हितोपदेस 7:10 - Sunuwar Bible

¹⁰ मेको मीश मुर मेको कली ग्रुम्‍चा कली ग्रूत। तेल्‍लेम खोदेंशो पा फेक्‍शा “मेको कली हेंथे खोइक्‍‍पाइक्‍नुङ” दे मिम्‍शो बाक्‍त।

हितोपदेस 7:10 ပူးပေါင်းရင်းမြစ်များ

उत्पत्ती 3:1

मिनु परमप्रभु यावे आ सेल्‍शो जन्‍तु आन दातेमी नेल्‍ल क्‍येङा निप्‍स पाइश्‍शो बुस्‍स दुम्‍माक्‍त। मिनु बुस्‍सुमी मीश मुर कली “परमप्रभुमी इस कली ‘एको रू ङा रवा आन फल मारेइ मब्‍वसे’ देंमे?” दे हिल्‍लो पवा बाक्‍त। प्रकाश १२:९; प्रकाश २०:२

२ राजा 9:22

मिनु येहोरामम येहू कली तशा, मेको कली ‘येहू, गे मार रिम्‍शो मिम्‍शा ग्रुम्‍थ जाक्‍ङे?’ दे हिल्‍लो पवा बाक्‍त। तन्‍न येहूम इ ममा इजेबेलम आ ग्रांग्रा दिशो मूर्ति पूजा पाइब, टुना मुना पाइब। मिनु मार रिम्‍शो पा ग्रुम्‍थ जाक्‍नुङा?” देंमाक्‍त।

२ राजा 9:30

मिनु येहू येज्रेल सहरमी जाक्‍माक्‍त। मार मार दुम्‍मे, मेको नेल्‍ल इजेबेलम नेंशो बाक्‍माक्‍त। मिनु मेकोम आ मिक्‍चीम गाजल ख्रेक्‍से बाक्‍त। मिनु चां मिंसीशा झेल रे उइ लां गे कोव़ङा बाक्‍त।

हितोपदेस 23:28

मेको खुइ खोदेंशो पा लांमी बाप्‍शा बाक्‍ब। मिनु हेंथे गाक्‍ब वोंइश मुर शुश सेल्‍ब।

यसैया 23:16

गे प्रेंसीशो तेल्‍लेम, इ बीना रिम्‍शो पा ताप्‍शा, सहरम हिरसो। शुश कुम्‍सो पावो। मिनु इ कली फ्रुक्‍नीमी कों?

येरमीया 4:30

गे गोरशो सेल्‍चा पुंइसीशो रागी मार, पना पन बाक्‍ङे? गे लल वाम ग्‍योम्‍सीशा, सुन के गहना पांइसीशा, आंम कली ग्‍योम्‍सीशो आ अर्थ मार, बाक्‍बा? गे मारदे गाजल ख्रेक्‍सीशा इ मिक्‍च ठेयब सेल्‍नेवे? आंम कली दारशो सेल्‍चा मोशान बाक्‍ब। इ कली दाक्‍ब मुरपुकीम इ कली ग्रांग्रा दिश्‍शो बाक्‍नीम। इ कली साइक्‍चा माल्‍शो बाक्‍नीम।

१ तिमोथी 2:9

मीश मुरपुकी यो ठीक पा फेक्‍शा, गेय पचा ङोंइती मिम्‍शा, रिम्‍शो बाक्‍चा माल्‍नीम। मोपा चांमी मार मार वोइश्‍शा लामा प्रोव़शा, सुन मोती नु शुश क्‍येट लाइब वामी मग्‍योम्‍समल। १पत्रुस ३:३-५