हितोपदेस 31:23 - Sunuwar Bible

²³ मेको आ वोंइश ठेयब मुर दुम्‍शा, सहर ङा ठेयब लाप्‍चोमी बाक्‍मेनु, रागी ङा खाल्‍पा आन दातेमी बाक्‍ब।

हितोपदेस 31:23 ပူးပေါင်းရင်းမြစ်များ

अय्‍युब 29:7

गो आं बाक्‍‍तीके रे सहर ङा ठेयब लाप्‍चो रे पा लाङगा आं नित्‍तीकेमी नित्‍थ लङानु,

हितोपदेस 12:4

रिम्‍शो मीश आ वोंइश आ सिरपेच खोदेंशो बाक्‍ब। मुने तोक्‍ब मीश चहिं आ वोंइश कली राक्‍शो रुश खोदेंशो बाक्‍ब। हितोपदेस ३१:१०-३१

हितोपदेस 24:7

मूर्खपुकीमी तुइक्‍तीके रुप्‍ने मचाप्‍नीम। मेकोपुकीमी ठेयब लाप्‍चो ङा ग्रुम्‍तीकेमी लोव़ पने मचाप्‍नीम।

ब्‍यवस्‍था 16:18

मिनु मुर आन कली ठीक निसाफ पचा कली गेपुकीमी इन थर थर ङा नु परमप्रभु यावे, इन परमप्रभुमी इन कली गेशो सहर सहरम निसाफ पाइब नु ठेयब मुर योव़शा वोइक्‍चा माल्‍नीनी। ब्‍यवस्‍था १:१६-१८; गन्‍ती ११:१६

ब्‍यवस्‍था 21:19

मेको आ आंम आफोम मेको कली ग्‍याइश्‍शा, सहर ङा खाल्‍पा आन ङोंइती सहर ङा लाप्‍चो आ नेक्‍था चाक्‍चा माल्‍नीम।

रूथ 4:1

मिनु बोआज सहर ङा गारो ङा ठेयब लाप्‍चोम लशा, मेकेर निश्‍शा बाक्‍माक्‍त। मिनु याम का नोले रूथ आ नेक्‍था ङा मुर जाक्‍शो तशा, बोआजमी आ नें थिशा “एके पिशा, निस्‍सो” दे ब्रेत्‍ता बाक्‍त। मिनु मेको निस्‍से बाक्‍त।

रूथ 4:11

मिनु ठेयब लाप्‍चोम बाक्‍ब नु खाल्‍पा नेल्‍लेमी “गो सांकछी दुम्‍तक। परमप्रभु यावेम एको इ खिंम जाक्‍शो मीश मुर कली राहेल नु लेआ खोदेंशो सेलल। मेको निक्‍शीमी इस्राएल आ खिं सेल्‍शो बाक्‍ताक्‍से। बेथलेहेम एफ्राथाहम इ नें ठेयब दुम्‍ल।

रूथ 4:2

मिनु बोआजमी १० जना सहर ङा खाल्‍पा आन कली यो तेक्‍शा “निस्‍सीने” देंमाक्‍त। मिनु मेकोपुकी निस्‍समा बाक्‍त।