हितोपदेस 4:23 - Sunuwar Bible

²³ नेल्‍ल आन क्‍येङा इ थुं कली कोव़ङो। मारदे हना मेको रे इ ब्रोंइतीक जाक्‍ब।

हितोपदेस 4:23 ပူးပေါင်းရင်းမြစ်များ

२ राजा 10:31

मो हना यो येहूम आ थुं नेल्‍लेम होस पा परमप्रभु यावे, इस्राएली आन परमप्रभु आ अरेशो मटिवा बाक्‍त। मेकोमी इस्राएली आन कली पाप पपाइक्‍ब येरोबाम आ पाप पतीक मप्रोना बाक्‍त।

हितोपदेस 11:16

रिम्‍शो थुं पाइश्‍शो मीश मुर कली मान पाइनीम। तन्‍न मरिम्‍शो पाइब मीश मुनेमी सुम्‍सीशो बाक्‍ब। गेय मपाइब मुर प्रुङग दुम्‍ब। तन्‍न आंट पा गेय पाइबमी क्‍येट चेम्‍ब।

हितोपदेस 13:3

मिम्‍शा लोव़ पाइब मुरुम आंम कली ब्रोंइपाइक्‍नीम। तन्‍न ममिम्‍थु ब्‍वाक्‍बपुकीमी आंम कली खतम सेल्‍नीम। हितोपदेस १२:१८; हितोपदेस २१:२३

हितोपदेस 16:17

रिम्‍शो थुं पाइश्‍शो मुर मरिम्‍शो लां रे ङोन बाक्‍ब। मिनु मरिम्‍शो मपथु, होस पा बाक्‍ब ब्रोंइचा ताइनीम।

हितोपदेस 22:5

दूली पाइब आन लांम चू नु ग्‍याइल बाक्‍नीम। होस पाइबपुकी मेको आन क्‍येङा ङोन बाक्‍नीम।

हितोपदेस 23:19

आं तौ, आं लोव़ नेनो। जोक्‍ब तुइक्‍ब दुमो। मिनु इ थुं कली ठीक लांमी ग्‍येत्‍थ गाक्‍पतो।

हितोपदेस 28:26

सुमी आंम निप्‍स कली थमा सुइक्‍बा, मेको मूर्ख बाक्‍ब। तन्‍न सु तुइक्‍तीक थुं ङा लां गाक्‍बा, मेको ब्रोंइचा ताइब। हितोपदेस ३:५-६

हितोपदेस 3:21

आं तौ, आं देंशो गेय पचा क्‍येङा ङोंइती मिम्‍शा, गेनायो मप्रोनो। ठीक तुइक्‍तीके नु होस पतीके गे नु बाक्‍ल।

हितोपदेस 4:7

तुइक्‍‍तीके आ गोतीक मार बाक्‍त देंशा हना, तुइक्‍तीके शुश माल्‍चा माल्‍नेवे। मार ताप्‍तीवी हना यो, नेल्‍ल क्‍येङा ठेयब जोक्‍ब तुइक्‍ब दुमो।

उपदेसक 5:13

गो रागीमी थम श्‍येत लाक्‍चा ङा मरिम्‍शो पशो का तशो बाक्‍नुङ। मेको मार बाक्‍ब देंशा हना मुरुमी आंमा खतम दुम्‍चा कली शोंप तेल्‍शो बाक्‍ब। मत्ती १९:२२

येरमीया 17:9

मुर आन थुं नेल्‍ल क्‍येङा जोल पाइब बाक्‍ब। गेना हना यो दूली पाइब बाक्‍ब। मेको कली सुम रुप्‍ने चाप्‍बा ङा? १सामुएल १६:७; बजन संग्रह ७:१०; हितोपदेस १५:११; रोमी २:६

मत्ती 15:18

शोव़ रे ग्रूशो चहिं थुं रे ग्रूशो बाक्‍ब। मेकोमी मुर कली ग्रांग्रा सेल्‍ब।

मत्ती 15:19

मुर आन थुंमी मार मरिम्‍शो मिम्‍नीम देंशा हना, मुर साइक्‍चा, मुर आन मीश लाइक्‍चा, तेल्‍लेम पचा, खुइ पचा, जोल पा सांकछी बाक्‍चा, मुर आन पर्बम मरिम्‍शो लोव़ पचा, दे मिम्‍नीम। मेको चहिं शोव़ रे ग्रूशा, उत्‍पत्ती ८:२१

मर्कूस 14:38

थुं थाम्‍चा पुंइसेनु, पाप मपङ, दे मइप्‍थु बाक्‍शा प्रार्थना पावो। थुंमी पाइनुङ, चाप्‍नुङ देंब, तन्‍न रांमी फाल्‍ने मचाप्‍ब” दे मदा बाक्‍त।

लूका 6:45

रिम्‍शो थुं पाइश्‍शो मुरुमी रिम्‍शो पाइब। पापम ब्रीशो थुं पाइश्‍शो मुरुमी चहिं मरिम्‍शो पाइब। मुर आन थुंमी मार बाक्‍मे, मेको आन लोव़ नेंशा रिम्‍शो देय मरिम्‍शो मेको तुंइ‍सीब। मारदे हना थुंम मार बाक्‍मे, मेको शोव़ रे ग्रूब।

ब्‍यवस्‍था 4:9

इन आंम तशो इन थुंम वोइश्‍शा, मप्रेंथु, होस पा बाक्‍कीन। गे ब्रोंइनी सम्‍म इन थुंम वोतीन। इन आल नु चच युइ आन आन कली शेंदीन। भजन संग्रह १०३:२

हिब्रू 12:15

अर्ती गेमुशा वारच पमुशा बाक्‍कीने। सुइ परमप्रभु यावे आ शिशी मताइब मदुम्‍ल। सुइमी थुं चोशा दुशा बाक्‍ब आन कली फ्राशा, मुर आन कली मरिम्‍शो मसेलल। ब्‍यवस्‍था २९:१७