हितोपदेस 30:9 - Sunuwar Bible

⁹ मारदे हना गो नु मारेइ मारेइ बाक्‍त हना, गो इन कली प्रेंनुङ। मिनु ‘परमप्रभु यावे सु बाक्‍बा?’ देंनुङा कों? मिनु गो प्रुङग दुम्‍ती हना, खुइ पा आं परमप्रभु आ नें आइक्‍च सेल्‍शा मुने तोक्‍नुङा कों?” देंती। प्रस्‍थान ५:२

हितोपदेस 30:9 ပူးပေါင်းရင်းမြစ်များ

भजन संग्रह 125:3

परमप्रभु आ अरेशो मटीब आन हुकुम पतीके ठीक पाइब आन रागीम मदुम्‍ब। मिनु ला ठीक पाइबपुकीमी दूली मपाइनीम।

प्रस्‍थान 20:7

गे परमप्रभु यावे, इन परमप्रभु आं नें, मो मथिने। मारदे हना सुम परमप्रभु यावे आं नें मो थीबा, मेको कली सजाइ मगेथु, मप्रोंइब। लेवी १९:१२; लेवी २४:१६

प्रस्‍थान 5:2

मिनु फाराओमी “परमप्रभु यावे सु बाक्‍म, गो मतुइक्‍नुङ। मार, आ देंशो लोव़ टिचा माल्‍नुङा? गो इस्राएली आन कली मारदे लचा गेनुङा? गो परमप्रभु यावे कली मतुइक्‍नुङ। मोपतीके इस्राएल ङा मुर, इन कली लचा मगेनन्‍नी” दें‍त।

हितोपदेस 29:24

खुइ नु वारच्‍बु दुम्‍ब मुरुमी आंम आ कली मदाक्‍ब। खुइ पचा पुंइसीब मुर आ सराप नेंबमी यो मारेइ मदेंब। लेवी ५:१

यसैया 59:13

गोपुकी हेंथे गाक्‍शा, परमप्रभु यावे रे नोले शोंइसाक्‍क। आंइ परमप्रभु आ नोले खोइक्‍चा प्रोंइतक। आंइ लोव़ मुर आन कली दिप्‍चा नु परमप्रभु यावे कली मटिचा ङा बाक्‍ब। गोपुकी जोल कली थमा सुइश्‍शा, ब्रपाइश्‍शो बाक्‍तक।

येरमीया 2:31

मिनु गे, मुल ङा पाला ङा मुरपुकी, परमप्रभु यावे आ लोव़ मिम्‍तीन। मार, गो इस्राएली आन कली मुर मबाक्‍शो रागी नु थम छिङछिङ ङा रागी दुम्‍ङा ङा? मारदे आं मुरपुकीम ‘गो आंइ कली हिरचा कली सुइम तेक्‍ने मचाप्‍ब। गो इन ङोंइती गेनायो लेंशा मजाक्‍नीकी’ देंमा?

येरमीया 5:12

मेकोपुकीमी परमप्रभु यावे आ पर्बम “मेको मतुइक्‍नीकी। मेकोमी मारेइ मपाइ‍ब। गो मारेइ मरिम्‍शो मताइनीक। गो लडाइ नु अन्‍काल मताइ‍नीक।

इजीकीएल 23:35

मोपतीके परमप्रभु, परमप्रभु यावेमी “गे आं कली प्रेंताक्‍वी। मिनु आं कली प्रोंइती। मोपतीके गे इ ग्रांग्रा दिशो गेय नु तेल्‍लेम पशो आ पर्बम सजाइ ताइक्‍नेवे” देंत। येरमीया २:३२

दानीएल 4:17

स्‍वर्ग ङा कोव़बपुकीमी ‘नेल्‍ल क्‍येङा ठेयब परमप्रभुमी राज्‍य नेल्‍ल कली सासन पाइब। मेकोमी आ दाक्‍शो मुर कली सासन पतीक गेय गेब। मेको नेल्‍ल क्‍येङा ब्रेम्‍शो मुर आ गुइमी गेब। मेको मुर नेल्‍लेमी तुइक्‍चा माल्‍नीम’ दे लोव़ पाम्‍तेक्‍म। दानीएल २:२१

दानीएल 4:30

मेकोमी “मार, एको बेबीलोन थम रिम्‍शो मबाक्‍बा ङा? गो एको आं ठेयब सक्तिमी आं शुश शोंप वोइश्‍शा, बाक्‍चा कली सेल्‍ता” देंत। हितोपदेस १६:१८

होसे 13:6

गो मेको आन कली रूपाइक्‍ता। मिनु मेकोपुकी ठेयब लेश्‍शा, आं कली प्रेंताक्‍म। ब्‍यवस्‍था ३२:१५

लेवी 5:1

मिनु मुर कामी मार मार तशा तुइश्‍शा यो, सांकछी दुम्‍चा कली ब्रेत्‍मेनु, सांकछी दुम्‍चा कली मजाक्‍बा, मेकोमी आ तशो तुइश्‍शो मदेंत हना, मेको आ पर्बम दोस ताइब दुम्‍ब। न्‍यायाधीस १७:२; हितोपदेस २९:२४

मत्ती 26:72

मिनु पत्रुसमी “मेको मुर कली मतुइक्‍नुङ” दे कसम जशा आ लोव़ थोक्‍शा देंमाक्‍त।

मत्ती 26:74

मिनु पत्रुसमी “जोल पाता हना, परमप्रभु यावेमी सजाइ गेयील, एको मुर कली तुंइ‍सीन मतुइक्‍नुङ” दे कसम जशा, आ लोव़ थोक्‍शा देंमाक्‍त। मो देंमेनु, भाले ग्रीमाक्‍त।

ब्‍यवस्‍था 31:20

गो मेको आन किकी पिपी आन कली गेनुङ, दे कसम जशो दूध नु खुदो शुश बाक्‍शो रागी मेको आन कली गेनुङ। मिनु मेकोपुकी जशा ब्‍वशा, रूशा दोम्‍नीम। मिनु मेकोपुकीमी देवी देवता खोइश्‍शा, मेको आन गेय पाइनीम। आं कली चहिं आइक्‍च सेल्‍नीम गो नु आं कबल क्‍याम्‍नीम।

ब्‍यवस्‍था 32:15

मिनु येशुरुनमी दोम्‍शा ताइक्‍तु। गे दोम्‍ते। गे दोम्‍शा, ठेयब लेश्‍शो दुम्‍ते। मेकोमी आ कली सेल्‍ब परमप्रभु कली प्रोंइतु। मिनु आ श्‍येत रे प्रोंइब सेरथे फुल्‍लु, कली प्रोंइतु। येशुरुन याकूब-इस्राएल कली मान पतीक नें बाक्‍ब। ब्‍यवस्‍था ३३:५,२६; यसैया ४४:२; ब्‍यवस्‍था ३१:२०; नेहेम्‍याह ९:२५

यहोसु 24:27

मिनु यहोसुमी मुर नेल्‍ल आन कली “कोव़ङीन, एको फुल्‍लु आंइ सांकछी बाक्‍ब। परमप्रभु यावेमी आंइ कली देंशो लोव़ नेल्‍ल एको फुल्‍लुमी यो तुइश्‍शो बाक्‍ब। मोपतीके गेपुकीमी इन परमप्रभु कली प्रोंइतीनी हना, गे जोल पाइब बाक्‍नीनी, दे एको फुल्‍लु सांकछी बाक्‍ब” देंत। यहोसु २२:२७; उत्‍पत्ती ३१:४८