हितोपदेस 26:21 - Sunuwar Bible

²¹ दोपा मी मुइक्‍चा कली कोइला नु ब्रचा कली शी माल्‍बा, मोपा रीब पा गाइक्‍ब मुर जिचा पोक्‍ब बाक्‍ब। हितोपदेस १५:१८

हितोपदेस 26:21 ပူးပေါင်းရင်းမြစ်များ

२ सामुएल 20:1

शेबा नें पाइश्‍शो मरिम्‍शो पाइब मुर का बाक्‍माक्‍त। मेको बेन्‍यामीन आ थर ङा बिक्री आ तौ बाक्‍माक्‍त। मेकोम तुराही ताप्‍शा ग्रीशा “दाऊद नु आंइ के मार बाक्‍बा ङा? येस्‍से आ तौ नु आंइ के मारेइ मबाक्‍ब। ए इस्राएली, गे इन ताम्‍बु ताम्‍बुम लने” देंमाक्‍त। १राजा १२:१६

१ राजा 12:20

मिनु इस्राएली नेल्‍लेमी “येरोबाम लेश्‍शा जाक्‍शो बाक्‍ब” देंशो लोव़ नेंशा, मेको कली ब्रेत्‍थ सोइक्‍तमे बाक्‍त। मिनु मेको कली इस्राएल ङा पिप सेल्‍मे बाक्‍त। यहूदा आ थर ङा मुर ला दाऊद आ खिं ङा मुर आ नोले खोदमे बाक्‍त।

भजन संग्रह 120:4

लडाइ पाइबमी आ हेश्‍शो ब्रा आप्‍ब। मिनु ब्रशो कोइला इ तार जुक्‍पाइक्‍नीम।

हितोपदेस 10:12

मुर आन कली काइ मदाक्‍शोनु, जिचा बोक्‍ब। मुर आन कली दाक्‍शोनु चहिं, आन मरिम्‍शो पशो नेल्‍ल सुम्‍सीब। १पत्रुस ४:८

हितोपदेस 15:18

शुश गाइक्‍ब मुरुमी जिचा पोक्‍ब। तन्‍न रीब पा मगाइक्‍ब मुरुमी जितीके तेक्‍ब।

हितोपदेस 29:22

चुरब मुरुमी राम्‍शी पोक्‍ब। गाइश्‍शा बाक्‍ब मुरुमी शुश मरिम्‍शो पपाइक्‍ब। हितोपदेस १५:१८; हितोपदेस २२:२४

हितोपदेस 30:33

मिनु दूध ख्राक्‍शोनु नौनी घ्‍यू ग्रूब। नें तुप्‍शोनु, हुश यीब। मोपान गाइक्‍चा बोक्‍त हना, राम्‍शी बोक्‍ब।