हितोपदेस 30:4 - Sunuwar Bible

⁴ सु स्‍वर्ग लशा, लेश्‍शा यिशो बाक्‍बा ङा? सुम फश कली आ गुइमी ग्‍याइक्‍ने चाप्‍बा ङा? सुम समुन्‍द्र ङा ब्‍वाक्‍कु कुम्‍लो पने चाप्‍बा ङा? सुम रागी आ सुर सेला? मेको आ नें मार बाक्‍बा? मेको आ तौ आ नें मार बाक्‍बा? गे तुइक्‍नेवे हना” देनो। अय्‍युब ३८:२८-३४

हितोपदेस 30:4 ပူးပေါင်းရင်းမြစ်များ

उत्पत्ती 32:29

मिनु याकूबम “इन नें मार में?” दे हिल्‍लो पवा बाक्‍त। मिनु मेकोमी “आं नें मारदे माल्‍दे?” देंशा, मेको कली आसीक गेवा बाक्‍त। न्‍यायाधीस १३:१७-१८

अय्‍युब 11:7

मार, गे परमप्रभु आ ख्रुइश्‍शोम मिम्‍शो तुइक्‍ने चाप्‍नीनी? गे नेल्‍ल क्‍येङा ठेयब सक्ति पाइश्‍शोम मार पने चाप्‍बा, मेको तुइक्‍ने चाप्‍नीनी?

अय्‍युब 11:8

मेको सरीङ क्‍येङा यो इर बाक्‍ब। गे मार पने चाप्‍नीनी ङा? मेको बेक्‍शो मुर आन बाक्‍‍तीक क्‍येङा यो लुक्‍च लशो बाक्‍ब। गे मार तुइक्‍ने चाप्‍नीनी ङा?

अय्‍युब 26:8

मेकोमी ब्‍वाक्‍कु कली क्‍येर गोस्‍सुम तेक्‍शा वोइक्‍ब। मिनु मेको गोस्‍स मप्रोल्‍ब। ब्‍वाक्‍कु मग्रूब।

भजन संग्रह 135:7

मेकोमी रागी आ सुर सुर रे गोस्‍स पोक्‍ब। मेकोमी चिला दाप्‍पाइश्‍शा, रेउ यिपाइक्‍ब। मिनु मेकोमी आ बाक्‍तीक रे फश पपाइक्‍ब। येरमीया १०:१३

भजन संग्रह 2:7

परमप्रभु यावेमी लोव़ पा आं कली “गे आं तौ नवे, मुलाक्‍ती गो इ कली सेल्‍ता” देंत। भजन संग्रह ८९:२७-२८; २सामुएल ७:१४; प्रेरित १३:३३; हिब्रू १:५, हिब्रू १:५; हिब्रू ५:५

भजन संग्रह 22:27

रागी रागी ङा मुरपुकीमी आं कली मिम्‍शा, परमप्रभु यावे गे लाइनीम। मिनु रागी ङा खिं खिं ङा मुरपुकी परमप्रभु आ ङोंइती बाप्‍नीम।

भजन संग्रह 24:2

मारदे हना परमप्रभुमी मेको नेल्‍ल आन कली ब्‍वाक्‍कु तारी सेल्‍शा, शुश ब्‍वाक्‍कु तारी लीमल, दे सेल्‍शो बाक्‍त।

भजन संग्रह 68:18

गे इर ङोइश्‍शा लाइतीनी। ग्‍याइश्‍शो मुर आन कली लाइक्‍तीनी। मुर आन दातेमी गे मारेइ मारेइ ताइतीनी। ङोंइती मटीब आन दातेमी यो ताइतीनी। परमप्रभु यावे मेकेर बाक्‍ब। एफिसी ४:८-१०

प्रस्‍थान 15:10

गे चहिं फश पपाइक्‍तीनी। मिनु समुन्‍द्रमी मेको आन कली सुम्‍तीमी। मेकोपुकी फलाम खोदेंशो पा ठेयब समुन्‍द्रम ग्रुम्‍तेक्‍म।

प्रस्‍थान 6:3

गो अब्राहाम, इसहाक नु याकूब आन ङोंइती ग्रूशो ‘नेल्‍ल क्‍येङा सक्ति पाइश्‍शो परमप्रभु नङ’ दे मेको आन कली तुइक्‍पाइक्‍ताक्‍मी। तन्‍न ‘आं नें यावे बाक्‍ब’ दे मतुइक्‍पदुमी।

यसैया 45:18

मिनु परमप्रभु यावे सरीङ नु रागी सेल्‍ब बाक्‍ब। मुर मबाक्‍तीके मसेल्‍थु, मुर आन कली बाक्‍तीक सेल्‍तु। मेकोमी “गो परमप्रभु यावे नङ। आं ङा लाक्‍शा अरु सुइ परमप्रभु मबाक्‍ब।

