हितोपदेस 6:12 - Sunuwar Bible

¹² हिंचा ङा मरिम्‍शो पाइब नु शोर गाक्‍शो मुर हेंथे लोव़ पा गाक्‍नीम। हितोपदेस १०:३१-३२

हितोपदेस 6:12 ပူးပေါင်းရင်းမြစ်များ

भजन संग्रह 10:3

परमप्रभु आ अरेशो लोव़ मटीबपुकीमी “आं द‍ला दाक्‍स नेल्‍ल पने चाप्‍नुङ” दे ठेयब लेत्‍नीम। लोभी आन कली आसीक गेनीम। मिनु परमप्रभु यावे कली मान मपथु, महिंथु, मेको आ पर्बम शुक्‍शी लोव़ पाइनीम।

भजन संग्रह 10:7

मेको मुरपुकीमी सराप नु जोल पना पन बाक्‍शा, अरु आन कली दिप्‍शो बाक्‍नीम। मेको आन लोव़मी श्‍येत नु मरिम्‍शो ला दुम्‍पाइक्‍नीम। रोमी ३:१४

भजन संग्रह 101:3

गो मारेइ मरिम्‍शो मिम्‍शा कोव़चा मदाक्‍नुङ। नोले शोंइसीब आन पतीके काइ मदाक्‍नुङ। गो मोदेंशो मदुम्‍ङल। हितोपदेस २०:८,२८

भजन संग्रह 36:3

मेको आन लोव़ मरिम्‍शो नु जोल ला बाक्‍ब। मेकोपुकीमी रुप्‍ब थुंम मिम्‍शा, रिम्‍शो पचा प्रोंइने थुम्‍शो बाक्‍नीम।

भजन संग्रह 59:7

मेकोपुकीमी आन शोव़ रे मार ग्रुंइबाक्‍मा? मेकोपुकीमी साइक्‍चा ङा लोव़ पाइनीम। मिनु मेकोपुकीमी “सुम नेंबा ङा” देंनीम।

हितोपदेस 10:32

ठीक पाइब मुरुमी रिम्‍शो लोव़ पस जोक्‍ब। तन्‍न परमप्रभु यावे आ अरेशो मटीबपुकी दूली ला ब्‍वाक्‍स जोक्‍नीम।

हितोपदेस 11:6

रिम्‍शो थुं पाइश्‍शो मुर आन ठीक पतीकेम ब्रोंइचा ताइनीम। तन्‍न थमा सुइक्‍चा मपुंइसीब मुर आन मरिम्‍शो पतीकेमी ग्‍याइक्‍चा पुंइसीनीम।

हितोपदेस 16:27

हिंचा ङा पा मरिम्‍शो पाइब मुरुमी मरिम्‍शो ला मिम्‍ब। मेको आ लोव़ मी खोदेंशो पा ब्रशो बाक्‍ब।

हितोपदेस 16:30

मिक्‍च रिक्‍‍बमी दूली गेय पचा मिम्‍शो बाक्‍नीम। मोदेंशो मिम्‍शा सिक्‍सी पा बाक्‍बमी मरिम्‍शो पचा चिक्‍शो बाक्‍ब।

हितोपदेस 17:4

मरिम्‍शो पाइब मुरुमी परमप्रभु यावे आ अरेशो मटीब आ लोव़ नेंब। जोल पाइबमी खतम सेल्‍तीक लोव़ नेंचा कली नोफा दाइक्‍ब।

हितोपदेस 2:12

मेकोमी इ कली मरिम्‍शो लां नु दूली लोव़ पाइब मुर रे प्रोंइब।

हितोपदेस 3:32

मरिम्‍शो दूली पाइब तशा, परमप्रभु यावे ग्रांग्रा दी‍ब। रिम्‍शो थुं पाइश्‍शोपुकी चहिं मेको नु बाक्‍चा ताइनीम। भजन संग्रह २५:१४

