हितोपदेस 6:29 - Sunuwar Bible

²⁹ अरु मुर आ मीश नु इप्‍ब मुर मोदेंशो दुम्‍शा, सु मेको मीश मुर कली थीबा, मेको सजाइ मतथु, मब्रोंइब। हितोपदेस ५:८-१४

हितोपदेस 6:29 ပူးပေါင်းရင်းမြစ်များ

उत्पत्ती 20:2

मेकोमी मुर आन कली आ मीश, सारा आ पर्बम “आं समी बाक्‍ब” देंमाक्‍त। मिनु गेरार ङा पिप अबीमेलेकमी मेको कली ब्रथ सोइक्‍ता बाक्‍त।

२ सामुएल 11:27

मिनु रोंका पतीक नाक्‍त नुम नोले दाऊदम मुर सोइश्‍शा आ खिं चाक्‍गा बाक्‍त। मिनु मेको दाऊद आ मीश दुम्‍शा, तौ का थि‍माक्‍त। तन्‍न दाऊद आ पशो परमप्रभु यावे आ ङोंइती थम मरिम्‍शो बाक्‍माक्‍त।

२ सामुएल 16:21

मिनु अहीथोफेलमी अब्‍सालोम कली “इन आफोमी आ खिं कोव़चा कली प्रोंइशा वोइश्‍शो आ नोले चाक्‍शो मीशपुकी नु इ‍पो। मोपा इन आफ कली मरिम्‍शो पशो इस्राएल नेल्‍लेम नेंनीम। मिनु इन नोले खोइक्‍ब आन थुं बारब” देंमाक्‍त। २सामुएल १५:१६

प्रस्‍थान 20:17

इन नेक्‍था बाक्‍ब मुर आ खिं, आ मीश आ वाइलीम वाइल, आ बी ब्‍यफ नु आ गधा, मेको के मार बाक्‍त हना यो, मेको तशा मबाल्‍दीन। एको परमप्रभु यावे आ अरेशो लोव़ बाक्‍ब” दे मोसामी इस्राएली आन कली देंत। रोमी ७:७; रोमी १३:९

हितोपदेस 16:5

परमप्रभु यावे ठेयब लेश्‍शो आन कली तशा ग्रांग्रा दी‍ब। मेकोपुकी सजाइ मतथु मब्रोंइनीम।

हितोपदेस 6:28

मुर ब्रशो कोइला तार गाक्‍त हना, मेको आ खोइली मचोइबा ङा?

इजीकीएल 18:6

मेको डांडा मेर मजाइब नु इस्राएल आ खिं ङा मुर आन मूर्ति आन कली पूजा मपाइब, मेको आ नेक्‍था ङा मुर आन मीश नु मइप्‍ब, रां ब्रोल्‍शो मीश मुर नु मइप्‍ब। लेवी १८:१९; लेवी १८:२०

इजीकीएल 22:11

मेकेर मुरुम आन नेक्‍था ङा मुर आन मीश नु इप्‍शा ग्रांग्रा दिशो गेय पाइनीम। मिनु का निक्‍शीमी आन चाइमी कली बिथोलो पाइनीम। का निक्‍शीमी आंम आफ आ तमी कली बिथोलो पाइनीम। लेवी १८:२०; लेवी १८:१५; लेवी १८:९

इजीकीएल 33:26

गे इन तरवार कली थमा सुइक्‍नीनी। गेपुकीम मूर्ति पूजा पाइनीनी। गे नेल्‍लेम इन नेक्‍था ङा मुर आन मीश कली ग्रांग्रा दिशो सेल्‍नीनी। मिनु मार, एको रागी इन के दुम्‍बा ङा?’ देनो” देंत। इजीकीएल ११:१४-२१

लेवी 18:20

गे अर्को मुर आ मीश नु इप्‍शा आंम कली ग्रांग्रा मसेलो। २सामुएल ११:४

लेवी 20:10

सुइ मुर अरु आन मीश नु इप्‍त हना, मेको पाइब निम्‍फा आस कली साइक्‍चा माल्‍ब। प्रस्‍थान २०:१४; २सामुएल ११:४; यूहन्‍ना ८:५

मलाकी 3:5

तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत।

१ कोरिन्‍थी 7:1

साइ आं कली इन ब्रेक्‍शो चिठीमी गेपुकीमी “ग्‍युंबे पचा नु मपचा, तेको रिम्‍शो बाक्‍बा?” दे हिल्‍लो पशो बाक्‍तीनी। मिनु मुल मार देंनुङ देंशा हना, वोंइश मुरुमी मीश मुर कली मथिथु बाक्‍चा रिम्‍शो दुम्‍ब।