1 आं तौ, आं लोव़ टिवो। आं शेंशो लोव़ इ थुंम वोतो।
मेको आ शेंशो पने। मिनु इन थुंम वोतीन।
आं तौ, इ आफ आ अर्ती नेनो। इम्मा आ शेंशो मप्रोनो। हितोपदेस ६:२०; ब्यवस्था २१:१८-२१
जोक्ब तुइक्ब मुर नु जोक्तीक बाक्ब। तन्न हेंथे लोव़ पाइब मूर्खमी खतम दुम्तीक चाक्ब।
आं तौ, आं अरेशो मप्रेंदो। मिनु आं शेंशो लोव़ इ थुंमी वोतो। लेवी १८:५
आं लोव़ कली गेना हना यो मिम्तो। मिनु मेको कली इ थुंमी वोतो।
मेको आ लां बेक्चा कली लुक्च लाइब। मेको बेक्शो मुर आन बाक्तीके लचा कली आंम कली तेक्ने मचाप्ब।
आं तौ, इ आफ आ अरेशो टिवो, इम्मा आ शेंशो लोव़ मप्रोनो। हितोपदेस १:८
मेको कली गिश क्येट गेप्तीवी हना यो, मेकोमी मताक्ब।
मिनु येसुमी “आं ममा क्येङा परमप्रभु यावे आ लोव़ नेंशा, थुंमी वोइश्शा पाइबपुकी आसीक राइब नम” देंमाक्त। लूका ८:१५:२१
रिम्शो खपीम जुक्शो देंशो मुरपुकीमी परमप्रभु यावे आ लोव़ नेंशा, आन रिम्शो थुंमी वोइश्शा, मिम्शा बाक्मानु, मेको लोव़ आन थुंमी सिप्ब। प्रेरित १६:१४
मिनु येसुमी “सुमी आं कली दाक्बा, मेकोम आं देंशो लोव़ पाइब। आं आफोमी मेको कली दाक्ब। मिनु गो नु आं आफ मेको नु बाक्नस्कु। हितोपदेस ८:१७; एफिसी ३:१७
मिनु ङोंइती गो इन कली ‘होव़प क्येङा वाइली ठेयब ममाइ’ देंती। मिनु आं देंशो मिम्तीन। मुरपुकीमी आं कली श्येत गेतीमी हना, इन कली यो श्येत गेनीमी। मुरपुकीमी दोपा आं देंशो लोव़ नेंशा टीमे, मोपा इन देंशो लोव़ यो टीनीम। यूहन्ना १३:१६; मत्ती १०:२४-२५
परमप्रभु यावे, इन परमप्रभु आ शेंशो मटिथु, गो मुलाक्ती इन कली देंशो लचा माल्शो लां रे हेंथे गाक्तीनी नु इन मतुइश्शो देवी देवता आन नोले खोइक्तीनी हना, सराप राइनीनी।
मिनु सु सुमी परमप्रभु यावेमी तुइक्पाइश्शो एको किताब ङा लोव़ पढेनीमी, नेंनीमी नु टीनीमी, मेको आसीक रशो नु ग्येरसीशो मुर दुम्नीम। मारदे हना मेको लोव़ दुम्चशो बाक्त। १यूहन्ना १:१-२; यूहन्ना २१:२४; प्रकाश २२:१०
मेकोमी चहिं आं कली “मपावो, गो परमप्रभु यावे आ लोव़ पाइब इ लोक्बपुकी नु एको किताबमी ब्रेक्शो लोव़ पाइबपुकी खोदेंशो परमप्रभु यावे आ वाइल नङ। परमप्रभु यावे आ ङोंइती बाप्शा मान पावो” दे माइक्ती।
