हितोपदेस 27:18 - Sunuwar Bible

¹⁸ सुमी फोव़शी रवा खाल पाइबा, मेकोमी फल जचा ताइब। सुम आ होव़प कली रिम्‍शो पा कोव़बा, मेको मान पाइक्‍चा पुंइसीब।

हितोपदेस 27:18 ပူးပေါင်းရင်းမြစ်များ

२ राजा 18:31

हिज्‍कीयाह आ लोव़ मनेनीन। अस्‍सुर ङा पिपम ‘गो नु गारीन। मिनु ग्रूशा आं बाक्‍तीक जाक्‍कीन। मिनु गेपुकीमी इन अङगुर रू ङा अङगुर नु इन रवा ङा फोव़शी जचा ताइनीनी। इन इनार ङा ब्‍वाक्‍कु तूचा ताइनीनी। १राजा ५:५

२ राजा 3:11

तन्‍न येहो-शाफातमी “मार एकेर परमप्रभु यावे आ लोव़ पाइब सुइ मबाक्‍नीमी? मेको रे पा गो परमप्रभु यावे कली हिल्‍लो पने चाप्‍नीक” देंमाक्‍त। मिनु इस्राएल ङा पिप आ गेय पाइब आन दाते ङा काम “एलीया आ गुइम ब्‍वाक्‍कु लुक्‍ब शाफात आ तौ एलीशा एक बाक्‍ब” देंमाक्‍त। १राजा २२:५,७; १राजा १९:१९-२१

२ राजा 5:25

मिनु मेको आगा लशा, आ होव़प एलीशा आ ङोंइती राम्‍माक्‍त। मिनु एलीशामी “गेहाजी गे ते लवे” दे हिल्‍लो पवा बाक्‍त। मिनु गेहाजीम “इन गेय पाइब, गो तेइ मलशो बाक्‍नुङ” देंमाक्‍त।

२ राजा 5:27

मुल नामान आ कोव़र पतीक रोइ गे नु इ चच युइ इन खिंम गेना हना यो खोक्‍शा लीब” दे मदा बाक्‍त। मिनु गेहाजी मेको आ ङोंइती रे लमाक्‍त। मिनु मेको फुं खोदेंशो पा बुश पा कोव़र मुमाक्‍त।

एस्‍तर 6:11

मिनु हामानमी फेक्‍तीक वा नु शारा चाक्‍शा, मोरदेकै कली मेको वा फेक्‍शा, शाराम ङोइक्‍पाइश्‍शा, सहर ङा लां मेर लाइश्‍शा, आ ङोंइती “पिपमी मान गेचा दाक्‍शो मुर कली मार पवा, मेको कोव़ङीन” देंना देंन मोरदेकै कली हिरताक्‍व।

भजन संग्रह 123:2

दोपा वाइलपुकीम आन होव़प आन गुइ गे कोव़नीमी नु वाइलीमपुकीमी आन होव़पोक्म आन गुइ गे कोव़नीम, मोपा गोपुकीमी परमप्रभु यावे गे कोव़नीकी। आंइ कली शिशी मपवा सम्‍म मोपा कोव़नीकी।

प्रस्‍थान 24:13

मिनु मोसा आ गेय पाइब यहोसु लाइश्‍शा, परमप्रभु आ डांडा ङोंइसाक्‍व। प्रस्‍थान ३३:११

हितोपदेस 17:2

जोक्‍ब तुइक्‍ब वाइलमी आ होव़प आ मरिम्‍शो पाइब तौ कली अरेब। मिनु मेको वाइलमी खिं ङा तौ खोदेंशो पा रू ताइब।

हितोपदेस 22:29

जोक्‍ब गेय पाइब आन कली तनी? मेकोपुकी पिप आन कली गेय पाइब दुम्‍नीम। मेकोपुकीमी आइक्‍च मुर आन कली गेय मपाइनीम।

हितोपदेस 27:17

फलाममी फलाम कली शेप्‍शो खोदेंशो पा, मुर कामी अर्को कली शेप्‍ब।

हितोपदेस 27:19

दोपा ब्‍वाक्‍कुम कुल तांइसीबा, मोपा मुर आ थुं दोदेंशो बाक्‍बा, मेको अर्कोम तुइक्‍बा।

ठेयब कुम्सो 8:12

तन्‍न आं के यो अङगुर रू का बाक्‍ब। ए सोलोमन, मेको हजार का चांदी के शेकेल इन केन बाक्‍ल। मिनु सहे निक्‍शी शेकेल चहिं मेको फल फुल खाल पाइ‍ब आन के बाक्‍ल।

यसैया 36:16

हिज्‍कीयाह आ लोव़ मनेनीन, मारदे हना अस्‍सुर ङा पिपमी इन कली “गो नु गारीन। मेकेर रे ग्रूशा आं बाक्‍तीके जाक्‍कीन। मो पाइतीनी हना, गे नेल्‍ल इन रू ङा अङगुर बोट नु इन फोव़शी रवा ताइनीनी। मिनु इन आंम कुवा ङा ब्‍वाक्‍कु तूचा ताइनीनी। १राजा ५:५; मीका ४:४

मत्ती 24:25

मेको नेल्‍ल दुम्‍चा ङोंइतीन गो इन कली नेल्‍ल शेंशा तुइक्‍पाइक्‍तन्‍नी।

मत्ती 24:46

आ होव़प लेश्‍शा जाक्‍शा, आ गेय पाइबमी आ देंशो टिशा पशो तशा ‘रिम्‍शो’ पाप्‍तीवी देंब।

