हितोपदेस 28:24 - Sunuwar Bible

²⁴ सुमी आ आम आफ आस मार मार रोइश्‍शा “आं शोंप बाक्‍ब” देंबा, मेको खतम पोक्‍ब आ वारच बाक्‍ब। मत्ती १५:५

हितोपदेस 28:24 ပူးပေါင်းရင်းမြစ်များ

हितोपदेस 19:26

सुमी आ आफ कली श्‍येत गेबा नु आ आ‍म कली खेरबा, मेको ग्रांग्रा दिशो नु मुने तोक्‍ब तौ बाक्‍ब।

हितोपदेस 18:9

अल्‍सी पाइब मुर हेंथे पाइब आ लोक्‍ब बाक्‍ब। हितोपदेस १०:४

हितोपदेस 28:7

सुमी परमप्रभु यावे आ अरेशो टीबा, मेको जोक्‍ब तुइक्‍ब तौ बाक्‍ब। सु चहिं शुश जाइब नु दुक्‍ब मुर आ वारच दुम्‍बा, मेकोमी आ आफ कली मुने तोक्‍ब।

न्‍यायाधीस 17:2

मिनु मेकोमी आ आम कली “इन जाम्‍शो ११ सहे चांदी के शेकेल आ पर्बम सराप पशो, गो नेंता। मेको चांदी के शेकेल गो नु बाक्‍नीम। गो लाइश्‍शो नङ। मुल गो लेत्‍नन्‍नी” देंमाक्‍त। मिनु मेको आ ममामी “आं तौ, परमप्रभु यावेमी इ कली आसीक गेवल” देंमाक्‍त। लेवी ५:१; हितोपदेस २९:२४

हितोपदेस 13:20

सु जोक्‍ब तुइक्‍ब नु गाक्‍बा, मेको जोक्‍ब तुइक्‍ब दुम्‍ब। तन्‍न मूर्ख नु गाक्‍ब श्‍येत जाइब।

भजन संग्रह 35:10

मिनु गो आं रां नेल्‍लेमी “परमप्रभु यावे, इन खोदेंशो सु बाक्‍बा?” देंनुङ। गे मचाप्‍ब नु श्‍येत जाइब आन कली बोल्‍यो मुर आ गुइ रे प्रोंइनीनी।

हितोपदेस 22:9

हाइश्‍शो मुरुमी आसीक ताइब। मारदे हना मेकोमी आ जचा थोव़क प्रुङग नु योक्‍ब। हितोपदेस १९:१७