हितोपदेस 3:1 - Sunuwar Bible

¹ आं तौ, आं अरेशो मप्रेंदो। मिनु आं शेंशो लोव़ इ थुंमी वोतो। लेवी १८:५

हितोपदेस 3:1 ပူးပေါင်းရင်းမြစ်များ

भजन संग्रह 119:11

गो मरिम्‍शो मपङल, दे इन लोव़ आं थुंम वोइश्‍शो बाक्‍नुङ।

भजन संग्रह 119:153

आं श्‍येत जशो कोव़ङीन, गो श्‍येत जाइनुङ। मिनु आं कली प्रोंइयीनी। मारदे हना गो इन अरेशो लोव़ मप्रेंदु।

भजन संग्रह 119:16

गो इन फुल्‍लुम मुशा ब्रेक्‍शो लोव़ तुइश्‍शा, ग्‍येरसाक्‍यी। इन लोव़ मप्रेंनुङ।

भजन संग्रह 119:176

गो जाम्‍शो भेडा खोदेंशो पा लां जाम्‍शो बाक्‍नुङ। इन गेय पाइब, आं कली माल्‍यीनी। मारदे हना गो इन शेंशो लोव़ मप्रेंनुङ। यसैया ५३:६

भजन संग्रह 119:34

गे आं कली रुप्‍‍तीक थुं गेयीनी। मिनु गो इन अरेशो लोव़ आं थुं नेल्‍लेमी पाइनुङ।

भजन संग्रह 119:61

इन अरेशो लोव़ मटीबपुकीमी आं कली फ्रेंताक्‍यीमी हना यो, गो इन अरेशो लोव़ मप्रेंनुङ।

भजन संग्रह 119:93

गो इन अरेशा ब्रेक्‍शो लोव़ गेनायो मप्रेंनुङ। मारदे हना गे मेको आ पतीकेमी आं कली ब्रोंइपाइक्‍तीनी।

भजन संग्रह 91:16

गो मेको कली शुश ब्रोंइचा गेशा, आं प्रोंइतीके तपाइक्‍नुङ” दे परमप्रभुमी देंत। यसैया ५२:१०

प्रस्‍थान 20:6

तन्‍न सु सुमी आं कली दाक्‍नीमी, आं शेंशो लोव़ टीनीमी, मेको आन आल, चच युइ नु युइ आन युइ आन पाला सम्‍म कली ला ममाइ, हजार हजार पाला सम्‍म गेना हना यो शिशी पाइक्‍नुङमी। प्रस्‍थान ३४:७; ब्‍यवस्‍था ७:९

हितोपदेस 1:8

आं तौ, इ आफ आ अर्ती नेनो। इम्‍मा आ शेंशो मप्रोनो। हितोपदेस ६:२०; ब्‍यवस्‍था २१:१८-२१

हितोपदेस 16:31

बोइश्‍शो चां मान ततीक सिरपेच खोदेंशो बाक्‍ब। मेको ठीक पाइब मुर आन लांम ला थीसीब। हितोपदेस २०:२९

हितोपदेस 2:1

आं तौ, गे आं लोव़ नेनो, आं शेंशो इ थुंम वोइक्‍तीवी हना,

हितोपदेस 23:26

आं तौ, इ थुं आं कली गेयी। आं पशो कोव़ङो।

हितोपदेस 31:5

ठेयब मुरपुकी तूशा दुक्‍तेक्‍म हना, अरेशो लोव़ प्रेंनीम। मिनु श्‍येत जाइब आन कली निसाफ पतीकेमी दूली पाइनीम। मेको काइ मदुम्‍ब।

हितोपदेस 4:2

गो इन कली रिम्‍शो पा अरेनुङ। आं शेंशो लोव़ मप्रोनीन।

हितोपदेस 4:21

आं लोव़ कली गेना हना यो मिम्‍तो। मिनु मेको कली इ थुंमी वोतो।

हितोपदेस 4:5

तुइक्‍तीके मालो नु जोक्‍ब तुइक्‍ब दुमो। आं देंशो लोव़ मप्रोनो।

हितोपदेस 8:1

तुइक्‍‍तीकेमी लोव़ मपाइबा ङा? रुप्‍‍तीकेमी ठेयब सेंदा पा मब्रेप्‍बा ङा? हितोपदेस १:२०-२३

