हितोपदेस 28:25 - Sunuwar Bible

²⁵ शिंम मुरुमी जिचा पोक्‍ब। तन्‍न सुमी परमप्रभु यावे कली थमा सुइक्‍बा मेको आसीक ताइब।

हितोपदेस 28:25 ပူးပေါင်းရင်းမြစ်များ

भजन संग्रह 84:12

मुर नेल्‍ल आन परमप्रभु यावे, इन कली जिम्‍मा गेंसीशो थमा सुइक्‍बपुकी ग्‍येरसीशो बाक्‍नीम” देंती।

हितोपदेस 10:12

मुर आन कली काइ मदाक्‍शोनु, जिचा बोक्‍ब। मुर आन कली दाक्‍शोनु चहिं, आन मरिम्‍शो पशो नेल्‍ल सुम्‍सीब। १पत्रुस ४:८

हितोपदेस 10:3

परमप्रभु यावेमी ठीक पाइब मुर आन कली शोव़लु बेक्‍पाइश्‍शा मवोइक्‍ब। तन्‍न आ अरेशो मटीब आन कली आन जत दाक्‍शो मगेब। भजन संग्रह ३७:१९,२५

हितोपदेस 11:25

हाइश्‍शो मुरुमी शुश ताइब। सुम अरु आन कली वारच पाइक्‍बा, मेकोमी आंमा यो वारच पाइक्‍चा पुंइसीब।

हितोपदेस 13:10

ठेयब लेश्‍शो नु सुइ कली ममिम्‍ब मुर जिचा पोक्‍‍ब बाक्‍ब। तन्‍न अर्ती नेंब मुर तुइक्‍तीके नु बाक्‍ब। हितोपदेस १:५

हितोपदेस 13:4

अल्‍सेपुकी वाल्‍नीमी। मिनु मारेइ मताइनीम। तन्‍न शुश गेय पाइब मुरपुकीमी मारेइ मारेइ ताइनीम।

हितोपदेस 15:18

शुश गाइक्‍ब मुरुमी जिचा पोक्‍ब। तन्‍न रीब पा मगाइक्‍ब मुरुमी जितीके तेक्‍ब।

हितोपदेस 15:27

शिंममी आंम खिं ङा मुर आन कली श्‍येत गेनीम। तन्‍न घूस मजाइबपुकी ब्रोंइनीम। भजन संग्रह १५:५

हितोपदेस 15:30

ब्रशो कुलमी थुं कली ग्‍येरपाइक्‍ब। रिम्‍शो लोव़मी रां कली बोल्‍यो सेल्‍ब।

हितोपदेस 21:24

ठेयब लेश्‍शो, बोरशो मुर आ नें शुक्‍शी पाइब बाक्‍ब। मेकोमी ठेयब लेश्‍शो नु बोरशो गेय ला पाइब।

हितोपदेस 22:10

शुक्‍शी पाइब कली खेरो। मिनु जिचा खेचा नुप्‍ब। जिचा नु तुम्‍मुचा तेक्‍सीब। हितोपदेस २६:२०

हितोपदेस 29:22

चुरब मुरुमी राम्‍शी पोक्‍ब। गाइश्‍शा बाक्‍ब मुरुमी शुश मरिम्‍शो पपाइक्‍ब। हितोपदेस १५:१८; हितोपदेस २२:२४

हितोपदेस 29:25

मुर क्‍येङा हिंचा ब्‍वारद खोदेंशो बाक्‍ब। तन्‍न परमप्रभु यावे कली थमा सुइक्‍चा ब्रोंइतीक बाक्‍ब। मत्ती १०:२८

यसैया 58:11

मिनु परमप्रभु यावेमी इन कली गेना हना यो लां कोंइब। गे श्‍येत जनी ना इन माल्‍शो नेल्‍ल गेब। मिनु इन रुश बोल्‍यो सेल्‍ब। गे ब्‍वाक्‍कु लाब्‍वेशो फल फुल रू खोदेंशो बाक्‍नीनी। गे गेनायो मसोव़ब ब्‍वाक्‍कु बुक्‍तीके खोदेंशो दुम्‍नीनी। येरमीया ३१:१२

१ तिमोथी 6:6

परमप्रभु यावे कली बोल्‍यो थमा सुइक्‍चा चहिं थुं नाइक्‍तीक बाक्‍ब। १तिमोथी ४:८; मत्ती ६:२५-३४; फिलिप्‍पी ४:११-१२; हिब्रू १३:५