हितोपदेस 31:20 - Sunuwar Bible

²⁰ मेकोमी प्रुङग आन कली वारच पाइब। मिनु श्‍येत जाइब आन कली आन माल्‍शो गेब।

हितोपदेस 31:20 ပူးပေါင်းရင်းမြစ်များ

एफिसी 4:28

खुइ पाइबमी लेंशा खुइ मपथु, ठीक गेय पचा माल्‍ब। मिनु मेकोमी रिम्‍शो गेय पवानु, श्‍येत जाइब आन कली यो वारच पने चाप्‍ब। प्रस्‍थान २०:१५; १थिस्‍सलोनिकी ४:११

हिब्रू 13:16

अरु आन कली रिम्‍शो पने। मथीब मचाप्‍ब आन कली मार माल्‍दा, मेको गेचा मप्रेंदीने। मिनु परमप्रभु यावेमी इन कली मोदेंब रिम्‍शो पशो तशा ग्‍येरब।

हितोपदेस 22:9

हाइश्‍शो मुरुमी आसीक ताइब। मारदे हना मेकोमी आ जचा थोव़क प्रुङग नु योक्‍ब। हितोपदेस १९:१७

हितोपदेस 19:17

सुमी प्रुङग कली शिशी पा गेबा, मेकोमी परमप्रभु यावे कली गेब। मिनु परमप्रभु यावेमी मेको कली नेल्‍ल लेप्‍ब। हितोपदेस १४:३१; भजन संग्रह ४१:२-४; दानीएल ४:२४; मत्ती ५:७; मत्ती २५:४०; २कोरिन्‍थी ९:६

रोमी 12:13

थमा सुइक्‍ब आन कली आन माल्‍शो गेशा, वारच पने। इन खिंमी जाक्‍ब आन कली बास गेशा थुलीन। ३यूहन्‍ना ५-८; हिब्रू १३:२

भजन संग्रह 41:1

सु सुमी प्रुङग मुर आन पर्बम सुर्ता पा, वारच पाइनीमी, मेको आन कली परमप्रभु यावेमी आन श्‍येत रे प्रोंइब। हितोपदेस १४:२१; मत्ती ५:७

ब्‍यवस्‍था 15:11

मारदे हना रागीम श्‍येत जशो प्रुङगपुकी गेना हना यो बाक्‍नीम। मोपतीके गो इन कली इन रागीम बाक्‍शो श्‍येत जाइब इन लोक्‍ब नु प्रुङग आन कली तशा, हाइश्‍‍शो मुर दुम्‍शा गेन। मत्ती २६:११; यसैया ५८:७; याकूब २:१५-१६

भजन संग्रह 112:9

मेकोपुकीमी हाइश्‍शो थुं पा प्रुङग आन कली मार मार गेम्‍तेक्‍म। मेको आन ठीक पतीके गेना हना यो लीब। मेको मान ताइब बाक्‍नीम। २कोरिन्‍थी ९:९

रोमी 10:21

इस्राएल ङा मुर आन कली चहिं परमप्रभु यावेमी “गो नेल्‍ल नाक्‍त मटीब नु जोप पाइब आन कली रिम्‍शो दुम्‍मल, दे आं गुइ दिंस ङा दिंस बाक्‍नुङ। तन्‍न मेकोपुकीमी आं देंशो मटीम। आं कली मरिम्‍शो ला सुइक्‍तीमी” दे ब्रेक्‍शो बाक्‍त। यसैया ६५:२

मर्कूस 14:7

श्‍येत जशो मुर गेना हना यो थित्‍नीनी, मिनु शिशी पाइक्‍चा दाक्‍ताक्‍नी हना, गेना हना यो पाइक्‍ने चाप्‍नीनी। आं कली चहिं नोले मथित्‍नीनी। ब्‍यवस्‍था १५:११

हितोपदेस 1:24

मिनु गो इन कली ब्रेत्‍तुनु, गेपुकीम मनेंनी। गो आं गुइ हामुनु, सुइ मपिनी। यसैया ६५:२,१२

हितोपदेस 31:19

मेकोमी प्‍यूरी लाइश्‍शा, पांइतो पांइब। आ वा आंमा प्रोव़ब।

भजन संग्रह 41:2

परमप्रभु यावेमी मेको आन कली कोव़शा, खाल पा प्रोंइब। मेको रागीम बाक्‍मानु, ग्‍येरसमल। गे मेको आन कली आन जोरी सत्रु आन गुइम मगेनीनी।