हितोपदेस 28:14 - Sunuwar Bible

¹⁴ परमप्रभु यावे कली मान पा हिंब मुर गेना हना यो ग्‍येरशा बाक्‍चा ताइब। तन्‍न मरिम्‍शो थुं पाइश्‍शो मुर श्‍येत जाइनीम।

हितोपदेस 28:14 ပူးပေါင်းရင်းမြစ်များ

अय्‍युब 9:4

मेको जोक्‍ब तुइक्‍ब नु सक्ति पाइश्‍शो बाक्‍ब। मेको कली मटिथु, सु ग्‍येत्‍थ लने चाप्‍बा ङा?

भजन संग्रह 112:1

परमप्रभु यावे कली ठेयब सेलीन। सु परमप्रभु यावे कली मान पा हिंबा, मेको ग्‍येरसीशो मुर बाक्‍ब। मेकोमी परमप्रभु आ शेंशो शुश दाक्‍ब। भजन संग्रह १:२; हितोपदेस २०:७

भजन संग्रह 16:8

गो परमप्रभु यावे कली गेना हना यो आं ङोंइती वोइक्‍ता। मोपा मेको आं ग्‍युरा गे बाक्‍मेनु, गो महिम्‍सीनुङ। प्रेरित २:२५-२८

भजन संग्रह 2:11

परमप्रभु यावे कली मान पा हिंशा, मेको आ देंशो गेय पने। हिंशा ख्रिंख्रि पा मेको आ ङोंइती ग्‍येरशा बाप्‍पीन। फिलिप्‍पी २:१२; हिब्रू १२:२८

भजन संग्रह 95:8

गेपुकी मेरीबाम पशो खोदेंशो पा इन थुं खकटा मसेलीन। गेपुकी गोरशो रागी मास्‍साह माइश्‍शोमी बाक्‍ची ना पशो खोदेंशो मपने। हिब्रू ३:७-८; हिब्रू ४:७

प्रस्‍थान 14:23

मिनु इजीप्‍त रागी ङा लडाइ पाइब इस्राएली आन कली खेदा पा, मेको आन नोले लल समुन्‍द्र ओव़तेक्‍म। पिप आ शारापुकी, आ बग्‍गीपुकी नु आ शारा ङोइक्‍ब नेल्‍ल ओव़तेक्‍म।

प्रस्‍थान 7:22

इजीप्‍त रागी ङा ठेयब टुना मुना पाइबपुकीमी यो आन मन्‍तरमी आस पशो खोदेंशो पाम्‍तेक्‍म। फाराओ आ थुं चहिं ङोंइती ङा खोदेंशो पा काइ मटीब दुम्‍माक्‍त। मिनु मोसा नु हारून आस देंशो मटिवो। परमप्रभु यावेमी ङोंइती दोदेंशो देंमे, मोदेंशो दुम्‍‍त। प्रस्‍थान ७:११

प्रस्‍थान 7:23

मिनु फाराओ आ खिं लेम्‍माक्‍त। मार दुम्‍मे, मारेइ ममिम्‍ता बाक्‍त।

हितोपदेस 23:17

पापी आन कली गेहे मपावो। तन्‍न नाक्‍त किंत किंत परमप्रभु यावे कली मान पा हिनो।

हितोपदेस 29:1

शुश हुइक्‍चा पुंइसीशा यो, काइ मटीब दुम्‍तेक्‍म हना, मेको आन मतुइक्‍थु वारच पाइक्‍चा मपुंइसीथु, खतम दुम्‍नीम। हितोपदेस १५:१०

उपदेसक 8:12

मरिम्‍शो पाइब मुर सहे का खेयप मरिम्‍शो पशा यो शुश नाक्‍त सम्‍म ब्रोंइशा बाक्‍नीम। मो हना यो परमप्रभु कली मान पा हिंब नु आ ङोंइती बाक्‍ब आन कली रिम्‍शो दुम्‍ब, दे गो तुइक्‍नुङ। भजन संग्रह ३७:१८; भजन संग्रह ७३:१७-२६

यसैया 66:2

मारेइ मारेइ आं सेल्‍शो मनमी ङा? मोपतीके मेको नेल्‍ल आं के नम” दे परमप्रभु यावेम देंत। मिनु लेंशा “मो हना यो गो आं लोव़ नेंशा, हिंशा, ख्रिंख्रि पा श्‍येत जाइब नु आ थुं जिक्‍‍शो मुर आन कली कोव़नुङ।

येरमीया 32:40

गो मेकोपुकी नु गेना हना यो लीब कबल का पाइनुङ। गो मेको आन कली रिम्‍शो पचा कली गेनायो मप्रोंइनुङ। मिनु गो मेको आन थुंमी आं कली मान पा हिंतीके वोइक्‍नुङ। मोपा मेकोपुकीम आं कली मप्रोंइनीम। येरमीया ३१:३१-३४

रोमी 11:20

इन देंशो ठीक बाक्‍ब। मेकोपुकीमी थमा मसुदेम। मिनु परमप्रभु यावेमी मेको आन कली क्‍योरशा ताइक्‍ताक्‍व। इन थमा सुइश्‍शो तशा इन कली चहिं रिम्‍शो फल रवाम केप्‍शो खोदेंशो पा आ मुर सेल्‍तु। काइ ठेयब मलेत्‍थु, परमप्रभु यावे कली मान पा हिंशा बाक्‍कीन। १कोरिन्‍थी १०:१२

रोमी 2:4

मिनु गे परमप्रभु यावेमी मुर आन कली दाक्‍तीके, फाल्‍तीके नु आ गे लेत्‍नीनी कों, दे रिम्‍तीके कली आइक्‍च मिम्‍नीनी? परमप्रभु यावेमी “आन थुं आं गे लेत्‍नीमी कों” दे रिम्‍शो मतुइक्‍नीनी? २पत्रुस ३:९,१५

रोमी 2:5

इन थुं परमप्रभु यावे गे मलेत्‍तीके परमप्रभु यावे आ गाइश्‍शो तेम्‍नीनी। मिनु आ ठीक निसाफ पची नाक्‍त शुश सजाइ ताइनीनी।

हिब्रू 4:1

मोपतीके होस पांइसय, थुं नाइक्‍चा ताइनीनी देंशो लोव़ मुल यो लीशो बाक्‍तीके, होस पा बाक्‍य। मारदे हना सु सुमी आ लोव़ मटीमे, मेको ओव़चा मताइनीम।

१ पत्रुस 1:17

गेपुकीमी परमप्रभु यावे कली “इं आफ” दे पुंइना पुंइन बाक्‍नीनी। मेकोमी मुर आन कुल मकोव़थु, आन पशो कोव़शा, निसाफ पाइब। मोपतीके गे रागीमी बाक्‍नीनु, पाप पचा हिनीन। रोमी २:११; फिलिप्‍पी २:१२