हितोपदेस 26:25 - Sunuwar Bible

²⁵ इ जोरी सत्रुमी गे नु ब्रोव़शो लोव़ पाप्‍तु हना यो, मेको कली थमा मसुतो। मारदे हना मेको आ थुंमी ७ ओटा ग्रांग्रा दि‍चा ङा लोव़ ख्रुइश्‍शा बाक्‍नीम।

हितोपदेस 26:25 ပူးပေါင်းရင်းမြစ်များ

नेहेम्‍याह 6:2

मेना सान्‍बल्‍लत नु गेशेममी आं कली “ओनो दिंम ङा गाउं काम ग्रुम्‍य” दे लोव़ सोइक्‍ताक्‍यीमी। तन्‍न मेकोपुकीमी आं कली मरिम्‍शो पचा माल्‍शो बाक्‍तेक्‍म।

भजन संग्रह 12:2

नेल्‍लेमी आन नेक्‍था ङा मुर नु जोल ला पमुइनीम। चिप्‍लो लोव़ पाइब थुं निक्‍शी पाइश्‍शो ला बाक्‍नीम।

भजन संग्रह 28:3

आं कली इन अरेशो मटीब नु मरिम्‍शो पाइब मुर नु मक्‍याम्‍दीन। मेको आन नेक्‍था ङा मुर नु गारशो लोव़ पाइनीम। तन्‍न आन थुं मरिम्‍शो पतीकेमी ब्रीशो बाक्‍नीम। २सामुएल २०:९-१०

हितोपदेस 23:7

मारदे हना मेकोम इ लाकचामी चांम खोदेंशो पा कार‍ब। मेकोमी इ कली जने तूङीने देंत हना यो, मेको आ थुं गे नु मबाक्‍ब।

हितोपदेस 26:23

मरिम्‍शो थुं ङा ब्रोव़शो लोव़ खप के बोसुम चांदी ख्रेक्‍शो खोदेंशो बाक्‍ब।

येरमीया 12:6

इ लोक्‍बपुकी नु इ खिं ङा मुरपुकीमी इ कली मरिम्‍शो पाम्‍तेक्‍म हना, मेकोपुकी इ पर्बम ठेयब सेंदा पा रेयके पा जाक्‍नीम। मेकोपुकीमी गे नु रिम्‍शो लोव़ पाम्‍तेक्‍म हना यो, मेको आन कली थमा मसुइक्‍मी।

मीका 7:5

इन वारच कली थमा मसुतीन। इन दाक्‍शो मुर कली थमा मसुतीन। गे नु काथा इप्‍शो मीश नु यो होस पा लोव़ पने। येरमीया ९:३-४

मत्ती 24:23

मिनु मुरपुकीमी ‘ख्रीस्‍त एकेर जाक्‍त, मेरेक बाक्‍ब, कोव़थ गाक्‍कीन’ देंतेक्‍म हना, थमा मसुतीने।

१ सामुएल 18:17

मिनु सावलम दाऊद कली “गो आं ठेयब तमी मेराब इ कली गेशा ग्‍युं‍बे पपाइक्‍नुङ। तन्‍न गे मेको आ पर्बम बोल्‍यो पा आं गेय पचा माल्‍नेवे। मिनु परमप्रभु यावे आ पर्बम लडाइ पावो” दे मदा बाक्‍त। मारदे हना सावलम दाऊद कली आंम आ गुइम ममाइ पलिस्‍ती आन गुइ रे साइक्‍पाइक्‍चा माल्‍शो बाक्‍माक्‍त।