हितोपदेस 27:8 - Sunuwar Bible

⁸ खिं रे ङोन लशो मुर ग्‍योव़ रे ङोन बेरशो चिक्‍ब खोदेंशो बाक्‍ब।

हितोपदेस 27:8 ပူးပေါင်းရင်းမြစ်များ

उत्पत्ती 21:14

मिनु अब्राहाम सुनी कना बोक्‍शा, हागार कली शोब्‍ले नु ब्‍वाक्‍कु कुरपाइश्‍शा, आ तौ नु सोइक्‍ता बाक्‍त। मिनु हागार नु आ तौ लसा बाक्‍त। मिनु लशा, लां जाम्‍शा, बेयर-शेबा माइश्‍शो गोरशो रागीम हिरससा बाक्‍त।

उत्पत्ती 4:16

मिनु नोले काइन परमप्रभु यावे आ ङोंइती रे लमाक्‍त। मिनु एदेन आ पूर्ब गे, नोद माइश्‍शो रागीम जाक्‍दीश्‍शा बाक्‍माक्‍त।

१ राजा 11:22

तन्‍न फाराओम मेको कली “आं रागीम इन कली मार मजाक्‍दीम्‍मे? मिनु ‘आं रागी लेश्‍शा लाइनुङ’ देंनी” दे हिल्‍लो पवा बाक्‍त। मिनु मेकोमी “मारेइ माल्‍शो मबाक्‍ब। तन्‍न आं कली लचा गेयीनी” देंमाक्‍त।

१ राजा 19:9

मिनु मेकेर ङा पुक्‍खी काम ओव़शा, मेक उइ नां सोंइदा बाक्‍त। मेकेर बाक्‍मेनु, परमप्रभु यावेम मेको कली “एलीया, गे एक मार पा बाक्‍ङे?” दे हिल्‍लो पवा बाक्‍त।

हितोपदेस 21:16

सुइ मुर रुप्‍तीक लां प्रोंइतु हना, मेको बेक्‍शो मुर आन बाक्‍तीक लशा नाइक्‍ब।

हितोपदेस 26:2

फुर फुर पा बेरब भङगेरा नु हुरुर पा बेरब बेल्‍लुम खोदेंशो पा मगारचा ङा सराप शोर गाक्‍शो बाक्‍ब।

हितोपदेस 27:7

साप्‍पा रूशो कोव़जमी खुदो यो मदाक्‍ब। तन्‍न शोव़लु बेक्‍शो मुर कली मब्रोव़शो जचा थोव़क यो ब्रोव़ब।

यसैया 16:2

आन ग्‍योव़ रे खेरशो एर ओंथ ब्रशा बेरशो चिक्‍ब खोदेंशो पा मोआब ङा तमीपुकी अरनोन खोला आ नेक्‍था बाक्‍नीम।

योना 1:3

तन्‍न योना परमप्रभु यावे आ ङोंइती रे लशा, निनवे मलथु, टारशीश गे प्रोक्‍चा गोवा बाक्‍त। मिनु योप्‍पा सहरम यिशा, टारशीश लाइब डोंगा का थिश्‍शा, क्‍येट थाप्‍शा, परमप्रभु यावे आ ङोंइती रे प्रोक्‍शा, डोंगाम ङोंइसे बाक्‍त। भजन संग्रह १३९:७,९,१०

१ कोरिन्‍थी 7:20

मुर नेल्‍ल इन कली दोदेंशो पा ब्रेत्‍ता, मोदेंशोन बाक्‍कीन।

यहूदा 1:13

मेको समुन्‍द्र ङा ठेयब हिंचा ङा छाल खोदेंशो बाक्‍नीम। आंम मुने ङा बोग्‍यो ग्रुंइनीम। दोक्‍शो सोरुल खोदेंशो बाक्‍नीम। मेको आन कली नेल्‍ल क्‍येङा मरिम्‍शो छिङछिङ ङा बाक्‍तीके वोइश्‍शो बाक्‍ब। यसैया ५७:२०

१ सामुएल 22:5

मिनु परमप्रभु यावे आ लोव़ पाइब गादमी दाऊद कली “गे मेको बोल्‍यो ख्रुइश्‍शा बाक्‍तीकेम मबाक्‍कीन। रीब पा यहूदा रागी लने” देंमाक्‍त। मोपतीके दाऊद हेरेथ ङा ब्‍वाकीम लमाक्‍त। भजन संग्रह ६३:१