हितोपदेस 28:26 - Sunuwar Bible

²⁶ सुमी आंम निप्‍स कली थमा सुइक्‍बा, मेको मूर्ख बाक्‍ब। तन्‍न सु तुइक्‍तीक थुं ङा लां गाक्‍बा, मेको ब्रोंइचा ताइब। हितोपदेस ३:५-६

हितोपदेस 28:26 ပူးပေါင်းရင်းမြစ်များ

२ राजा 8:13

मिनु हजाएलमी “गो महिक्‍शो, कुचुम खोदेंशो मुरुम ओदेंशो ठेयब गेय दोपा पने चाप्‍नुङ ङा?” देंमाक्‍त। मिनु एलीशाम “परमप्रभु यावेम गे अराम ङा पिप दुम्‍नेवे, दे आं कली कोंइशो बाक्‍ब” देंमाक्‍त। १राजा १९:१५

अय्‍युब 28:28

मिनु मेकोमी मुर आन कली ‘परमप्रभु यावे कली मान पा हिंतीके तुइक्‍‍तीक बाक्‍ब। मरिम्‍शो पतीक रे ङोन बाक्‍चा रुप्‍तीके बाक्‍ब’ देंत” दे अय्‍युबमी देंमाक्‍त। भजन संग्रह १११:१०; हितोपदेस १:७

हितोपदेस 2:12

मेकोमी इ कली मरिम्‍शो लां नु दूली लोव़ पाइब मुर रे प्रोंइब।

हितोपदेस 26:12

आंम कली “जोक्‍ब तुइक्‍ब मुर नङ” दे मिम्‍ब मुर क्‍येङा मूर्खन रिम्‍शो बाक्‍ब। हितोपदेस ३:७

हितोपदेस 3:5

गे इ थुं नेल्‍लेमी परमप्रभु यावे आ देंशो मिम्‍शा, थमा सुतो। इ आंम जोक्‍शो तुइश्शो थमा मसुतो।

हितोपदेस 3:7

गे “गो जोक्‍ब तुइक्‍ब मुर नङ” दे ममिम्‍तो। तन्‍न परमप्रभु यावे कली मान पा हिनो। मरिम्‍शो पतीके रे ङोन बाक्‍को। यसैया ५:२१

येरमीया 17:9

मुर आन थुं नेल्‍ल क्‍येङा जोल पाइब बाक्‍ब। गेना हना यो दूली पाइब बाक्‍ब। मेको कली सुम रुप्‍ने चाप्‍बा ङा? १सामुएल १६:७; बजन संग्रह ७:१०; हितोपदेस १५:११; रोमी २:६

रोमी 8:7

मुर आ थुंमी परमप्रभु यावे कली मदाक्‍ब आ जोरी सत्रु दुम्‍शा, आ देंशो मटीब। मारदे हना परमप्रभु यावे आ अरेशो लोव़ थमा पा टिने मचाप्‍ब। याकूब ४:४

२ तिमोथी 3:15

गे आल रे ना परमप्रभु यावे आ लोव़ तुइश्‍शो बाक्‍नेवे। मेको लोव़मी ख्रीस्‍त येसु कली थमा सुइश्‍शा “दोपा पाप रे प्रोंइचा” दे इ कली शेंने चाप्‍ब। यूहन्‍ना ५:३९

याकूब 1:5

तुइक्‍‍ब थुं माल्‍तीनी हना, गेपुकीमी परमप्रभु यावे कली “गो तुइक्‍ब थुं माल्‍नुङ” दे पुनीन। परमप्रभु यावेमी मगाइक्‍थु, शुश तुइक्‍ब थुं गेब। याकूब ३:१५; हितोपदेस २:३-६