हितोपदेस 6:14 - Sunuwar Bible

¹⁴ मेको आन दूली थुंमी मरिम्‍शो मिम्‍नीम। मेकोपुकीमी गेना हना यो मुर आन कली जि‍पा‍इक्‍नीम।

हितोपदेस 6:14 ပူးပေါင်းရင်းမြစ်များ

भजन संग्रह 140:2

मेकोपुकीमी आन थुंमी मरिम्‍शो पतीक मिम्‍ना मिम्‍न बाक्‍नीम। मिनु जिचा पोक्‍नीम।

भजन संग्रह 140:3

मेकोपुकी कोक्‍चा चिक्‍शो बुस्‍स खोदेंशो बाक्‍नीम। मेको आन लोव़ बुस्‍स आन बीस खोदेंशो बाक्‍ब। ठेयब सेंदा पा।रोमी ३:१३

भजन संग्रह 36:4

मेको आन ब्राख्‍येम बाक्‍मानु, आन मरिम्‍शो पतीक ला मिम्‍ना मिम्‍न बाक्‍नीम। मेको मरिम्‍शो लां खोइक्‍नीम। मेकोमी आन थुंमी “मरिम्‍शो पशो ग्रांग्रा दिशा मपाइनीकी” दे मदेंनीम। मीका २:१

हितोपदेस 14:22

मार, मरिम्‍शो मिम्‍शा पाइब हेंथे लां मगाक्‍नीमी, ङा? रिम्‍शो पचा मिम्‍शा पाइबमी गेना हना यो दाक्‍शा मप्रोंइचा पुंइसीनीम।

हितोपदेस 16:27

हिंचा ङा पा मरिम्‍शो पाइब मुरुमी मरिम्‍शो ला मिम्‍ब। मेको आ लोव़ मी खोदेंशो पा ब्रशो बाक्‍ब।

हितोपदेस 17:20

मरिम्‍शो थुं पाइश्‍शो मुर आन कली मारेइम मगाप्‍‍ब। दूली पा जोल पाइब मुर हिंचा ङा श्‍येत जाइब।

हितोपदेस 2:14

मेकोपुकी थम मरिम्‍शो पचा कली ग्‍येरसीनीम। शुश दूली नु मरिम्‍शो पतीकेमी ग्‍येरसीनीम।

हितोपदेस 21:8

दोस ताइब मुर आन लां हिरशो बाक्‍ब। दोस मताइब मुर आन पतीक चहिं ठीक बाक्‍ब।

हितोपदेस 22:8

मुरुमी ठीक मपतीके शोक्‍तेक्‍म हना, ठेयब श्‍येत खुप्‍नीम। मिनु आ गाइक्‍तीके आ कोक्‍के जिक्‍ब। अय्‍युब ४:८

हितोपदेस 24:8

सुमी काइ मरिम्‍शो पचा मिम्‍बा, मेको कली मरिम्‍शो पाइब देंनीम।

हितोपदेस 3:29

इ नेक्‍था बाक्‍ब कली मरिम्‍शो पचा ममिम्‍तो। मारदे हना इ कली थमा सुइश्‍शा, इ नेक्‍था बाक्‍ब।

हितोपदेस 3:32

मरिम्‍शो दूली पाइब तशा, परमप्रभु यावे ग्रांग्रा दी‍ब। रिम्‍शो थुं पाइश्‍शोपुकी चहिं मेको नु बाक्‍चा ताइनीम। भजन संग्रह २५:१४

यसैया 32:7

मोदेंशो मरिम्‍शो पाइब आन गेय मरिम्‍शो बाक्‍ब। परमप्रभु यावे आ अरेशो मटीबम “दोपा आं दाक्‍शो पने चाप्‍नुङा?” दे प्रुङग आन कली जोल पा नु मारेइ मथीबम ठीक लोव़ पाम्‍तेक्‍म हना यो, मेको आन कली खतम सेल्‍नीम।

यसैया 57:20

तन्‍न आं अरेशो लोव़ मटीबपुकी समुन्‍द्र ङा फशेम क्‍युक्‍शो समुन्‍द्र ङा ब्‍वाक्‍कु खोदेंशो बाक्‍नीम। गेना हना यो रेयके पाइब ब्‍वाक्‍कु खोदेंशो बाक्‍नीम। मेको ब्‍वाक्‍कुमी ग्रांग्रा दिचा ङा थोव़क नु हिलो ग्रुंइब” देंत।

इजीकीएल 11:2

मिनु परमप्रभु यावेमी आं कली “ए मुर, मेकोपुकीम एको सहरम मरिम्‍शो पचा कली नु परमप्रभु यावे आ अरेशो लोव़ मटिचा कली अर्ती गेशा शेंशो बाक्‍तेक्‍म।

होसे 8:7

मेकोपुकीमी फश शोक्‍नीम। मिनु ठेयब फश गिवार खुप्‍नीम। मेको आन चेरब बोटमी बाला मबाक्‍नीम। मिनु मेकोपुकीमी फस सेल्‍ने मचाप्‍नीम। आन बाला बाक्‍तेक्‍म हना यो, रागी रागी ङा मुरपुकीमी मेको खुप्‍शा जाइनीम। येरमीया १२:१३

मीका 2:1

आबी आबी, सु सुम आन ब्राख्‍येम गोल्‍शा पाप नु मरिम्‍शो पचा ला मिम्‍नीमी। मिनु नां सोव़म चोटीन मेको आन मिम्‍शो पाइनीम। मारदे हना मेको पने चाप्‍ब बाक्‍नीम।

रोमी 16:17

आं लोक्‍बपुकी, एको नेल्‍ल क्‍येङा नोले ङा लोव़ पशा, अर्ती गेनन्‍नी। कोइ मुरुमी ख्रीस्‍त आ लोव़ नेंशा, दूली मिम्‍ताक्‍म। मेको मुरपुकीमी मुल सम्‍म दुशा गारशा बाक्‍शो थमा सुइक्‍ब लोक्‍ब इन कली फ्राचा माल्‍नीम। मेको आन क्‍येङा होस पा बाक्‍कीन। मत्ती ७:१५; २थिस्‍सलोनिकी ३:६; तीतस ३:१०