हितोपदेस 3:10 - Sunuwar Bible

¹⁰ मो पाप्‍तीवी हना, इ कोठो भकारी अन्‍नमी शुश ब्रीशो बाक्‍नीम। इ अङगुर ख्राक्‍तीके अङगुर रसम ब्रीशो बाक्‍नीम।

हितोपदेस 3:10 ပူးပေါင်းရင်းမြစ်များ

२ इतिहास 31:10

मिनु सादोक आ खिं ङा मुर, ठेयब चढ़ेब अजारयाहम “मुरपुकीम परमप्रभु यावे आ खिं कली आन भाग चाक्‍गमे रे आंइ कली जचा गाप्‍त। मिनु शुश मार मार हेंशो यो बाक्‍ब। मारदे हना परमप्रभु यावेम आ मुर आन कली शुश आसीक गेशो बाक्‍ब। मिनु एको इश्‍का मार मार हेंशो यो बाक्‍ब” देंमाक्‍त।

२ इतिहास 31:21

मेकोमी परमप्रभु यावे आ खिं ङा गेय पतीके, परमप्रभु यावे आ अरेशो लोव़ नु आ शेंशो तुइक्‍तीकेमी आ परमप्रभु कली आ थुं नेल्‍लेमी मला बाक्‍त। मिनु आ पशो नेल्‍लेमी रिम्‍शो दुम्‍माक्‍त। भजन संग्रह १:३

भजन संग्रह 144:13

आंइ अन्‍न वोइक्‍तीके शुश खाल ङा अन्‍नमी ब्रीमल। आंइ भेडा हजार हजार दुम्‍मल। आंइ भेडा आंइ रूम लाख लाख दुम्‍मल।

हितोपदेस 19:17

सुमी प्रुङग कली शिशी पा गेबा, मेकोमी परमप्रभु यावे कली गेब। मिनु परमप्रभु यावेमी मेको कली नेल्‍ल लेप्‍ब। हितोपदेस १४:३१; भजन संग्रह ४१:२-४; दानीएल ४:२४; मत्ती ५:७; मत्ती २५:४०; २कोरिन्‍थी ९:६

हितोपदेस 22:9

हाइश्‍शो मुरुमी आसीक ताइब। मारदे हना मेकोमी आ जचा थोव़क प्रुङग नु योक्‍ब। हितोपदेस १९:१७

योएल 2:24

मिनु खलापुकी अन्‍नमी ब्रीनीम। गरपुकी नक अङगुर शांबु नु तेलम ब्रीशा क्‍युप्‍नीम।

हाग्‍गै 2:19

मार, गे नु वांचेर बाक्‍मे? अङगुर बोट, फोव़शी रवा, अनार नु तेल रवामी मुल सम्‍म फल मसिश्‍शो बाक्‍मा? मुलाक्‍त ङा मेरे गो इन कली आसीक गेनन्‍नी” दे परमप्रभु यावेमी देंत।

मत्ती 10:42

नोफा दाइश्‍शा नेनीने, सुमी महिक्‍सीशो मुर का कली ‘एको यो शेंसीब का बाक्‍माक्‍त’ दे मिम्‍शा, लोटा का ब्‍वाक्‍कु तूचा गेबा, मेकोमी दोपा यो आ तचा ङा इनाम मसाम्‍ब” दे शेंताक्‍मी। मत्ती २५:४०; मर्कूस ९:४१

ब्‍यवस्‍था 14:29

मिनु इन खोदेंशो पा शोंप मताइब लेवी आ थर ङा मुरपुकी, अर्को रागी ङा मुर, रोम रोइक्‍च नु वोंइश बेक्‍शो मीश मुरपुकी मेकेर जाक्‍शा, रूथ्री जचा ब्‍वचा तामेक्‍ल। मो पाइतीनी हना, परमप्रभु यावे, इन परमप्रभुमी इन कली इन पतीक नेल्‍लेमी आसीक गेब” देंत।

ब्‍यवस्‍था 28:8

मिनु परमप्रभु यावेमी इन भकारीमी आसीक गेब। मिनु गे मार मार पाइनीनी रिम्‍शो दुम्‍चा कली आसीक गेब। मिनु परमप्रभु यावे, इन परमप्रभुमी इन कली गेशो रागीमी इन कली आसीक गेब। लेवी २५:२१