हितोपदेस 31:5 - Sunuwar Bible

⁵ ठेयब मुरपुकी तूशा दुक्‍तेक्‍म हना, अरेशो लोव़ प्रेंनीम। मिनु श्‍येत जाइब आन कली निसाफ पतीकेमी दूली पाइनीम। मेको काइ मदुम्‍ब।

हितोपदेस 31:5 ပူးပေါင်းရင်းမြစ်များ

१ राजा 20:12

मेना बेन-हादाद नु अरु पिप आन बाक्‍तीकेम शांबु दुक्‍शा बाक्‍मानु, मेको लोव़ नेना बाक्‍त। मिनु मेकोमी रीब पा आ लडाइ पाइब आन कली “लडाइ पचा ठीक दुमीन” दे हुकुम गेमी बाक्‍त। मिनु मेकोपुकी मेको सहर कली लडाइ तोचा कली ठीक दुम्‍मा बाक्‍त।

प्रस्‍थान 23:6

मिनु प्रुङग मुर का पित हना, मेको कली प्रुङग बाक्‍त हना यो, ठीक निसाफ पने। ब्‍यवस्‍था २५:१९; भजन संग्रह ८२:२-४; उपदेसक ५:७; यसैया १:१७

हितोपदेस 17:15

सुमी परमप्रभु यावे आ अरेशो मटीब आ पर्बम “ठीक पाइब बाक्‍ब” देंबा, मिनु ठीक पाइब आ पर्बम “ठीक पाइब मबाक्‍ब” देंबा, मेको निम्‍फा आस कली परमप्रभु यावेमी ग्रांग्रा दी‍ब। यसैया ५:२३

हितोपदेस 18:5

दोस ताइब आ कुल कोव़शा, दोस मताइब कली दूली सेल्‍चा, ठीक निसाफ ममाइ। ब्‍यवस्‍था १:१७

यसैया 5:22

गेपुकी शांबु तूचा कली बोल्‍यो दुम्‍खु पाइनीनी। राकसी ब्वाइक्‍स जोक्‍ब बाक्‍नीनी।

यसैया 5:23

गेपुकीम घूस जशा, ठीक मपाइब कली “ठीक पाइब बाक्‍ब” नु ठीक पाइब कली “ठीक मपाइब बाक्‍ब” देंनीनी। प्रस्‍थान २३:८

लेवी 10:9

“गे नु इ तौपुकी ग्रुम्‍तीक ताम्‍बुम ओव़नीनु, अङगुर शांबु नु अरु दुक्‍तीक थोव़क मतूङीन। तूतीनी हना, गेपुकी बेक्‍नीनी। मेको गेना हना यो इन पतीक दुम्‍ब। इजीकीएल ४४:२१; होसे ४:११; आमोस २:८

हबकुक 2:5

मिनु शुश शोंप कली थमा सुइक्‍चा दूली बाक्‍ब। ठेयब लेश्‍शो मुर मलीब। मेको आ शोव़ तुरस खोदेंशो पा पाक्‍शा बाक्‍ब। बेक्‍पाइक्‍ब खोदेंशो पा गेनायो मरूब। रागी रागी ङा मुर नेल्‍ल आन कली खुप्‍शा आंम के सेल्‍ब” देंत।

ब्‍यवस्‍था 16:19

निसाफ हेंथे मपने। कुल मकोव़ङीन। घूस मजने। मारदे हना घूसमी जोक्‍ब तुइक्‍ब मुर आन मिक्‍च सिल्‍ब। मिनु ठीक पाइबमी घूस जशा दूली लोव़ पाइब। १सामुएल ८:३