हितोपदेस 26:27 - Sunuwar Bible

²⁷ सुमी मुर पिक्‍चा, दे खाल्‍टा दोइबा, मेको आंमान बिक्‍ब। सुमी मुर कली चिप्‍पाइक्‍चा, दे फुल्‍लु लोक्‍बा, मेको आंमा लोक्‍सीशा थिश्‍शा लाइब। भजन संग्रह ६:१६; उपदेसक १०:८

हितोपदेस 26:27 ပူးပေါင်းရင်းမြစ်များ

एस्‍तर 7:10

मिनु मेकोपुकीमी मोरदेकै कली साइक्‍चा, दे ग्रुक्‍शो थाममी, हामान कली लाइश्‍शा क्‍युक्‍तेक्‍म। मिनु पिप आ थुं नांइसाक्‍व।

एस्‍तर 9:25

मिनु मेको लोव़ पिप कली तुइक्‍पदमे नोले पिपमी, ब्रेक्‍स पा यहूदी आन कली मरिम्‍शो नु श्‍येत गेचा मिम्‍शो नेल्‍ल हामान आंम आ पियामी कोप्‍ताक्‍व। मिनु मेको नु आ तौ थामम क्‍युक्‍शा साइक्‍चा पुंइसाक्‍म, दे छाप आप्‍शो ब्रेक्‍तीक का ब्रेक्‍शा ग्रुंइ‍ताक्‍व। एस्‍तर ७:१०

भजन संग्रह 10:2

परमप्रभु आ अरेशो लोव़ मटीबपुकीमी ठेयब लेश्‍शो दुम्‍शा, प्रुङग आन कली खेदा पाइनीम। मेको आन मरिम्‍शो मिम्‍तीके नु आन पतीकेमी ग्‍याइक्‍चा पुंइसीनीम।

भजन संग्रह 57:6

मेकोपुकीमी आं खोइली रेप्‍पाइक्‍चा कली ब्‍वारद दाइक्‍ताक्‍म। गो श्‍येत जशा गुर ब्‍वेशो बाक्‍नुङ। मेकोपुकीमी आं लांम खाल्‍टा दोम्‍तेक्‍म। तन्‍न मेकोपुकी मेकेर आंमा बिक्‍तेक्‍म। ठेयब सेंदा पा।

भजन संग्रह 9:15

रागी रागी ङा मुरपुकी आंमा दोशो ठेयब खाल्‍टाम बिक्‍शो बाक्‍नीम। मिनु आन दाइश्‍शो ग्‍याइलीमी आंमा रेश्‍शो बाक्‍नीम।

हितोपदेस 28:10

सुमी रिम्‍शो थुं पाइश्‍शो मुर कली मरिम्‍शो लां हेंथे गाक्‍पाइक्‍बा, मेको आंमा दोशो खाल्‍टामी बिक्‍ब। तन्‍न दोस मताइबपुकीमी रिम्‍शो ताइनीम।

हितोपदेस 5:22

परमप्रभु यावे आ अरेशो मटीब मुर आ मरिम्‍शो पशोमी ग्‍याइक्‍चा पुंइसीब। मेको आ पाप आ ग्‍याइलीमी रेत्‍चा पुंइसीब।

उपदेसक 10:8

बिक्‍तीक दोइब मुर मेको आंमान बिक्‍ने चाप्‍ब। मिनु गारो प्रेप्‍ब कली बुस्‍सुमी कोक्‍ने चाप्‍ब। हितोपदेस २६:२७

यसैया 3:11

आबी, दोस ताइब कली हिंचा ङा दुम्‍ब। मारदे हना दोपा मरिम्‍शो पवा, मोपा आ मरिम्‍शो पशो ताइब।

यसैया 3:8

मिनु यरूसलेम दाइल पांइसीशा गोल्‍त। यहूदा खतम दुम्त। मारदे हना मेकेर ङा मुर आन लोव़ नु आन पतीके परमप्रभु यावे कली काइ मगारचा ङा बाक्‍त। परमप्रभु आंमा मेको आन दातेमी बाक्‍शा यो, मेकोपुकीम महिंथु मरिम्‍शो पना पन बाक्‍नीम।