हितोपदेस 3:33 - Sunuwar Bible

³³ परमप्रभु यावेमी आ अरेशो मटीब आन खिं ङा मुर आ सराप राइब। तन्‍न ठीक पाइब आन खिंम आसीक राइब।

हितोपदेस 3:33 ပူးပေါင်းရင်းမြစ်များ

२ सामुएल 6:11

मोपा परमप्रभु यावे आ सन्‍दोस ओबेद-एदोम आ खिंमी महिना सां सम्‍म बाक्‍माक्‍त। मिनु परमप्रभु यावेमी गित्त आ खिं ङा ओबेद-एदोम नु आ खिं ङा मुर नेल्‍ल आन कली आसीक गेमी बाक्‍त।

अय्‍युब 24:18

मेको मोदेंशो मुरपुकी ब्‍वाक्‍कु आ तार ङा बोग्‍यो खोदेंशो बाक्‍नीम। मेको आन थेरशो रू सराप चीले तशो बाक्‍नीम। सुइ मुर आन अङगुर रू गे मलाइनीम।

अय्‍युब 31:12

मेको जम्‍शा लतीकेम सोइक्‍ब मी खोदेंशो बाक्‍ब। मेकोमी आं बाक्‍शो मारेइ मारेइ खतम पोक्‍‍ब।

भजन संग्रह 1:3

मिनु मेको मुर खोला आ नेक्‍था ख्रुम्‍शो रवा खोदेंशो बाक्‍ब। दोपा मेको आ फल सित्‍ची ना सिप्‍बा नु आ सफा यो महेम्‍थु बाक्‍बा, मोपा मेको मुर आ पतीक नेल्‍ल रिम्‍शो बाक्‍ब। भजन संग्रह ९२:१३-१५; येरमीया १७:८

भजन संग्रह 37:22

परमप्रभु रे आसीक ताइबपुकीमी रागी ताइनीम। परमप्रभु रे सराप ताइबपुकी जाम्‍शा लाइनीम।

भजन संग्रह 91:10

इ कली मारेइ मरिम्‍शो मदुम्‍ब। इ बाक्‍तीक आ नेक्‍था मारेइ हिंचा ङा मदुम्‍ब।

हितोपदेस 10:6

ठीक पाइब मुर आसीक राइनीम। तन्‍न परमप्रभु यावे आ अरेशो मटीब आन कली आन मरिम्‍शो पशोमी सुम्‍ब।

हितोपदेस 14:11

परमप्रभु यावे आ अरेशो मटीब आ खिं प्रेत्‍चा पुंइसीब। तन्‍न रिम्‍शो थुं पाइश्‍शो मुर आन ताम्‍बु सोशो बोशो दुम्‍शा लाइब। हितोपदेस १२:७

हितोपदेस 15:6

ठीक पाइब मुर आन खिंमी शुश शोंप बाक्‍ब। तन्‍न परमप्रभु यावे आ अरेशो मटीबपुकी श्‍येत जाइनीम।

हितोपदेस 21:12

ठीक पाइबमी परमप्रभु यावे आ अरेशो मटीब मुर आन खिं कोव़ना कोव़न बाक्‍ब। मिनु परमप्रभुमी आ अरेशो मटीब आन कली खतम पोक्‍ब।

मलाकी 2:2

गे इन नोफा मदाइक्‍ताक्‍नी नु आं नें कली मान पचा कली ममिम्‍ताक्‍नी हना, गो इन कली सराप पाइनन्‍नी। इन कली गेशो आसीक सराप दुम्‍ब। मारदे हना गे काइ मटीब बाक्‍नीनी। गो थमा पा इन आसीक कली सराप सेल्‍नुङ। ब्‍यवस्‍था २८:१५

ब्‍यवस्‍था 11:28

परमप्रभु यावे, इन परमप्रभु आ शेंशो मटिथु, गो मुलाक्‍ती इन कली देंशो लचा माल्‍शो लां रे हेंथे गाक्‍तीनी नु इन मतुइश्‍शो देवी देवता आन नोले खोइक्‍तीनी हना, सराप राइनीनी।

ब्‍यवस्‍था 7:26

मिनु गेपुकीमी मारेइ ग्रांग्रा दिचा ङा थोव़क इन खिंम मचाक्‍कीन। मो पाइतीनी हना गेपुकी यो मेको आन खोदेंशो पा सराप राइब दुम्‍नीनी। गेपुकीमी मेको नेल्‍ल कली ग्रांग्रा दिशो दुम्‍तीके, तिल्‍चा माल्‍नीनी” देंत। यहोसु ७:११-१२

यहोसु 6:18

मिनु परमप्रभुमी खतम सेल्‍चा, देंशो थोव़क लाइक्‍चा मदुम्‍ब। होस पा बाक्‍कीन। गे परमप्रभु आ देंशो मटिथु, मारेइ लाइक्‍तीनी हना, गे आंमा खतम दुम्‍नीनी। सुइमी मारेइ खुइ पा, इस्राएली आन बाक्‍तीकेम वोइक्‍तीनी हना, मेको खतम दुम्‍ब। मिनु मुर नेल्‍ल आन कली श्‍येत जपाइक्‍ब। लेवी २७:२८; ब्‍यवस्‍था १३:१८

यहोसु 7:13

बोक्‍को। मुर आन कली आं ङोंइती ठीक सेल्‍पतो। मिनु मेको आन कली गे दीसा कली परमप्रभु यावे आ ङोंइती ठीक सेल्‍सीन। मारदे हना परमप्रभु यावे, इस्राएली आन परमप्रभुमी इन दातेमी खतम सेल्‍चा माल्‍शो थोव़क बाक्‍नीम। मेको मग्रुंइताक्‍वी हना, इन जोरी सत्रु क्‍येङा ग्राने मचाप्‍‍नीनी। यहोसु ३:५