हितोपदेस 29:2 - Sunuwar Bible

² ठीक पाइबपुकी सासन पाइब दुम्‍तेक्‍म हना, मुर नेल्‍ल ग्‍येरसीनीम। तन्‍न परमप्रभु यावे आ अरेशो मटीब मुरुमी सासन पाप्‍तु हना, मुर श्‍येत जाइनीम। हितोपदेस ११:१०

हितोपदेस 29:2 ပူးပေါင်းရင်းမြစ်များ

एस्‍तर 3:15

पिपम मेको लोव़ चोव़थ लाइक्‍ब आन कली रीब रीब पा सोइक्‍ताक्‍व। मिनु सुसा दरवारमी यो मेको लोव़ ब्रपाइक्‍तेक्‍म। मो पामे नोले पिप नु हामान तूचा कली निस्‍साक्‍स। तन्‍न सुसा सहरम चहिं खाल बाल बोक्‍त।

एस्‍तर 8:15

मिनु मोरदेकै पिप आ बाक्‍तीक रे दरवार ङा ठेयब नीलो नु बुश फेक्‍तीक वा फेक्‍शा, पियाजी रङ ङा बरखी रुक्‍शा, पियामी सुन के ठेयब सिरपेच गुप्‍शा, सहर लत। मिनु मोरदेकै कली तशा, सुसा सहर ङा मुरपुकी थाम्‍पान ग्‍येरसाक्‍म।

अय्‍युब 34:30

मिनु परमप्रभु कली मटीब मुरुम सासन मपवल। मिनु मुर आन कली श्‍‍येत गेब सासन पाइब मदुमल।

हितोपदेस 11:10

ठीक पाइब मुर आन कली रिम्‍शो दुम्‍त हना, सहर ङा मुर नेल्‍ल ग्‍येरसीनीम। परमप्रभु यावे आ अरेशो मटीब खतम दुम्‍मानु, मुर नेल्‍ल थाम्‍पा ग्‍येरसीनीम।

हितोपदेस 28:12

ठीक पाइबपुकी ग्रामानु, नेल्‍ल ग्‍येरसीनीम। तन्‍न परमप्रभु यावे आ अरेशो मटीबपुकी ठेयब दुम्‍तेक्‍म हना, मुरपुकी ख्रुंइसीनीम। हितोपदेस ११:११

हितोपदेस 28:15

परमप्रभु यावे आ अरेशो मटीबमी प्रुङग आन कली सासन पाप्‍तु हना, मेको ग्रीब गुप्‍स नु प्रेक्‍शा ग्राम्‍ब वां खोदेंशो बाक्‍ब।

हितोपदेस 28:28

परमप्रभु यावे आ अरेशो मटीबपुकी ठेयब मुर दुम्‍तेक्‍म हना, मुरपुकी ख्रुंइसी‍नीम। मिनु मेको बेक्‍तेक्‍म हना, ठीक पाइब मुर सोशा बोशा शुश दुम्‍नीम।

उपदेसक 10:5

गो रागीमी मरिम्‍शो का तशो बाक्‍नुङ। मेको ठेयब दूली गेय सासन पाइबम ला पने चाप्‍ब।

उपदेसक 10:6

मूर्ख आन कली ठेयब मुर सेल्‍नीम। तन्‍न शोंप पाइश्‍शोपुकी आइक्‍च दुम्‍शा बाक्‍नी‍म।

उपदेसक 4:1

मिनु गो रागीम कोव़ङुनु, मेकेर थम मरिम्‍शो पशो ताता। गो दिप्‍चा पुंइसीशो आन ङाक्‍शो ताता। मेको आन कली लेम्‍ब सुइ मबाक्‍म। मेको मरिम्‍शो पाइब सक्ति पाइश्‍शो बाक्‍तेक्‍म। दिप्‍चा पुंइसीब आन कली चहिं लेम्‍ब सुइ मबाक्‍म।

मत्ती 2:16

पिप हेरोदमी मार पवा बाक्‍त देंशा हना “मेको सोरुल कोव़शा जोक्‍ब तुइक्‍बपुकीमी जोल पाइयीमी बाक्‍त” दे तुइश्‍शा चुरमाक्‍त। मिनु आन देंशो लोव़मी “पिप मेना जरमेसीब” दे मिम्‍शा, मेको पिप दुम्‍ब आल कली थिन्‍ने मचाप्‍तीके बेथलेहेम सहर एर ओंथ गाउं ङा बर्स निक्‍शी मलाक्‍शो वोंइश आल नेल्‍ल आन कली माल्‍ना माल्‍न साइक्‍पाइक्‍मी बाक्‍त।

मत्ती 2:3

मिनु पिप हेरोद नु यरूसलेममी बाक्‍बपुकीमी मेको आन लोव़ नेंशा, आन थुं ग्‍येत्‍थ लुक्‍च दुम्‍मा बाक्‍त।

प्रकाश 11:15

मिनु मेको नोले ङा परमप्रभु यावे आ स्‍वर्ग ङा गेय पाइबमी आ तुराही ताप्‍तु। मिनु स्‍वर्गमी ठेयब सेंदापुकी नेंता। मेकोपुकीमी “आंइ परमप्रभु नु आ ख्रीस्‍तमी रागी नेल्‍ल कली सासन पाइब दुम्‍ताक्‍से। मिनु गेना हना यो सासन पना पन बाक्‍नीसी” देंशो नेंता।