18 इ बुक्शो ब्वाक्कुम आसीक तवल। इ ठिटा बाक्ची ना ग्युंबे पशो मीश आल नु ग्येरसीशा बाक्को। उपदेसक ९:९
इ बुक्शो ब्वाक्कु, लां मेर लचा गेनेवे? अरु मीश रे थिशो आल लांमी बाक्मानु, इ कली रिम्शो दुम्बा?
इ आल इ के ला दुम्ल। मेको अरु आन के मदुम्ल।
“खुइ पशो ब्वाक्कु ब्रोव़शो बाक्ब। मिनु ख्रुइश्शा जशो जचा थोव़क यो थाम्पा ब्रोव़ब” देंब। हितोपदेस २०:१७
परमप्रभुमी गेशो इच्का नाक्त ब्रोंइशा बाक्तीकेमी आंम दाक्शो मीश नु ग्येरशा बाक्को। मारदे हना रागीमी इ श्येत पा पशो गेय ङा भाग मेको बाक्ब। हितोपदेस ५:१८-१९
ए आं समी, आं ग्युम्ली, गे चोक्शा वोइश्शो रू नु सुशा वोइश्शो ब्वाक्कु बुक्तीक खोदेंशो बाक्नेवे।
मेको रू ङा ब्वाक्कु बुक्तीक ब्रोव़शो ब्वाक्कु बुक्तीक बाक्ब। मिनु लेबानोन रे पा शाइश्शो खोला बाक्नीम।
वोंइश मुर कामी नक ग्युंबे पशो बाक्त हना, मेको लडाइम लचा मदुम्ब। अरु गेय यो “मेको कली पावो” दे अरेचा मदुम्ब। बर्स का सम्म मेको आ खिंम बाक्शा आ नक चाक्शो मीश नु ग्येरसीचा माल्ब। ब्यवस्था २०:७