हितोपदेस 6:5 - Sunuwar Bible

⁵ किश्‍श सिखारी आ गुइ रे ब्रोंइशो नु चिक्‍ब ग्‍याइक्‍ब आ गुइ रे बेरशो खोदेंशो पा, गे यो आंम कली प्रोनो।

हितोपदेस 6:5 ပူးပေါင်းရင်းမြစ်များ

भजन संग्रह 11:1

गो परमप्रभु यावे कली जिम्‍मा गेसाक्‍यी। गेपुकीम आं कली “चिक्‍ब खोदेंशो पा पहाडम बेरो” दे दोपा देंने चाप्‍नीनी?

भजन संग्रह 124:7

मिनु गोपुकी सिखारी आन ब्‍वारद रे ब्रोंइशो चिक्‍ब खोदेंशो पा प्रोक्‍तक। मेको ब्‍वारद ब्रोइक्‍त। मिनु गोपुकी प्रोक्‍तक।

भजन संग्रह 91:3

मेकोमी इ कली चिक्‍ब ग्‍याइक्‍ब मुर आ ब्‍वारद नु मुर साइक्‍ब रोइ रे प्रोंइब।

हितोपदेस 1:17

चिक्‍बीमी तचा ङा पा ब्‍वारद दाइश्‍शो शोर गाक्‍शो गेय बाक्‍‍ब।

ठेयब कुम्सो 2:7

मेकोमी “ए, यरूसलेम ङा तमीपुकी, गो इन कली, किश्‍श नु रोको‍श आन नेंमी अरेनुङ। आंम दाक्‍चा क्‍येङा ङोंइती दाक्‍तीक कली मपोक्‍कीन” देंत। ठेयब कुम्‍सो ८:३-४

ठेयब कुम्सो 2:9

आं दाक्‍शो मुर किश्‍श नु ठिटा रोकोश खोदेंशो बाक्‍ब। कोव़ङीन, मेको आंइ गारो आ नोले राप्‍शा बाक्‍शो बाक्‍ब। मेकोमी झेल रे आगा कोव़ना कोव़न बाक्‍ब। मेकोमी झेल आगा रे कोव़ना कोव़न बाक्‍ब।