23 मिनु गे इ लांम रिम्शो पा गाक्ङे नु इ खोइल दाइल मपाइब।
इन अरेशो लोव़ दाक्बपुकी थुं नाइश्शा बाक्चा ताइनीम। मेको आन कली मारेइ श्येत मदुम्ब।
मेकोमी इ खोइल ग्रेक्चा मगेब। इ कली कोव़ब गेनायो मइप्ब।
परमप्रभु यावेमी गे लाङगा खिंङगा पवीनु यो इ कली खाल पाइब। मुल रे गेना हना यो मो पाइब। ब्यवस्था २८:६
आन परमप्रभु आ अरेशो लोव़ मेको आन थुंमी बाक्ब। मिनु हेंथे मपथु, परमप्रभु आ लांम गाक्नीम।
गेना हना यो रिम्शो पाइब मुर कली सुइमी मारेइ मपाइनीम। सु चहिं दूली लां गाक्बा, मेको आ पर्बम नेल्लेमी “मरिम्शो पाइब” दे तुइक्नीम।
परमप्रभु यावेमी ठीक निसाफ बाक्बा देय मबाक्बा मेको कोव़ब। आ लां गाक्ब आ मुर आन कली कोव़ब।
गे गाक्ङेनु, इ कली सुइम मतेक्नीम। मिनु दोरते हना, दाइल मपांइसीनेवे।
मिनु गे ते लते हना यो, मेकोमी इ कली लां कोंइनीस। गे इप्ते हना, मेकोमी इ कली खाल पाइनीस। गे सेंसेनु, गे नु लोव़ पाइनीस। भजन संग्रह ११९:१७२
मिनु मेको आन दातेमी सुइ मदाइनीम। दाइल मपांइसीनीम। मगोल्नीम। मिनु मइप्नीम। मेको आन किप्शुर मब्रुइक्ब, आन जुत्ता ङा डोरी यो मब्रोइक्नीम।
सुम मेको आन कली समुन्द्र आगा ङा लां रे पा खुला? मेकोमी गोरशो रागीम शारा आन कली गाक्पाइश्शो खोदेंशो पा दाइल मपपाइक्थु, गाक्पाइक्तु।
गो मेको आन कली परमप्रभु यावे कली थमा सुइक्तीकेम बोल्यो सेल्नुङ। मिनु मेकोपुकी मेको आं नेंम गाक्नीम” दे परमप्रभु यावेमी देंत।