हितोपदेस 3:24 - Sunuwar Bible

²⁴ गे निस्‍सेनु, हिंचा ममाल्‍नेवे। इमेनु ब्रोव़शो निन्‍द्रा पाइनेवे। भजन संग्रह ३:६

हितोपदेस 3:24 ပူးပေါင်းရင်းမြစ်များ

२ इतिहास 20:30

मिनु येहो-शाफात आ राज्‍यम लडाइ मदुम्‍थु, नांइसे बाक्‍त। मारदे हना आ परमप्रभुमी मेको रागी कली एर ओंथ नेल्‍ल रे नाइक्‍पदा बाक्‍त। २इतिहास १५:१५

अय्‍युब 11:19

गे सुइ आन क्‍येङा महिंथु इप्‍‍नीनी। मिनु शुश मुरुम इन शिशी तचा कली आस पाइनीम।

भजन संग्रह 112:8

मेको आन थुं ग्‍येत्‍थ लुक्‍च मपथु, महिंनीम। मिनु नोले आन जोरी सत्रु आन कली ब्रुशो ताइनीम। भजन संग्रह ९१:८

भजन संग्रह 127:2

गे सुनी कना बोक्‍शा, नाक्‍दो सम्‍म शुश गेय पाइनीनी। मिनु इन शोब्‍ले सुर्ता पा जाइनीनी। मेको मोशा बाक्‍ब। मारदे हना परमप्रभुमी आ दाक्‍शो मुर आन कली इप्‍ची ना आन माल्‍शो गेब। हितोपदेस १०:२२

भजन संग्रह 3:5

गो इप्‍शा, निन्‍द्रा पा, सेंसाक्‍यी, मारदे हना परमप्रभु यावे आं कली कोव़ब बाक्‍ब। भजन संग्रह ४:९

भजन संग्रह 3:6

गो आं कली हजार हजार मुरपुकीमी पुम्‍ताक्‍यीमी हना यो, महिंनुङ। भजन संग्रह २७:३

भजन संग्रह 4:8

गो हेम पा बाक्‍शा, इप्‍शा निन्‍द्रा पाइनुङ। मारदे हना परमप्रभु यावे, गे आं कली श्‍येत मजपाइक्‍थु, बाक्‍चा गेनीनी। भजन संग्रह ३:६

भजन संग्रह 91:5

मिनु गे नाक्‍दो ङा हिंतीके नु नाक्‍ती बेरशा जाक्‍ब ब्रा तशा महिंनेवे।

हितोपदेस 1:33

तन्‍न सु सुम आं लोव़ नेंनीमी, मेकोपुकी श्‍येत मजाइनीमी। महिंथु, रिम्‍शो दुम्‍शा बाक्‍नीमी।

हितोपदेस 19:23

परमप्रभु यावे कली मान पा हिंचा ब्रोंइतीक बाक्‍ब। मो दुम्‍त हना, गे महिंथु, श्‍येत मजथु बाक्‍नीनी।

हितोपदेस 6:22

मिनु गे ते लते हना यो, मेकोमी इ कली लां कोंइनीस। गे इप्‍ते हना, मेकोमी इ कली खाल पाइनीस। गे सेंसेनु, गे नु लोव़ पाइनीस। भजन संग्रह ११९:१७२

उपदेसक 5:12

शुश गेय पाइब मुर दोशो जाप्‍तु हना यो, निन्‍द्रा पचा दाक्‍ब। तन्‍न शोंप पाइश्‍शो मुर आ शुश शोंपोम पतीके मेको कली निन्‍द्रा मजाक्‍ब।

यसैया 54:14

मिनु ठीक पतीकेमी इ कली बोल्‍यो सेल्‍ब। गे श्‍येत गेब आन क्‍येङा ङोन बाक्‍नेवे। मिनु गे काइ महिंनेवे। मारदे हना हिंचा ङा श्‍येत इ नेक्‍था मजाक्‍ब।

येरमीया 31:26

गो ओशोमीन सेंसाक्‍यी। मिनु एर ओंथ कोव़शा, गो रिम्‍शो पा इप्‍ती, दे तुइक्‍ताक्‍ङ।

इजीकीएल 34:15

गो आंमान आं भेडा आन कली कोव़नुङ। मिनु मेको आन कली नाइक्‍चा गे‍नुङमी।

इजीकीएल 34:25

मेकोमी “गो मेकोपुकी नु थुं नाइश्‍शा बाक्‍तीक कबल का पाइनुङ। मिनु गो रागी कली ब्‍वाकी ङा जन्‍तु रे प्रोंइनुङ। मिनु मेकोपुकी महिंथु थुं नाइश्‍शा गोरशो रागी नु ब्‍वाकीम इप्‍चा ताइनीम। इजीकीएल ३७:२६; लेवी २६:६; होसे २:२०

इजीकीएल 34:27

मिनु रूम बाक्‍शो रवाम फल सित्‍नीम। खपीम मारेइ मारेइ ग्रेल्‍नीम। मिनु मुरपुकी आंम रूमी रिम्‍शो बाक्‍ने चाप्‍नीम। गो मेको आन जुवा जिक्‍शा, मेको आन कली वाइल सेल्‍ब आन गुइ रे प्रोंइ‍नुङमी। मेना गोन परमप्रभु यावे नङ, दे तुइक्‍नीम।

लेवी 26:6

मिनु गो रागी ङा मुर आन कली थुं नाइश्‍शा बाक्‍चा गेनुङ। मिनु गेपुकी गोल्‍शा निन्‍द्रा पाइनीनी। सुइमी इन कली हिंच मकोंइब। गो इन रागी रे हिंचा ङा जन्‍तु आन कली खेरनुङमी। इन रागीमी लडाइ मदुम्‍ब। इजीकीएल ३४:२५

प्रेरित 12:6

हेरोदमी पत्रुस कली मुर आन ङोंइती राप्‍पाइक्‍चा देंशो नाक्‍त आ ङोंइती नाक्‍दो पत्रुस साङलो निक्‍शीमी पाइश्‍शा, सिपाही निक्‍शी आस दातेम इप्‍पाइश्‍शो बाक्‍माक्‍त। लाप्‍चो आ ङोंइती यो खाल पाइबपुकी बाक्‍मा बाक्‍त।