यसैया 53:8

मिनु मेको कली दूली निसाफ पा साइक्‍तेक्‍म। नोले मेको कली मार दुम्‍बा, सुम मेको मिम्‍ने चाप्‍बा ङा? मेको ब्रोंइशो मुर आन बाक्‍तीक रे साइक्‍चा पुंइसाक्‍व। मुर आन हेंथे पतीके मेको सजाइ तशा साइक्‍चा पुंइसाक्‍व।

यसैया 7:14

मोपतीके परमप्रभुमी इन कली चिन्‍ड का गेब। मेको चिन्‍ड मार बाक्‍ब देंशा हना, कन्‍ने मीश आलम कोव़ज कुरशा तौ का थीब। मेको आ नें इम्‍मानुएल वोइक्‍नीम। मत्ती १:२३

यसैया 9:6

मारदे हना आंइ कली आल का थिशो बाक्‍ब। तौ का गेशो बाक्‍ब। मेको आंइ कली रिम्‍शो पा सासन पाइब दुम्‍ब। मेको आ नें मार बाक्‍ब देंशा हना, छक लाक्‍चा ङा गेय पाइब, जोक्‍तीक तुइक्‍तीक अर्ती गेब, सक्ति पाइश्‍शो परमप्रभु, गेना हना यो बाक्‍ब आफ नु थुं नाइश्‍शा बाक्‍चा गेब पिप बाक्‍ब। यसैया २२:२२; मीका ५:१; मीका ४:३

येरमीया 23:6

मेकोम सासन पवा ना यहूदा श्‍येत रे प्रोंइचा पुंइसीब। मिनु इस्राएल मारेइ मदुम्‍थु बाक्‍ब। मेको आ नेंम मेकोपुकी तुइक्‍चा पुंइसीनीमी। मेको आ नें ‘परमप्रभु यावे आंइ कली ठीक पाइब बाक्‍ब’ देंनीम” देंत। ब्‍यवस्‍था ३३:२८; येरमीया ३३:१६; यसैया ४५:२४

मत्ती 11:27

आं आफोमी मारेइ मारेइ तुइक्‍पाइक्‍ती। सुइमी आं कली, आ तौ कली मतुइक्‍नीम। आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन कली योव़ङमी, मेको आन कली आ आफ आ पर्बम तुइक्‍पाइक्‍ब। मत्ती २८:१८; यूहन्‍ना ३:३५; यूहन्‍ना १७:२; फिलिप्‍पी २:९

लूका 10:22

आं आफोमी आं कली नेल्‍ल कली अधिकार पतीक सक्ति गेती। तन्‍न सुइमी आ तौ सु बाक्‍बा, मतुइक्‍नीम, आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन थुंम तुइक्‍तीक वोइक्‍बा, मेकोपुकीमी यो तुइक्‍नीम” देंमाक्‍त।

यूहन्‍ना 3:13

मुर परमप्रभु यावे आ बाक्‍तीकेम मलम। स्‍वर्ग रे जाक्‍शो रागीमी जरमेशो ला परमप्रभु यावे आ बाक्‍तीकेमी बाक्‍शो बाक्‍त।

रोमी 10:6

थमा सुइश्‍शा, ठीक दुम्‍शोपुकीमी चहिं मार देंनीम देंशा हना, स्‍वर्ग सु लाइबा ङा? सुइ मलाइनीम मारदे हना येसु ख्रीस्‍त कली ब्रथ लचा ममाल्‍ब। ब्‍यवस्‍था ३०:११-१४

ब्‍यवस्‍था 28:58

मिनु गेपुकीमी एको किताबमी ब्रेक्‍शो अरेशो लोव़ नेल्‍ले टिशा मपाइतीनी हना, मेको ठेयब नु हिंचा ङा परमप्रभु यावे, इन परमप्रभु आ नें कली मान पा महिंतीनी हना,

ब्‍यवस्‍था 30:12

मेको लोव़ इर सरीङमी मबाक्‍ब। मिनु गेपुकीमी “सु सरीङ लशा मेको लोव़ आंइ कली चाक्‍बा? मिनु मेको नेंशा, पाइनीकी” देंचा ममाल्‍नीनी। रोमी १०:६-८

प्रकाश 19:12

मिनु मेको दोदेंब तांइसाक्‍व देंशा हना, मेको आ मिक्‍च हुरुर पा ब्रशो मी खोदेंशो तांइसाक्‍व। आ पियामी शुश मुकुटपुकी बाक्‍तेक्‍म। मिनु मेको तारी नें का ब्रेक्‍शो बाक्‍त। मेको नें सुइमी मतुइक्‍नीम। मेकोम ला तुइक्‍ब। प्रकाश १:३४; प्रकाश ३:१२

न्‍यायाधीस 13:18

मिनु परमप्रभु यावे आ स्‍वर्ग ङा गेय पाइबमी मेको कली “गे मारदे आं नें हिल्‍लो पाइनेवे? मेको मतुइक्‍चा ङा बाक्‍ब” देंमाक्‍त।