मर्कूस 10:43

तन्‍न इन दातेमी मोदेंशो पचा मदुम्‍ब। सुमी ठेयब दुम्‍चा दाक्‍बा, मेको नेल्‍ल आन गेय पाइब दुम्‍चा माल्‍ब।

लूका 12:37

मोदेंशो गेय पाइब आसीक ताइब बाक्‍नीम। होव़प लेश्‍शा जाक्‍मेनु, आ गेय पाइब आन कली मइप्‍थु रिम्‍शा बाक्‍शो थित्‍‍तु हना, आ होव़प थाम्‍पा ग्‍येरसीशा, मेको आन कली निप्‍पाइश्‍शा थुल्‍ब।

लूका 12:42

प्रभुमी “होव़पमी आ खिं कोव़ब कली जची जाक्‍मेनु जचा गेचा, दे अरेशा वोइक्‍चा पुंइसीब। मेको खोदेंशो निप्‍स पाइश्‍शो थमा सुइक्‍चा पुंइसीशो गेय पाइब सु बाक्‍बा?

लूका 19:17

‘गे रिम्‍शो गेय पाइब बाक्‍ते, आइक्‍च गेयमी रिम्‍शो पाप्‍तीवी। मोपतीके १० ओटा सहर कली अधिकार पाइब सेल्‍नन’ देंमाक्‍त। लूका १६:१०

यूहन्‍ना 12:26

सुमी आं गेय पाइबा, आं देंशो यो पचा माल्‍बा, मेको आं बाक्‍तीकेमी बाक्‍चा ताइब। आं आफोमी आं गेय पाइब आन कली ठेयब सेल्‍ब” देंत। यूहन्‍ना १७:२४

प्रेरित 10:7

मोदेंशो लोव़ देंशो नेंशा, आ गेय पाइब निक्‍शी नु सिपाही का कली ब्रेत्‍ता बाक्‍त। सिपाही यो प्रभु कली मान पा टीब का बाक्‍माक्‍त।

१ कोरिन्‍थी 3:8

ख्रुम्‍ब नु ब्‍वाक्‍कु लुक्‍ब कांइचीक बाक्‍नीस। मिनु आंइ कली पपाइश्‍शो गेय दोदेंशो पा पका, मोदेंशो पा गाल्‍च ताइनीकी। १कोरिन्‍थी ४:५

१ कोरिन्‍थी 9:13

परमप्रभु यावे आ खिंमी गेय पाइबपुकीमी मेक रे जाइनीम। चढ़ेतीकेम गेय पाइबपुकीमी मेक रे ब्‍वाइनीम, दे मतुइक्‍नीनी? गन्‍ती १८:१८-१९,३१; ब्‍यवस्‍था १८:१-३

१ कोरिन्‍थी 9:7

लडाइ पाइब आन खिं ङा जशा बाक्‍नीमी ङा? अङगुर रू थीबपुकीमी श्‍येत पा ख्रुम्‍शा, अङगुर मीमेनु, ब्‍वचा मताइनीमी ङा? गोठलापुकीमी चिम्‍शो बी कली योव़शा कोव़शा, घांस लाप्‍शा, श्‍येत पा गेय पशा, दूध चिम्‍शा तूचा मताइनीमी ङा?

कलस्‍सी 3:22

वाइलीम वाइलपुकी, इन ठेयब मुरुमी मार मार देंनीमी, मेको नेल्‍ल टिचा माल्‍नीनी। इन ठेयब मुरुमी कोव़तेक्‍म हना यो, मकोव़तेक्‍म हना यो, थुं का पशा, प्रभु कली मान पा हिनीन।

२ तिमोथी 2:6

सुमी रूम शुश गेय पाइबा, मेको आ बाली नाली आ ङोंइती ङा जाइब दुम्‍चा माल्‍ब।

१ पत्रुस 2:18

गे खिं ङा गेय पाइबपुकी, इन होव़प क्‍येङा हिंशा टिने। रिम्‍शो पाइब होव़प कली ला ममाइ, मरिम्‍शो होव़प कली यो टिचा माल्‍नीनी। एफिसी ६:५; तीतस २:९

१ पत्रुस 2:21

मोदेंशो पचा, दे योव़शो ननी। ख्रीस्‍त यो इन पर्बम श्‍येत जशा, इन कली कोंइतीक दुम्‍त। मोपतीके गे आ खोदेंशो पचा माल्‍नीनी। १पत्रुस ३:१८; मत्ती १६:२४

१ सामुएल 2:30

मोपतीके परमप्रभु यावे, इस्राएली आन परमप्रभुमी “इ किकी पिपी आन खिं ङा मुर नेल्‍ल गेना हना यो आं ङोंइती चढ़ेब दुम्‍नीम, गो कसम जशो नङ” देंशो बाक्‍त। तन्‍न परमप्रभु यावेमी “मुल ओदेंशो मदुम्‍ब। मारदे हना आं कली ठेयब सेल्‍ब आन कली गो ठेयब सेल्‍नुङ। आं कली आइक्‍च सेल्‍ब नेल्‍ल आइक्‍च सेल्‍चा पुंइसीनीम। प्रस्‍थान २८:१; मलाकी ३:१६-१८