हितोपदेस 9:1

तुइक्‍तीकेमी आंम खिं सेल्‍शा, ७ ओटा थाम ख्रुक्‍तु।

यसैया 51:17

यरूसलेम बोक्‍को। परमप्रभु यावे इ पर्बम गाइश्‍शा, श्‍येत तूचा गेप्‍तु। गे दिङ दाङ गोल्‍पाइक्‍ब कचौरा तूशा श्‍येत्‍थ सेल्‍तीवी। भजन संग्रह ६०:५; भजन संग्रह ७५:९; येरमीया १३:१२-१३; प्रकाश १६:१९

येरमीया 31:33

तन्‍न इस्राएल आ खिं ङा मुर नोले ङा नाक्‍ती ङा कबल मार बाक्‍त देंशा हना, गो आं अरेशो मेको आन थुंम वोइक्‍नुङ। मिनु आन थुंम मेको ब्रेक्‍शा गेनुङमी। मिनु गो मेको आन परमप्रभु दुम्‍नुङ। मिनु मेकोपुकी आं मुर दुम्‍नीम। इजीकीएल ११:१९; हिब्रू १०:१६-१७; येरमीया ७:२३

होसे 4:6

आं मुर मारेइ मतुइक्‍तीके खतम दुम्‍नीम। मारदे हना गेपुकीमी तुइक्‍तीक कली ताइक्‍ताक्‍नी। मोपतीके गो यो इन कली आं कली चढ़ेब दुम्‍तीक रे ताइक्‍नन्‍नी। मारदे हना गेपुकीमी इन परमप्रभु, आं अरेशो लोव़ कली क्‍यारी मपनी। मोपतीके गो यो इन आल आन कली क्‍यारी मपाइनुङ।

ब्‍यवस्‍था 4:23

मिनु परमप्रभु यावे, इन परमप्रभुमी गे नु पशो कबल मप्रेक्‍थु, होस पा बाक्‍कीन। गे मप्रेंथु परमप्रभु यावे, इन परमप्रभुमी देंशो टिशा मारेइ के मूर्ति मसेलीन।

ब्‍यवस्‍था 4:9

इन आंम तशो इन थुंम वोइश्‍शा, मप्रेंथु, होस पा बाक्‍कीन। गे ब्रोंइनी सम्‍म इन थुंम वोतीन। इन आल नु चच युइ आन आन कली शेंदीन। भजन संग्रह १०३:२

ब्‍यवस्‍था 5:16

परमप्रभु यावे, इन परमप्रभुमी अरेशो खोदेंशो पा इन आंम आफ कली मान पने। मो पाइतीनी हना, परमप्रभु यावे, इन परमप्रभुमी इन कली गेशो रागीम रोइ मपथु, शुश नाक्‍त ब्रोंइशा बाक्‍नीनी।

ब्‍यवस्‍था 5:33

परमप्रभु यावे, इन परमप्रभुमी इन कली कोंइशो लां ठीक पा गाक्‍कीन। मो पाइतीनी हना, गे ब्रोंइनीनी, इन कली रिम्‍शो दुम्‍ब नु इन के सेल्‍चा चिक्‍शो रागीम शुश नाक्‍ती ब्रोंइनीनी।

ब्‍यवस्‍था 8:1

मिनु मोसामी “गो मुलाक्‍त इन कली परमप्रभु आ शेंशो नेल्‍ल माइक्‍तन्‍नी। गेपुकीमी मेको होस पा पचा माल्‍नीनी। मो पाइतीनी हना, गेपुकी ब्रोंइचा ताइनीनी, सोशा बोशा शुश दुम्‍नीनी नु परमप्रभु यावेमी इन किकी पिपी आन कली ‘मेको गेनुङ’ दे कसम जशो रागी ओव़शा इन के सेल्‍शा बाक्‍चा ताइनीनी।