हितोपदेस 4:24

इ शोव़ कली मरिम्‍शो लोव़ पचा मगेवो। हेंथे लोव़ इ क्‍येङा ङोन वोतो।

हितोपदेस 6:14

मेको आन दूली थुंमी मरिम्‍शो मिम्‍नीम। मेकोपुकीमी गेना हना यो मुर आन कली जि‍पा‍इक्‍नीम।

हितोपदेस 8:13

परमप्रभु यावे कली मान पा हिंचा, मरिम्‍शो पचा कली काइ मदाक्‍चा बाक्‍ब। फुरती कोंइचा, ठेयब लेश्‍शो दुम्‍चा, मरिम्‍शो थुं ङा गेय पचा नु दूली लोव़ पचा काइ मदाक्‍नुङ।

येरमीया 24:2

मिनु डालो कामी ङोंइती ङा थम रिम्‍शो मीशो फोव़शी गेडा बाक्‍तेक्‍म। तन्‍न अर्को डालोम काइ मरिम्‍शो फोव़शी गेडा बाक्‍तेक्‍म। मेको जचा यो मदुम्‍चा ङा थम मरिम्‍शो बाक्‍तेक्‍म।

मत्ती 12:34

ए बुस्‍स आ खलकपुकी, गे मरिम्‍शो थुं पाइश्‍शो ननी। मिनु इन शोव़ रे दोपा रिम्‍शो लोव़ ग्रूबा ङा? थुं मारम ब्रीशो बाक्‍मे, मेकोन लोव़ पा ग्रूब। मत्ती ३:७

प्रेरित 20:30

गेपुकी नु काथा गाक्‍ब थमा सुइक्‍बपुकी यो मोदेंशो खेदा पाइब फर खोदेंशो दुम्‍नीम। मेकोपुकीमी दूली लोव़ शेंशा, थमा सुइक्‍ब आन थुं ग्‍येत्‍थ लुक्‍च क्‍याल्‍पाइश्‍शा, आन नोले खोइक्‍ब सेल्‍नीम, दे तुइक्‍नुङ। १यूहन्‍ना २:१८-१९

१ तिमोथी 5:13

मेकोपुकी मुर आन खिं खिं हिरथ लाइनीम। अल्‍सी ला ममाइ, मदेंचा ङा लोव़ यो शुश पाइनीम।

याकूब 1:21

मोपतीके ग्रांग्रा दिचा ङा गेय नु काइ मरिम्‍शो पतीके नेल्‍ल प्रोनीन। गे ठेयब मलेत्‍थु, इन थुंमी वोइश्‍शो परमप्रभु यावे आ अरेशो लोव़ टिने। मोपा गेपुकी परमप्रभु यावे आ अरेशो लोव़ टिनीनु, मेको लोव़मी इन कली नरक रे प्रोंइने चाप्‍ब। १पत्रुस २:१

याकूब 3:6

मुर आ लें मी खोदेंशो बाक्‍ब। मेकोमी रां नेल्‍ल मरिम्‍शो सेल्‍ब। मेकोमी मरिम्‍शो लोव़ पशा, रां कली पापी सेल्‍ब। रागी नेल्‍ल कली क्रोइक्‍ब। आंमा यो नरकमी ग्रोइक्‍ब। हितोपदेस १६:२७; मत्ती १२:३६-३७; मत्ती १५:११,१८

१ सामुएल 17:28

मेको कली मुरपुकी नु लोव़ पा बाक्‍शो आ लोक्‍ब एलीआबम नेना बाक्‍त। मिनु मेको गाइक्‍ता बाक्‍त। मेकोम दाऊद कली “गे मारदे एक बाक्‍ङे? गोरशो रागीम बाक्‍शो मेको इच्‍का खोइ भेडापुकी यो सु कली कोव़पाइक्‍मी? गो इ कली तुइक्‍नुङ। गे मटीब नु हेंथे पाइब बाक्‍नेवे। गे एक लडाइ कोव़थ ला जाक्‍शो नवे” दे मदा बाक्‍त।