंइनीनी। गे ब्रोंइशा बाक्‍चा कली आं लोव़ नेनीन। मिनु गो गेपुकी नु गेना हना यो लीब कबल का पाइनुङ। दाऊद कली खोदेंशो पा इन कली यो गेना हना यो दाक्‍नुङ। २सामुएल ७:८-१६; येरमीया ३१:३१-३४; प्रेरित १३:३४

येरमीया 38:20

मिनु येरमीयामी “मेकोपुकीमी इन कली मेको आन गुइम जिम्‍मा मगेनीम। गो इन कली देंशो परमप्रभु यावे आ लोव़ टिने। मिनु इन कली रिम्‍शो दुम्‍ब। इन सोक्‍ती यो ब्रोंइब।

लेवी 18:5

सुमी आं फुल्‍लुम मुशा ब्रेक्‍शो लोव़ नु आं पावो, दे अरेशो लोव़ पाइबा, मेको ब्रोंइचा ताइब। मारदे हना गो परमप्रभु यावे नङ। नेहेम्‍याह ९:२९; इजीकीएल २०:११; रोमी ७:१०; रोमी १०:५; गलाती ३:१२

जकरिया 2:8

मारदे हना मुर नेल्‍ल आन परमप्रभु यावेमी इन कली रोइक्‍ब रागी रागी ङा मुर आन पर्बम मार देंत देंशा हना ‘सुमी इन कली थीबा, मेकोमी आं मिक्‍च आ क्रिक्बील थी‍ब’ देंत। ब्‍यवस्‍था ३२:१०

यूहन्‍ना 14:21

सुमी आं अरेशो तुइश्‍शा पाइबा, मेकोमी आं कली दाक्‍ब। सुमी आं कली दाक्‍बा, आं आफोमी मेको कली यो दाक्‍ब। मिनु गो मेको कली दाक्‍शा, आं कली तुइक्‍पांइसीनुङ” दे येसुमी देंत। १यूहन्‍ना ५:३; यूहन्‍ना १६:२७

यूहन्‍ना 15:14

गेपुकी आं देंशो पना पन बाक्‍तीनी हना, आं वारच ननी। यूहन्‍ना ८:३१; मत्ती १२:५०

ब्‍यवस्‍था 32:10

मेकोमी याकूब कली सुइ मबाक्‍शो रागीम थुल्‍तु। गोरशो रागीमी कोव़शा थुल्‍तु। मिनु मेकोमी मेको कली आ एर ओंथ नेल्‍ल रे कोव़तु। मिनु मेको कली आ मिक्‍च कली खोदेंशो पा होस पा कोव़तु। भजन संग्रह १७:८; इजीकीएल १६:१०-१४; जकरिया २:१२

प्रकाश 22:14

ग्‍येरसीशो मुर सु सु बाक्‍नीम देंशा हना, सु सुमी आन वा मुरमे, मेको आन कली ब्रोंइचा गेब रवा आ फल ब्‍वचा गेनुङ। मिनु मेको मुरपुकी मेको सहर ङा लाप्‍चो रे ओव़चा ताइनीम। प्रकाश ७:१४