हितोपदेस 31:22 - Sunuwar Bible

²² मेकोमी आ ब्रतीक रिम्‍शो पा सेल्‍ब। मेको आ फेक्‍तीक प्‍याजी रङ ङा रिम्‍शो पा किरशो सुती वा के बाक्‍नीम।

हितोपदेस 31:22 ပူးပေါင်းရင်းမြစ်များ

प्रकाश 19:8

मेको ग्‍युम्‍ली कली सुती के रिम्‍शो बुश टल्‍केशो वा फेक्‍चा कली गेशो बाक्‍त” देंशो नेंता। मिनु मेको सुती के रिम्‍शो वा मार बाक्‍ब देंशा हना, परमप्रभु यावे आ योव़शो आन ठीक पतीके बाक्‍ब। यसैया ६१:१०

हितोपदेस 7:16

गो आं ब्राख्‍येमी बरखी ब्राता। मेको इजीप्‍त रागी ङा श्‍येलेम प्रोव़शो बाक्‍ब।

उत्पत्ती 41:42

मिनु फाराओम आ छाप क्‍येप्‍तीक औंठी आ ब्रेप्‍चो रे प्रुइश्‍शा, योसेफ आ ब्रेप्‍चोम लिक्‍ता बाक्‍त। मिनु योसेफ कली दारशो बुश वा फेक्‍पाइश्‍शा, सुन के माला रेल्‍दा बाक्‍त। एस्‍तर ३:३०; दानीएल ५:२९

प्रकाश 19:14

मिनु स्‍वर्ग ङा फौजपुकी बुश शारा ङोइश्‍शा, मेको आ नोले खोइश्‍शो बाक्‍तेक्‍म। मेको शारा ङोइक्‍बपुकी रिम्‍शो बुश सुती के वा फेक्‍शो बाक्‍तेक्‍म। प्रकाश १७:३४

१ पत्रुस 3:3

रिम्‍शो पतीक मार बाक्‍ब देंशा हना, जाम्‍शा लाइब नोस पचा, चांमी मार मार चुंइसीचा, सुन पांइचा नु शुश क्‍येट लाइब वा फेक्‍चा ममाइ, यसैया ३:१८-२३; १तिमोथी २:९

एस्‍तर 8:15

मिनु मोरदेकै पिप आ बाक्‍तीक रे दरवार ङा ठेयब नीलो नु बुश फेक्‍तीक वा फेक्‍शा, पियाजी रङ ङा बरखी रुक्‍शा, पियामी सुन के ठेयब सिरपेच गुप्‍शा, सहर लत। मिनु मोरदेकै कली तशा, सुसा सहर ङा मुरपुकी थाम्‍पान ग्‍येरसाक्‍म।

न्‍यायाधीस 8:26

मिनु अरु शुश क्‍येट लाइक्‍ब माला नु आन दलओंठ आ शुरम रेल्‍शो सुन के माला, पिप आन फेक्‍तीक वा मनाक्‍थु, मेकोमी पुंइशो सुन हजार का ७ सहे शेकेल दुम्‍माक्‍‍त। शेकेल का ११.५ ग्राम खोदेंशो बाक्‍ब। गन्‍ती ३१:५०

एस्‍तर 5:1

मिनु नाक्‍त सां नोले एस्‍तरमी पिपीम आ फेक्‍तीके फेक्‍साक्‍व। मोपा लशा, पिप आ दरवार आ लाङगाम बाक्‍शा, खिं गे कोव़शा, राप्‍त। मेना पिप आ खिंमी आ ठेयब नित्‍तीकेमी निश्‍शा, लाप्‍चो गे कोव़शा, बाक्‍शो बाक्‍त।

लूका 16:19

शुश शोंप पाइश्‍शो मुर का बाक्‍माक्‍त। मेको रिम्‍शो रिम्‍शो फेक्‍शा, ब्रोव़ब्रोव़शो जशा बाक्‍बाक्‍माक्‍त।