हितोपदेस 30:30 - Sunuwar Bible

³⁰ मेको मार बाक्‍नीम देंशा हना, गुप्‍स, जन्‍तु नेल्‍ल आन दातेमी नेल्‍ल क्‍येङा बोल्‍यो बाक्‍ब। मेको सुइ क्‍येङा महिंब।

हितोपदेस 30:30 ပူးပေါင်းရင်းမြစ်များ

२ सामुएल 1:23

सावल नु योनाथन दाक्‍मुबाक्‍ताक्‍स। अरुम यो दाक्‍चा पुंइसाक्‍स। ब्रोंइसा नु बेक्‍सा नु यो काथा दुम्‍‍ताक्‍स। मेको निक्‍शी ककाकुली क्‍येङा यो रीब पा पाइब बाक्‍ताक्‍स। गुप्‍स क्‍येङा यो बोल्‍यो बाक्‍ताक्‍स।

हितोपदेस 30:29

मिनु थोव़क सां बाक्‍नीम। मेको ठेयब मुर खोदेंशो पा गाक्‍नीम। मिनु ४ ओटा थोव़क बाक्‍नीम। मेको ठेयब लेश्‍शा हिरनीम।

हितोपदेस 30:31

ठेयब लेश्‍शा गाक्‍ब भाले, बोका नु आ सेना आन ङोंइती गाक्‍ब पिप बाक्‍नीम।

इजीकीएल 32:2

मार लोव़ पाप्‍तु देंशा हना “ए मुर, इजीप्‍त ङा पिप फाराओ आ पर्बम रोंका पावो। मिनु मेको कली ‘गे रागी रागी ङा मुर आन दातेम गुप्‍स का खोदेंशो मिम्‍साक्‍वे। गे समुन्‍द्र ङा ठेयब जन्‍तु का खोदेंशो बाक्‍ते। गे खोला ङा ब्‍वाक्‍कुम एर ओंथ पवीनु ब्‍वाक्‍कु कली पोक्‍ना पोक्‍न नु खोइलीम ब्‍वाक्‍कु कली ख्राक्‍ना ख्राक्‍न गाक्‍बाक्‍ते। मिनु खोला कली ग्रांग्रा दिशो सेल्‍बाक्‍ते’ देनो” देंत। इजीकीएल २९:३

मीका 5:8

याकूब आ लीशो मुर शुश आन दातेमी ब्‍वाकी ङा गुप्‍स खोदेंशो दुम्‍नीम। मेकोपुकी भेडा गोठम बाक्‍शो गुप्‍स आ चाइक्‍ब खोदेंशो दुम्‍नीम। गुप्‍स मेकेर लाम्‍तेक्‍म हना, साइश्‍शा ब्‍वाइनीम। मिनु सुइमी मेको आन कली प्रोंइने मचाप्‍नीम।

गन्‍ती 23:24

कोव़ङीन, मेको जात ङा मुर गुप्‍सनी खोदेंशो पा बोक्‍नीम। प्रेक्‍शा ग्राम्‍चा चिक्‍शो गुप्‍स खोदेंशो पा मेको छुल बोक्‍ब। मेकोमी सिखार मब्‍वा सम्‍म नु सिखार आ हुश मतूङा सम्‍म मनाइक्‍ब” देंत। गन्‍ती २४:९; इजीकीएल १९:२

न्‍यायाधीस 14:18

मिनु मेको ७ नाक्‍ती नां सोव़चा क्‍येङा ङोंइती सहर ङा मुरपुकीमी सिम्‍सोन कली “खुदो क्‍येङा जिज, मार बाक्‍बा ङा? गुप्‍स क्‍येङा बोल्‍यो सु बाक्‍बा ङा?” देंमा बाक्‍त। मिनु सिम्‍सोनमी “आं मीशेमी इन कली मेको लोव़ मशोव़ङ हना, गेपुकीमी लेन्‍ने मचाप्‍नी वा” देंमाक्‍त।