हितोपदेस 28:11 - Sunuwar Bible

¹¹ शोंप पाइश्‍शो मुरुमी आंम कली “गो जोक्‍ब तुइक्‍ब नङ” दे मिम्‍ब। तन्‍न निप्‍स पाइश्‍शो प्रुङग मुरुमी मेको कली दोदेंशो बाक्‍ब, दे रिम्‍शो पा तुइक्‍ब।

हितोपदेस 28:11 ပူးပေါင်းရင်းမြစ်များ

अय्‍युब 32:9

खाल्‍पापुकी ला जोक्‍ब तुइक्‍ब मबाक्‍नीम। खूशोपुकी यो मार ठीक बाक्‍बा, मेको मरुप्‍‍नीम।

हितोपदेस 18:11

थीब मुर आन शोंप मेको आन कली बोल्‍यो सहर खोदेंशो बाक्‍ब। मेकोपुकीमी आन शोंप कली ठेयब गारो खोदेंशो मिम्‍नीम। हितोपदेस १०:१५

हितोपदेस 18:17

सुमी जितीकेमी ङोंइती ब्‍वाक्‍बा, मेको कली नोले ङा मुर मब्‍वाक्‍म सम्‍म नेल्‍लेमी ठीक मिम्‍शा थमा सुइक्‍नीम।

हितोपदेस 19:1

दूली लोव़ पा गाक्‍ब मूर्ख दुम्‍चा क्‍येङा प्रुङग नु गेना हना यो रिम्‍शो पाइब मुर दुम्‍चा रिम्‍शो बाक्‍ब। हितोपदेस २८:६

हितोपदेस 23:4

क्‍येट थीब मुर खोदेंशो दुम्‍चा कली मिम्‍शा बोल मपावो। जोक्‍ब तुइक्‍ब दुम्‍शा मोदेंशो मिम्‍चा प्रोनो। हितोपदेस २८:२२

हितोपदेस 26:12

आंम कली “जोक्‍ब तुइक्‍ब मुर नङ” दे मिम्‍ब मुर क्‍येङा मूर्खन रिम्‍शो बाक्‍ब। हितोपदेस ३:७

हितोपदेस 26:16

शुश रुप्‍शा लोव़ लेप्‍ब ७ जना मुर क्‍येङा मूर्खमी आंम कली “रुप्‍ब जोक्‍ब नङ” दे मिम्‍सीब।

हितोपदेस 26:5

मूर्ख कली आ मूर्खे खोदेंशो पा लोव़ मपाप्‍तीवी हना, मेकोमी आंम कली निप्‍स पाइश्‍शो मिम्‍सीब।

हितोपदेस 3:7

गे “गो जोक्‍ब तुइक्‍ब मुर नङ” दे ममिम्‍तो। तन्‍न परमप्रभु यावे कली मान पा हिनो। मरिम्‍शो पतीके रे ङोन बाक्‍को। यसैया ५:२१

यसैया 5:21

आबी “गो जोक्‍ब तुइक्‍ब नु निप्‍स पाइश्‍शो नङ” देंबपुकी श्‍येत जाइनीनी। हितोपदेस ३:७ रोमी १२:१६

रोमी 11:25

आं लोक्‍बपुकी, आं शेंशो ख्रुइश्‍शो लोव़ रिम्‍शो पा रुप्‍तीनी हना, गे ठेयब मलेत्‍नीनी। योव़सीचा पुंइसीशो अर्को रागी ङा मुर आन कली आ मुर सेल्‍ने मथुमा सम्‍म परमप्रभु यावेमी इस्राएली आन कली येसु ख्रीस्‍त आ पर्बम मरुप्‍ब सेल्‍तीमी। यूहन्‍ना १०:१६

रोमी 12:16

थुं का ङा दुम्‍शा, दुशा गारशा बाक्‍कीन। जोक्‍ब तुइक्‍ब नङ, दे ठेयब मलेत्‍तीने। आंम महिक्‍सीशो सुंइ‍सीन। जोक्‍ब तुइक्‍ब ममिम्‍सीने। रोमी १५:५; फिलिप्‍पी २:२; यसैया ५:२१

१ तिमोथी 6:17

गे मुल शुश क्‍येट थीब आन कली “ठेयब लेश्‍शो मदुमीन। जाम्‍शा लाइब शोंप कली आस मपथु, परमप्रभु यावे कली आस पने। मारदे हना परमप्रभु यावेमी इं कली शुश तेम्‍शा गेब। आ गेशो तशा ग्‍येरसीन” दे माइक्‍मी। भजन संग्रह ६२:११; लूका १२:१५-२१